【莫家強】每週初步測試 (20210222)

======附件=======

OP21-20210222

======附件=======

近排好多報導,都講到美股好似好勁咁。但其實好多美國大股,特別係大型嘅科技股,近半年嘅走勢都好麻麻。只要你睇吓蘋果、微軟、亞馬遜呢啲股票近半年嘅表現,你就睇到佢哋根本就無乜點樣上升。但係一啲例如係ARK Invest 點中嘅股票,中細市值股票,又或者係中概股,的確就升得好勁。

 

中概股之中,三隻較焦點,成交又比較大嘅股票包括有FUTU、BIDU以及JD。

 

 

 

 

三隻股票,走勢都好靚,但要留意波幅好大,風險亦高。頭兩隻有可供參考嘅止蝕位。FUTU 止蝕位為$169.21,BIDU 為$288.14。不過,要注意以上幾隻股票波幅極大,不適合希望賺取穩定回報的投資者買入。

 

至於中細價股,個別股票大家可能認識未必太深,固此可留意相關ETF。其中,DWAS是不錯的選擇。

 

DWAS,止蝕位為$79.71,近日調整後反彈造就較佳買入機會。

 

另外,一眾社交媒體股票,除Facebook 外,又係好多都升得好靚。Twitter (TWTR)、Pinterest (PINS)、Snapchat (SNAP)全部都好強勢。

 

其中,唯一有止蝕位作參考嘅係SNAP,止蝕位為$65.52。又或者,也可留意相關ETF SOCL,止蝕位為$64.80。

 

總括而言,美股係國內大型企業嘅股票普遍都升得唔好。有無泡沫出現?如果只係講啲大股,就一定無。但如果係一啲中概股、中細價股,就的確係有泡沫。只要大家睇吓啲股價升價,你就會發覺佢哋嘅股價一早已脫離哂現實。但問題係,唔通我哋又走返去買啲唔升嘅股票咩?

 

我嘅建議係,大家繼續要順勢而行。升嘅股票,持有緊就繼續持有。唔跌穿止蝕位,就一直揸上去。但要謹記,到時啲股價回跌,就唔好逆勢買入。

 

任何股市,都會有見頂回落嘅一日,但只要捉緊順勢而行嘅做法,遇到危險時,大家係識得走,而唔係仲走去買股,要避股災實在並非難事。星期三,講ETF嘅時候再同大家更詳細講解市況。

 

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top