【李聲揚】保就業帶挈大快活1個月新高

是真的。拿,唔好成日貼埋啲乜乜又中又中乜乜(你台主搵到錢關我撚事咩,讀者搵到先有用,況且係咪搵到錢都未知)。亦唔好日日叫人訂Patreon(雖然真係好東西).本人係良心作者,搵錢之餘都不忘寫啲比較有養份嘅東西。拿,成個Excel我由零開始整架!因為未寫過大快活,不過之後都有得用,呢啲公司大家鍾意睇。有人問邊個做data entry,係咪助手?係呀,咪我隻左手同右手,區區在下我本人,唔通叫埃汾太入?
TLDR:拎晒政府保就業啲錢走去派息!益晒股東落袋,可撚恥!你可以咁演繹嘅,有乜所謂。(利益:唔係大快活股東,從來都唔係,大家樂就N年前買過,早早已沽)。
1. 大快活星期五中午出業績,出完就勁升,升到1個月新高。明顯係因為個業績勁。我會貼股價圖。
2. 首先又要講,公司3月年結(最Q憎),所以今次出嘅係中期業績,今年4-9月.圖中橙色嘅哥林(仲有多前書)。但我搵埋對上半年(舊年10月至今年3月)(綠色哥林),同再對上半年(舊年4-9月)畀你(紅色哥林)。
3. 大快活嘅數同生意相對地易睇,簡單。差不多單品牌(咁你可以計埋波濤餐廳Café Porto嘅,都係佢地的,可惜冇搵馬賽代言),亦差不多全部香港(行3/4見到,大陸佔收入好少,仲要蝕錢,同大家樂大陸佔兩成幾盈利係兩回事)。所以只討論香港都得了。
4. 快餐店生意照計大家都知點玩點做,個個可以扮專家,即係大家都知踢波嘅嘢都係前鋒入多啲波後防龍門唔好失波中場盡量控住個波搶到波咁,其實唔難。
5. 咁我地睇返托拉,行2,收入梗係跌,同綠色或紅色比都跌15%左右,或者冇你想像中咁多?但快餐呢啲嘢,員工成本又高租又高(*),加價能力唔高,而且唔士基拿保,開多一間就交多一間租請多幾條友買多幾斤豬扒,邊似啲仆街寫 Patreon 10個又用咁多時間1000個又用咁多時間?大快活呢,毛利10巴仙左右,純利正路係低過5巴仙,咁你個收入咁跌法,好係嘢的。因為你啲租同人工應該冇減得咁易。
6. 然後跳到去扑氹拉,行22,丫,你老味丫,半年仲有6500萬賺喎!高過舊年添呀!仲要之前半年(綠色哥林)只係打個和。
7. 搞乜?固然係有政府補助(行10),兩千幾萬。但都唔係主菜。留意返,毛利(仲有元就)(行8)已經很強勁,1.7億喎,高過上半年(綠色)7成,同再上半年差不多。咩事?
8. 咁所以,就梗係因為,行6嘅東西啦。留意for some reason(主要因為員工有幾種,同自由球一樣,有直接間接,即係新移民阿姐同冷氣房軍師),個財務報表係冇呢個東西的,所以識睇一定睇內文,睇附注,好似睇埃汾啲文咁。行6,就係「員工成本」,呢半年3億幾,之前兩個半年超過5億.Wow!
9. 但,減咗好多人工咩?定炒咗好多人?你落樓下睇下,我見啲阿姐仲係嗰幾個喎(**)。定炒咗冷氣房嘅人?你覺得坐冷氣房嘅人會炒自己?
10. 答案營然係,登登,行7嘅,「保就業」啦。同樣地,呢個數字呢,在報表係冇嘅!收埋咗在個「員工成本」度(而「員工成本」亦係報表冇的!),所以你見個「員工成本」縮咗咁多。
11. 記住行7「保就業」唔係行10嘅「政府補貼」。兩樣嘢!死還死,七孔流血還七孔流血,千萬唔好搞亂。事實亦係唔同,「政府補貼」就公司直接袋,但「保就業」就係用嚟出糧嘅—雖然,扯,原本咪又係公司出嘅錢。所以你亦可以話一樣,觀點與角度,即係關公「降漢不降曹」咁(***)
12. 咁「保就業」保咗1.2億,將個員工成本由5億變到3億幾,而你consider以前大快活都只係半年幾千萬純利,其他都不用多討論了。
13. 不過提返,公司絶對冇刻意收埋「保就業」。報表冇啫,但公告第一版就話你知啦(https://bityl.co/4ciA),李華月(?)咁攤大你睇,你唔睇係你問題。
14. 另外,公司亦有列返個「核心盈利」。即係如果冇咗啲一次性因素的話會點。當然就扣除咗「保就業」同「政府補貼」,但要扣除(即係加返)有啲乜乜減值嘅影響。講過N次了,kitchen sinking 兼 big bath,一鑊過啦。至於呢個「使用權」減值是比較新嘅東西,「使用權」呢味嘢我做分析員時都未有,近年的新會計嘢,「你當係租金啦下」。
15. 減晒呢啲嘢後,話返你知,公司「核心」,係蝕3000萬嘅(行27)。所以的確係保就業救全家,蝕都變賺。有評論話保就業變保盈利,隨你,講到尾都係睇你想點spin件事啫,外國啲公司一撚樣全部係咁。一係你就要啲員工炒咗先拎失業救濟(****),否則「保就業」就係令公司唔炒人,咁當然啲錢去咗公司度,錢冇記認,你鍾意話「呢舊錢」係咪派息畀股東「嗰舊錢」,隨你,冇記認。等於你訂Patreon舊錢變咗埃汾供樓 定係變咗埃汾太生日食米芝蓮(下星期!),都係隨你。
16. 係喎,大快活派息添呀!可怒也呀!拎舊「保就業」津貼嚟派息畀股東(睇多次上一段)。仲要多過上次中期息一截,今次派3毫中期息!舊年先2毫3!
17. 不過,公司賺錢,都唔派得息?退一萬步,公司蝕錢寃可以派息啦。介紹返,大快活sit住近6億cash,貸款?係零。你以為人地好唔掂?顧掂你自己先啦。而認真講,派中期息呢度,4000萬唔使,「保就業」拎咗1.2億嘛,點睇都係去咗「出糧」,好過啲未?認真計,「保就業」舊錢一定要拎嚟出糧的,所以真係唔係派息「嗰舊」。
18. 呀最後,即係,呢個Excel,我會在Patreon貼的,經常我都會放埋啲Excel上去,讀者可以拎嚟下次自己玩(https://bityl.co/4Y0h)。好似啲麵粉蟋蟀阿伯畀你拎走咁。係呀,靠呢啲嘢為生了。冇睇我轉咗頭像轉埋banner?哈林籃球嘛。打唔掂NBA,咪玩下花式做下表演搵餐晏仔。「咁當然以為哈林籃球打贏NBA添,我有排未去到嗰種境界」「但一撚二撚個拎美斯做偶像,最後?唔好話高美斯,個個連陳美詩繆美詩都未做到啦」
(*)又,再講一次,一般都係員工成本仲貴過租,不過幾時都係屌地產霸權大家啱聽。自己睇年報,幾間都係咁,但你鍾意話坐冷氣房嗰啲肉食者鄙就隨你
(**)另一迷思,以前講咩小店風味,但而家我見啲連鎖店阿姐面口,轉得仲少過啲乜柒文青小店。文青最多就負心人,是真的。
(***)我一向都覺得關公呢個「降漢不降曹」嘅故事好正,將語言偽術發揮到極致,示範咗咩叫做一個漢朝各自表述,佢就話自己只係降漢唔係降曹,曹操就話自己係漢相,降漢咪即係降我,一撚樣。如何食人茶禮又保住貞節牌坊,關公係咁多人偶像,自有原因。當然仲有後來嘅「義釋華容」,如何簽晒約的可以唔認數,老細保你就得,又一經典。
(****)然後美國就出現良心僱主唔炒人畀員工鬧嘅故事。個員工完全係《出埃及記》嘅溫啤霞咁,「你炒我啦!你炒我!」。因為炒咗拎救濟仲多錢過返工,老細唔肯炒佢就拎唔到。

