申請貸款一不留神便闖禍【鍊貸術師】#2670

#貨比三家是常識吧

#斥巨資差點財務自由的故事

#精密的計劃被雙重標準識破

 

想當年…

月光族族長 – 鍊貸術師總是想一夜暴富,

一勞永逸,

做不到0成本借錢,便計劃0成本炒股致富,

由於當年打暑假工(並未有最低工資嘅年代),

薪金$6,300+勤工獎$300+服務獎$200,

齊頭$6,800厚薪!

工作兩個月扣除交通費﹑家用再買埋部「激薄非智能全新行貨」手機$2,000(大哥大與水果手機之間有個短暫的時代只需$2,000大元便能買到主流手機),剩下$10,000元。

 

鍊貸術師斥資$10,000與某證券行簽訂戰略合作框架(不知是否具約束力),成功開立人生首個證券帳戶,便回家制定財務自由大計~

 

先向銀行募資(註1),

再邀請上市公司洽談合資(註2),

對國家發展戰略投下有血有汗的一注(註3),

某大型國企…口號是什麼陸運優於海運,

N車合併便成神再上天等等

 

解註:

註1 : 先向銀行募資=向銀行申請私人貸款

註2 : 再邀請上市公司洽談合資 =透過上市證券行借取高昂而合理的孖展

註3 : 對國家發展戰略投下有血有汗的一注=ALL IN買入股票叫東車西車南車北車

 

鍊貸術師心知:

「爹親娘親不如領導親,千好萬好不如財自好。」

 

為免有任何差池,昨晚已製成一張天衣無縫密密麻麻的單面A4紙-計劃書,第一步,申請P loan!

 

自信滿滿的鍊貸術師自幼聽從長輩教誨,

凡是使錢都要貨比三家!

 

第一步,

在筆者所認識的銀行均入紙遞私人貸款申請!

就看看有哪間銀行有意搶下這筆大買賣!

 

萬眾期待的審批結果終於出爐,

結果是經過銀行謹重考慮決定拒絕批出貸款…

 

嗚~

又一個半刻鐘…

 

原來私人貸款一不留神便闖禍,在此列明六宗罪:

 

1.原來私人貸款,金融機構不接受客人同時申請多間借貸,理由是太多申請會影響申請人的信貸評級(心底話:難怪這不是該修補的BUG嗎?)

2.原來好多隻魔鬼在細節,零息但又有手續費,高月平息又高回贈,低實際年利率就高手續費,以為全部都係幻覺黎,嚇我唔到!

3.唔知要制定好還款年期,以為3年計劃借3年就得啦,點不知廣告寫嘅特低利息係用12個月去計,唔止借100萬先有,仲要「特選客戶」先有,咁既然係「特選客戶」先有,點解唔直接通知「特選客戶」?要周街宣傳??

4.網上討論區又話一份身份證就可以借到錢,點知又要呢樣個樣,又糧單又月結單又稅單,大佬,點會知道原來打暑期工都要交稅,不過有樣好,趁早知道老闆冇幫手供強積金。

5.申請表內容有隱瞞,以為商場如戰場,成功都需要爾虞我詐,我申請A銀行當然唔會話俾B銀行知啦,兩個財政狀況相同嘅客人,銀行都批出兩個唔同嘅息率啦!咁雙重標準!鍊貸術師擔心銀行一不留神,「被」刻意壟斷,就犯《競爭條款》便麻煩了。

6.太自信冇去搵專業人士咨詢,處處碰壁,所以鍊貸術師先有今日,樣樣都識少少,唔洗俾人笑。

 

鍊貸術師佈置的精密計劃以失敗告終…

 

筆名:鍊貸術師

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top