祖雲達斯股價勁瀉。原因？你真係唔知？
![可能是顯示的文字是「 Juventus FC SpA BIT: JUVE Follow Overview Compare Financials 0.79 EUR -0.069 (8.00%) 10 Mar, 5:35 pm GMT+1 Disclaimer 1D 0.90 YTD 0.85 5D 1M 6M More [沒有馬賽， 只有波圖] C的截巴拿，是但走一件 是但走一件 Prev close 0.86 0.80 0.75- 9:00 am 1:00 pm 5:00 pm 」的圖像](https://scontent-hkg4-2.xx.fbcdn.net/v/t1.0-9/157530447_274231987609410_2040424527677252112_n.jpg?_nc_cat=109&ccb=1-3&_nc_sid=8bfeb9&_nc_ohc=fD6t9LdY-xoAX-s8UZ9&_nc_ht=scontent-hkg4-2.xx&oh=5de3227675b05e4f5d8a545c6c0e3a9b&oe=60707DA2)
1. 歐聯16強，波圖對祖雲達斯，除咗意甲球迷，冇乜人會放做首選。但結果係相當精彩嘅兩場賽事。波圖首合回主場領先，但一般都睇好祖雲達斯次回合返到主場可以翻盤。結果波圖相當硬淨，次回合下半場冇耐已經打少件，60分鐘左右已經失波，之後一路捱到90分鐘，仲要捱埋加時。到加時祖雲達斯麥堅尼一個唔太必要嘅犯規輸罰球，仲要人牆跳起畀人地波入（應不能算犯錯？）。最後祖雲達斯追多球但為時已晚，出局。
2. 詁說回頭，計我話呢，過去一年，波圖最有威脅嘅，始終係17號嗰位球員。Google 下（＊）
3. 但畢竟呢個係財經台唔係睇波台，所以都係講錢。麥堅尼呢個犯規，就真係值錢了。你見祖雲達斯股價即時跌8%。係喎，上市的，市值蒸發80億港紙—咁少？係喎，成間嘢先100億港紙市值左右，再講一次，球會係唔值錢的，仲要係意甲。
4. 當然股價嘅嘢起起落落好正常，有時冇乜點解，但今次當然係因為歐聯16強出局，唔使拗。股價就可能浮雲，但連續第二年歐聯出局，對祖雲達斯嘅財政，就雪上加霜（加埋人人有份嘅疫情打擊）。唔會爆煲（住）（巴塞都未爆啦），但當然係有點頭痕的，因為條數唔係好計得掂。
5. 疫情前已經有講，直到C朗拿度完約之前（下年6月），祖雲達斯（https://bityl.co/5vl6）都會一路蝕錢。唔使講咩「賣波衫好多錢」（好心啦），「拎到好多贊助」。蝕錢，quite simply，咪就係蝕錢，有邊隻字你唔明？當然計埋咩賣波衫拎贊助。咁但固然，蝕錢咪蝕錢咯，球會成日蝕錢架啦，特別係意甲。當時（記住係疫情前）諗住都係再睇長遠啲，可能拎到個歐聯返嚟，或者多啲人留意意甲，或者吸到更多年青人嚟。
6. 咁但，先係一個疫情，咁人人有份冇計。但，冇睇錯的話，C朗拿度嚟到祖雲達斯後，第一季歐聯八強，還好。最近兩屆，都係十六強出局。咁肯定呢條唔係祖雲達斯高層最初心中條數。更加吹啤嘅係，C朗拿度未嚟之前嘅幾年，祖雲達斯反而係兩次入歐聯決賽（可惜兩次都輸）。咁係C朗拿度老丫，唔好彩丫（今屆的確唔好彩，祖雲達斯有球中楣，入咗已經收工唔使加時），定其他豬隊友呀，就留畀你啲專家網友講爆佢。反正個個都係專家。
7. 但我只講錢。祖雲達斯雖然係意甲一哥兼最有錢（一般講收入）嘅球會，但意甲球會本身就冇乜錢，一哥祖記，在歐洲都只係排到第十左右，近年都係咁。而歐聯主要都係一個燒錢嘅遊戲，有錢咪有球員有教練，你見近N年邊有「窮門」捧盃？以祖雲達斯嘅財力，加上聯賽年年都自動歐聯位（同拜仁相似），煩少樣嘢，歐聯應該係八強左右嘅實力。兩年都十六強出局，就有點削了。
8. 何況，C朗拿度份人工真係好高。之前寫過文，佢老哥一個嘅人工，高過意甲十幾隊波。亦即係話佢份人工去搞隊波，可以夠班在意甲拎到歐霸位。
9. 咁隨住祖雲達斯連續兩屆十六強出局，就已經講會牽一髮動全身了。講得白啲，戴巴拿同C朗拿度，兩個都就快約滿，好可能兩個只能留一個（甚至兩個都唔留）。真係 nothing personal，係咪因為C朗拿度踢得唔好而出局根本不重要，人工先係最大問題，年紀亦係問題。理論上戴巴拿可以賣到好價，但疫情下明顯唔會有人出到太好嘅價，不如留嚟自用？況且，C朗拿度仲有幾多年玩？而睇歐聯戰績，又好似C朗拿度未嚟之前仲好喎。當然，冇咗C朗度拿，冇咁多人會關心祖雲達斯同意甲，但講過了，佢老哥好貴喎。
10. 甚至，狠心啲，兩個都唔留都可以。F 基艾沙原本應該係呢場波嘅英雄。由老豆睇到仔，唔認老都唔得。老豆就E，仔就F，個孫應該係G基艾沙吧，不如就叫 Giordano，反正老豆Enrico，仔就Federico
11. 如無意外，今晚巴塞都會出局，面對嘅都係類似嘅問題，甚至更嚴重。巴塞舊年大敗出局後，已經好多人討論美斯去留。同樣道理，份糧真係太甘了，而巴塞更加多是非，正路地佢走，留返份糧請幾件後生嘅，先對球會好。
（＊）OK，十分bad taste，個球員叫Corona．咁為咗補償我嘅壞品味，講多樣trivia 你聽：話說呢位墨西哥球員，2012年踢世界冠軍球會盃嗰時，冇得印自己個名。點解？因為件衫由另一家啤酒廠贊助，唔會容許”Corona”出現。結果佢件衫係印 Jesus C（唔係Jesus Christ驚歎或抗議，睇曼城嘅知，Jesus呢個名好常見嘅）
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00