【莫家強】ETF一週評論 (20210217)

======附件=======

OP21-20210217

======附件=======

環球股市都升得好勁,有朋友擔心,呢個係唔係泡沫。而如果你問我嘅睇法,我會答你:「絕對係。」現時嘅股市,正在蘊釀緊一個大泡沫。

 

但大家唔好一聽到泡沫兩個字就好擔心,而唔去買股票。咁樣做,唔單止會令你賺唔到錢之餘,仲反而會令你變得更危險。原因如下。

 

  • 你會因為“Fear of missing out” 嘅感覺,而喺一個更差嘅時機買入股票。

 

Fear of missing out,就係好多人都會因為覺得啲股票貴,所以無買股票,但若然啲股票繼續升,升到去一個點,全市場都關注,好多人都賺大錢但偏偏就係佢無賺,佢就會因為怕蝕底,從而喺更高位買入股票。

 

要消除Fear of missing out 呢種感覺,最重要嘅係喺升市中,你要賺到自己滿意嘅回報。否則,到出現更大泡沫之時,你就會攪到喺更差嘅時機入市。

 

  • 股價調頭時,如你已經要輸入肉,你會沽貨離場嘅意欲就會減少。

 

高位獲利,個個都可以。但若然唔係有錢賺,而係要輸錢,則好多人都未必肯沽貨離場。虧損愈大,肯走嘅機會愈細。直到虧損到達一個數,大家頂唔順,先會走人。呢個就係好多人喺股災輸大錢嘅原因。

 

當你覺得個市估值貴所以唔買,但到更大泡沫出現你先走去買,一旦股票調頭,你就好容易即時會要輸錢,到將來泡沫有機會爆破,但即使你已感覺到有危險,可能你都未必會選擇走貨。

 

所以,我嘅建議係,如果你都認為個市仲係處於升勢當中,就要適量持貨,但每隻持股都要有止蝕、止賺位,跌穿就要離場。咁樣做,就唔會有危險。

 

而近期,有啲咩ETF 值得留意。

 

除咗睇開嘅ARK 系列、IBUY、SMH,大家可以留意多啲small cap。

 

DWAS,止蝕位係$79.10,暫時未係最好嘅買入時機,但其後如果有回調,企穩再升,呢隻絕對值得留意。

 

升得更勁嘅,有中國嘅small cap。事實上喺美國總統Biden 差不多上場前,中國股票已開始發力,而啲small cap 表現更見亮麗。又係未到買入時機,但若然其後回落,企穩再上,又係值得留意。

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top