【李聲揚】科指不停跌，國企好少少，恒指又好少少

當然我唔係做青姐咁「屌醒你」（我發現好多人係鍾意咁的，果然百貨應百貨），但好多人嘅做法，一開頭已經係錯，幾個月前高追啲契媽股呀中資發夢股呀，成手都係，然後問我點算。有乜可以點算？或者有啲話拎住百幾兩百萬，錯過晒之前嘅升浪，而家驚買美股會摸頂，又問我可以點算。咁又有乜可以點算？

當然過咗去嘅冇計，但你唔面對之前出咗嘅問題，就好難幫到你（咁講真，股票輸錢啫，甚至只係賺少咗，又唔使講到要生要死嘅）。例如你之前全部都側埋一邊嘅，咪以後買其他嘢去戥勻咯。所以真係要case by case，唔係畀個冧把你就發達。係咁易嘅你唔使撈啦，我都唔使

講返，太古19呢啲都話好東西，夠晒殘，而且暫時唔會點畀大陸搞到（雖然都有一定大陸業務，唔止地產呀下）。

另外仲有友邦1299，今年都只係打個和，但已經贏晒大市。況且，未通關都咁成績喎，通埋仲得了？Patreon同你講埋個業績。

至於東岳189理文化工746點解大跌？但，「其實理文化工係因為除息」，咁東岳又跌乜？拎住理文又點？就又係文入面講了

美股啦喎，你見Walmart同HomeDepot啲業績都強，但一樣照跌，又乜事？不過幾百點又話股災嘅，扯，好似星期一美股先新高喎，今年內第50次！

然後又講，有啲友問我Big tech買邊隻好，我發現真係好得意，啲友硬係鍾意一注獨贏。Why not all？當然實際上，美股一股一股咁買，咁你買齊5隻都只係5皮嘢，但就會側咗去Amazon同Google．Equal weight嘅，就13萬，都幾係嘢。

解決方法？可以買ETF嘅。有FANG+ ETF，三星2814，之前我都提過下，4千銀一手。但然後有啲友話「跟得唔足」，咁Patreon就幫你拆解下咩回事。當然啦，其實我就自己冇買嘅，我直接買美股的。但總有啲人唔想唔鍾意開美股戶口。

最後反而係重點，話說我昨日在尖沙咀做完直播，就行去旺角，去阻人收工，夜晚7:55分走去USMART 開戶。固然其實唔使新身，但反正我出開去，順路（冇錯，出開尖沙咀但行去旺角都順路）

但重點係我做乜走去USMART開戶？就係為咗月供美股。市面上都唔係咁多間有呢樣東西。

點解我會去月供美股？我供乜？就睇Patreon話你知

不過講明，雖然你見我講座有USMART，或者我同homeblogger嘅直播都有佢地贊助，但我本人就完全冇任何金錢或非金錢利益的。你見我連開戶link又冇貼，又冇referral code，就知唔係幫佢地賣廣告。

============

了解更多：股市漁夫系統 免費試用

股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。