歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
===============
愈做得多研究，愈得多股票走勢，我自己嘅投資倉位就愈傾向以ETF 取代股票。原因好簡單，就係贏錢容易好多，同埋煩少好多嘢。
其實，大家聽慣聽熟嗰啲ETF，好多隻都升得好靚，好開心亦有唔少朋友同我講賺咗唔少錢，以下同大家跟進吓投資策略。
首先睇吓ARKK。其實都唔係有啲咩新嘅投資策略要講，只係畀係止蝕位大家跟住做咁話。
ARKK，呢隻ETF，大家都知道我係日提夜提，成日講住佢，因為呢隻真係好嘢。現時，止蝕位係$91.80，唔跌穿就繼續揸。
IBUY，又係我知好多人揸住，升得好靚嘅ETF。
呢隻，大家都知，係買網購股票。有朋友擔心，疫情過後，市面回復正常，網購股會否受壓。如果你都有呢個諗法，我會同你講，唔使擔心。首先，網購會成為New Normal，就算疫情好返，我哋都會繼續網購。其次，呢類已轉做網購嘅公司，其實係反映係佢哋管理層能夠快速因應市場而轉變。試諗吓，到依家都仲未轉到，仲主力係靠地鋪賣嘢嘅上市公司，佢哋嘅管理層係有幾僵化。
總之，IBUY，繼續升要繼續揸，止蝕位為$91.90。
SMH，係晶片股ETF，又係升勢好靚。
呢係ETF，只要唔跌穿止蝕位$188.37，又係可以繼續揸。
其實，玩ETF，方法就係咁簡單，只要揸得啱行業，跟住策略做，就能夠賺錢。前者，要揀啱行業，絕對簡單過要揀啱股票。後者，follow 就得，絕對唔難。
之前講過，我仲會睇好人工智能機械ETF。我申報返，我自己持有BOTZ。
當然，都仲有其他同類ETF 可選擇。但呢隻ETF，止蝕位現為$27.53，自己可以睇位做。
總括而言，ETF 鬥短線回報，相對於個股，未必會贏，但鬥長線，就會贏好多人。我見有唔少投資者，嫌ETF 回報慢，轉為炒賣股票，但到頭來仲係要輸錢，揀邊一種方法，大家絕對應該思考一下。