歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
上星期嘅文章，希望都可以令大家再賺多一啲回報，以下，先做少少跟進。
首先，有兩隻話可以現價買入嘅股票，表現都唔錯，特別係OKTA。
上一篇文章講到，OKTA嘅走勢正在改善，離止蝕位又唔遠，可以買入。然後，過去一個星期，隻股票真係升得唔錯，而最重要係，佢已經突破哂所有阻力位，只要市況唔係明顯轉差，股價仍可望有更大嘅上升空間，所以除非隻股跌穿$230.07嘅止蝕位，否則持有股票嘅朋友應該繼續持有。
另外，ENTG，其實走勢都絕對唔差。
現時，ENTG嘅走勢都有好轉跡象，止蝕位$90.77 只要唔跌穿，就可以繼續持有。對於呢隻股票嘅中長線走勢，我自己都相當樂觀。
另外，從事雲端會計服務嘅BL，都算係近月其中一隻我自己幾滿意嘅選股。如果之前喺低位已有持股嘅朋友，相信見到呢隻股嘅表現，都應該相當滿意。上週股票企穩「上樓梯」，帶來另一隻買貨機會，現時股價再上，如非跌穿$118.60止蝕位，大家記緊要揸穩，對於呢隻股嘅前景，同樣我係相當樂觀。
當然，如果大家係買咗IBUY、ARKK，近月回報應該都好理想，之後，其實只要股價唔跌穿止蝕位，都係繼續揸住就可以。關於ETF，星期三我會繼續講。
但若論整體美股市況，我想講，其實唔係咁好。正如早幾個星期一直都講，假如你唔識買強勢股票，而仲係買緊蘋果、微軟呢啲大股，呢一兩月，你根本就唔會賺到啲咩錢。
AAPL嘅走勢，已經算係稍好少少，但始終升勢都係無乜力。對於AAPL，我又並非真係太悲觀，但要買入，我都會等佢嘅走勢再轉強一啲先考慮。
另外，唔知點解有唔少人都問我AMZN 買唔買得。但你睇，佢嘅股價由7月頭開始已經幾個月無升到，走勢絕對唔靚。至於其餘巨企，包括MSFT、GOOG、FB，可以話係無隻靚。當然，強勢股仍然可以繼續買，但就唔好對成個美股市況過份樂觀。喺未來嘅日子，事實上會有調整出現，都一啲唔出奇。星期三再講。