歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
呢幾個星期，我一直都講，美股嘅表現其實並唔算太好。好多大股，例如AAPL、MSFT、AMZN、FB 等等，已經有好耐時間無顯升勢，除非你嘅股票揀得好，否則要賺錢都唔係咁易。慶幸嘅係，我哋最近喺呢度提及嘅股票同ETF，好多都升得唔錯。
最簡單嘅，係投資喺ARK 係嘅ETF，好似係ARKK。
呢隻ETF，相信好多朋友都已經有揸住。記住，唔好咁易放手，佢一直升，大家要一直揸。由於早前升幅好大，現在離止蝕位$91.80都已有一段距離，如想加注，可等調整企穩再上之時出手。
除咗呢隻ETF之外，以下都介紹一啲值得留意嘅股票。首先，係ENTG。
近日呢隻股票有個小調整再企穩，正好造就咗一個買入嘅機會。此刻，止蝕位係$84.73，現價可以買入，唔跌穿止蝕位可繼續持有。
另一隻大家可以買入嘅股票係OKTA。呢隻股嘅走勢，最近正在改善中，日後有機會進一步增強，止蝕位$230.07，現價可試買入。
仲有兩隻股票，未買得，但值得觀察住，一有機會可以出擊。先係RingCentral (RNG)。
呢隻股票，之前好多朋友問，但因為股價一直都唔升，所以我都無同大家再提過，但其實我自己耐唔耐都有睇吓佢嘅股價表現。而最近，佢終於都再有升勢。
現時，佢嘅股價距離止蝕位$280.90，距離相當遠，但若日後此股出現調整，並企穩再上，就會有買入嘅機會。RNG，長遠嘅升勢好靚，只係近月股票表現略為失色，但近日有所突破，故可重新再留意。
BMI 係另一隻我都好睇好嘅股票。止蝕位$72.44，當然都唔係呢一刻買入，但呢隻股絕對值得留意。同樣地，等整固後企穩再上，就可以買入。
整體而言，美股走勢唔算好，所以買入股票前我建議注碼要減低少少。當然，一啲強勢股同ETF，仍會有上升可能，只要嚴守止蝕位，就無須太過擔心。星期三再講。