China Joe咩！只準買唔準賣！十分大陸化（其實大陸都冇乜咁做）。但搬龍門改規則，古已有之。長大啦。我唔相信券商忽然同錢作對，都係上面施壓。華爾街大鱷？未必有咁大權力。好大機會係官府。投資是好危險的。想搵大錢，記住低調，低調，同埋低調。
1. 朋友傳嚟，未FC，但應該真，外媒都有報。茅呀？你咪去告券商。但我相信在你簽份agreement Section AAZ 第235段 第83節 下面嘅remark應該 link咗去份附件入面用 font 8 寫明有咁嘅權力，你已經agree咗。
2. 「不如轉去沽空IB TD Ameritrade Charles Schwab啦」
3. 不過又講下，搬龍門改規則呢啲嘢，古已有之。所以讀下書都係有必要嘅。唔好以為搵到漏洞可以為所欲為。
4. 1980年嘅3月27日，史稱Silver Thursday．之前亨特兄弟（Hunt Brothers）玩「囤積居奇」，買咗全世界超過30%嘅流通白銀，就係諗住夾淡倉，cornering，吸乾啲街貨，到期日你地冇實貨交收，多一多錢都要問我搶（see？根本呢啲嘢你未出世已經有人做）。結果銀價升咗7倍，Tiffany都登廣告鬧呢兩條財大氣粗嘅德洲石油佬
5. 結果係咪發達？梗係唔係。紐約商品交易所改規則，要求大幅加大孖展額。咁兩兄弟原本諗住絶世發財好橋，本身已經係做大槓杆（唔係邊買到咁多白銀？），即時出事。被迫斬倉，銀價大瀉。
6. 呢兩兄弟，輸咗10億美金。1980年嘅10億，不過仲未輸身家。但之後先正，之後，畀人民事訴訟，擾亂市場秩序，最後都係告到佢破產，從此冇人識。只係教科書會提
7. 類似嘅嘢，仲有好多。索羅斯狙擊港元時，香港都改規則，任一招夾高拆息，蘋果一仔之類鬧到九彩，話干預自由市場。咁你可以睇返上面嘅故事。
8. 亞洲金融風暴時，在馬來西亞馬哈蒂爾更加係即時落閘行外匯管制，IMF班鬼佬屌到七彩，又係話「干預市場」「立下極壞先例」。話咁樣外資冇晒信心，馬來西亞有排衰，外資切尼咁話（係咪好熟面口？）。結果？李光耀信徒嘅馬哈蒂爾睬撚你有味，馬來西亞一年就走出經濟衰退，增長亦係咁多東南亞國家最快，更加唔使咩求IMF呀要借錢呀要開放市場要緊縮之類喪權辱國。呢單亦係馬哈蒂爾政治生涯最得意之作之一。
9. 近少少？韓國。舊年3月時禁沽空，咁好多地方都禁，唔少地方08年都禁過，或者係只禁金融股。反而香港近N年都冇做過，所以每逢啲人講大陸佬我就覺得好撚好笑
10. 咁你話，改規則？係呀，會改規則的。個規則咪話你知可以改規則。唔順超嘅告上法庭咯。韓國有三權分立啦掛？
11. 但呢度唔係最正，反正好多地方都禁咗。最正係，韓國嘅沽空禁令，到而家都仲生效！你老味你望下KOSDAQ升咗幾多？但一路都唔敢拎走呢個禁令。
12. 本人嘅理解，都係政治，因為好多人去光化門廣場去青瓦台示威請願（咁，網上都得嘅，唔一定要去圍世宗大王）。有冇搞撚錯呀，畀人沽空？唔得呀。搞笑？就係咁搞笑。你見印度孟加拉大學捉出貓都有人上街示威，搞錯呀，做乜唔畀出貓。
13. 認真講，背後講論述，話好多韓國散戶，特別係後生仔，入晒市。跌咗落嚟佢地咪輸錢？社會不穩呀。邊個負責？特別係文在寅已經多麻煩嘢。而家拖下拖下話三月先可以畀你沽空
14. 背後聽聞亦都反映韓國社會問題（韓國是好很多問題的說），後生仔搵唔到工，上游唔到，炒股已經係難得嘅發財機會。聽聞亦係同一理由，韓仔炒BitCoin特別喪（聽聞另一原因係網速快，又普及，又平）。
15. 教訓？除咗嗰句：「規則咪就係隨時可以改規則」之外。中國人傳統智慧都係啱，富不與官鬥。固然華爾街大鰸（其實即係乜？好似Deep State咁）唔係官，但有好大影響力。總之，發財梗係低調啲。上晒頭條話We Own the market就好難唔搞你了。
16. 呀仲有，正如亨特兄弟都有手尾跟，今次呢堆有冇？可能都有。雖然要起晒啲人出嚟都有啲難，就肯定係搞最高調吹脹嗰啲。
17. 至於乜嘢叫「操控市場」？我唔係律師當然唔知，但 Matt Levine做過律師又做過投行，佢就話你知，其實都冇一個清晰嘅定義，睇個官點諗，又睇你好唔好彩會唔會畀人搞了。
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00