11月10日周二。今日新舊經濟強弱股大轉移，近月強股大洗倉，指數升但有如經歷股災。科技股跌多升少，連小弟組合中的阿里（9988）同蛇羮（1337）都不能幸免，分別慘跌5.1%同8.4%。反而舊經濟股如銀行、地產、航空、酒店等板塊，隻隻股份裂口狂升。美股都好似有啲呢個跡象，疫苗一有突破，新舊經濟股就大轉移，唔再側埋一邊？
今日的大市值突破股都有呢個現象，恒地（012）、長實（1113）、領展（823），久違三隻本地地產股，隻隻都大裂口大陽燭，能否企穩要再睇，但睇圖仲未升離成交密集區，係咪真突破小弟有保留。最令小弟意外就係早幾日先出突破訊號的新秀麗（1910），火箭式挾高17.3%，真係估你唔島！
其實呢種咁跌宕的時期，我都不知點算好。睇番風中勁草有個好得意的現象，就係一次挾升就多咗好多生面口的股份，就以運輸為例，原本的強勢股中外運（598）、海豐（1308）、嘉里物流（636）、中遠海發（2866）齊跌，但係竟然出現咗中銀航空租賃（2588）、國航（753）、南航（1055）、首都機場（694）、中航信（696）等有關航空業的股份。軟硬件，大部分如舜宇（2382）、美團（3690）都係跌跌跌，反而派息慷慨的Vtech單日飆升13.84%。勁草酒店亦多咗好多新成員，包括了香格里拉（069）、美高梅（2282）。
餐飲業的大家樂（341）今日亦出現突破訊號，另外仲有兩隻，包括恒隆集團（010）及五礦資源（1208），而五礦亦剛成為當頭起的一員。
大市走勢，雖然強股股災，但睇市寬好多係升的，50天線比率升3.7個百分點，150天線比率升2個百分點，應該係殘股大彈並越過50天線及150天線所致。
投資策略方面，小弟暫時無咩淺見，既然想學好VCP，就係波幅縮窄成交收細時才出手，絕非依家呢種市況。不過，船長今日同我推介咗一個「打倒昨日的我」買股法，借呢度分享一下。
是咁的。話說小弟買股，好多時都會被hit中止蝕，跟住才開展升勢，正式被stop hunter「睇住嚟食」。船長就話，既然係咁，建議小弟不如將每次都買入價訂在原本打算止蝕的價錢，如根據呢個做法，買貨成本隨時會平一大截。
不過咁，如果股價繼續碌落山呢？船長就話set 買入價跌8%作止蝕，因為股價跌到一般散戶止蝕位，應該唔會再跌多5-10%咁話。至於呢招work唔work，小弟下次試完話俾大家知。今日寫住咁多先。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
