歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
之前個市，最大焦點會係ARK系嘅ETF。你睇，過去兩個星期係周圍都講緊ARK 同Cathie Wood，你就知有幾厲害。但整體個市係點，以下想同大家分享吓。
首先，除咗某啲類型嘅科技股大爆發之外，整體而言，就係啲中細市值嘅股票勁，大股弱，中概股弱。
食正升勢嘅，例如有之前一直有講嘅Blackline (Ticker: BL)。
上週得三日半市，其實睇返幅圖，都無乜大轉變。但策略方面，有兩個重點。對於已經揸住貨嘅朋友，睇住止蝕位$118.60。未有貨嘅朋友，就留意住會否有回調出現。調整企穩再上，將會有下一次加注嘅機會。但呢一隻股票，我會對佢有一定期望。
另一隻高風險，又比較冷門啲嘅股票，有Keysight Technologies (Ticker: KEYS)。
呢隻股票暫時未買，但佢係我密切留意緊嘅其中一隻股票，之後又係如果有調整企穩再上，我會有機會入市。當然如果畀大家睇吓呢間公司嘅網頁，大家會幾明白佢嘅潛力。
另外，大股當中，Apple (Ticker: AAPL) 有走勢好轉嘅跡象。
其實，Apple 嘅基本因素我從來我都無懷疑過，呢間公司非常識得賺錢，而且唔係短線嗰種，佢係好嗰種好識得建立長線優勢嗰種，之前走勢未得，所以暫時唔睇住，但依家走勢轉好，可以睇返，止蝕位係$123.45。
但要提提大家，真係要小心啲中概股，好多嘅走勢都轉弱咗。BABA，當然係好值得大家擔心。
有朋友問我BABA 點睇，講真，唔知道，因為根本唔係睇市場力量。大家要明白，佢嘅前途唔係由市場力量決定，但無論如何，我自己就一定唔會掂佢。
PDD 已經算係稍好嘅一隻，但都已經成個幾月無升過。JD，唔算係跌勢，但都已經數以月計無升過。NTES，更加係6月之後已經無升過。再數落去，TAL又係之前升得好好嘅股票，但近走勢都好肉酸，所以大家都真係要小心。
最後，Cybersecurity 股票係另一個好有潛力嘅板塊，星期三講ETF 嘅時候再講。