============

了解更多:股市漁夫系統 免費試用

漁夫選股系統 stockfisher.com.hk – 莊志雄博士|最強突破股篩選系統

股市漁夫是一套高績效的選股系統,系統運用技術分析配合統計學製作出不同指標顯示短、中、長線的港股表現;較一般指數更能反映真實市況,對分析後市走勢有絕對的優勢。股市漁夫選股系統透過精密的方程式去找出股票強弱勢頭,全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。

 

莊志雄博士為股市漁夫創辦人及香港大學專業進修學院客席講師,並在Now 財經台合作主持《名家給力場》。
股市漁夫是香港財經媒體,而股市漁夫選股系統由莊志雄博士及成家博客Homeblogger團隊共同研發,2018年 11 月11日正式推出,此前莊志雄博士曾任職《信報》研究部主管,並先後於和記黃埔、AXA安盛、永泰地產有限公司、永道管理顧問有限公司(Coopers & Lybrand)等不同類型企業及上市集團擔任管理顧問、財務及市場分析工作,涉及範疇包括資產管理、地產、電訊及電子商貿等。

 

 

 

 

 

漁夫選股系統 stockfisher.com.hk – 莊志雄博士|最強突破股篩選系統
(系統只接受信用卡付款)
 
收費:$ 7888(一年期)
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框,選擇「訂閲」,然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務:91010168(whatsapp)上午10:30 — 19:00
wtsapp icon top