11月9日周一。今日係黑仔王驚險的一天。因工作的關係，一早跟計劃set定開市買即沉板（1888），果然名不虛傳一買即沉，大裂口gap down下，開市價11.7元入咗，到睇市的一刻已經得番11.2，睇住11元好似作勢欲穿，真係嚇死寶寶了，即刻上網搵下有咩消息，無喎，搵唔到。那一刻，要決定是否止蝕。
如果俾着以前，冇壞消息而走勢轉差兼大成交，我一定會市價即斬，因為唔知有咩壞消息跟尾，以往亦有唔少血的教訓。但用了漁夫系統後，加上船長曾經教過要睇收市價，所以自己忍住冇沽，俾時間自己關燈吃麵。
其實，亦多謝船長帶領，Plan E今日增值咗唔少，加上蛇羮（1337）發盈喜，有番少少利潤墊底，亦令我黑仔王想睇到收市前，先決定點處置即沉板。而且即沉板已公布派特別息，應該唔會好似大笨象（005）咁話派又唔派啩，所以我估應該同回A有關，現價可能已反映咗部分。
之後，即沉板就上番大概11.5-11.6，全日在呢個水平浮浮沉沉，小弟跟從紀律，臨收市前以11.62止蝕，輸唔夠1%離場執番身彩。晚上，建滔發通告暫緩回A。
求教船長，船長答曰：已經升得太高，消息又出咗。已經升咗兩棍，再大升的機會減低。強股係每一次出業績都有驚喜，即沉板只係靠一個消息，就係A股上市炒一轉。
今次得到的寶貴經驗係，唔好被恐懼支配自己的投資決定，呢個正正係我以前常常低位斬的原因。睇到收市前10分鐘先決定買賣，將成為小弟以後練習的方向。另外，揀股除了睇突破訊號同走勢，對基本因素的了解及買入原因，也好重要。
今日周圍好似放煙花，好多風中勁草都大爆發，尤其之前觀察的運輸類、軟硬件類及工業類，證明做功課的確feel到某啲板塊轉強。運輸類航運股如中遠海控（1919）、中遠海發（2866）等都大爆發，仲有中遠海運港口（1199）及勝獅（716）。軟硬件就唔使講，除咗蛇羮，阜博（3738）單日升咗37.97%，瑞斯康升8.88%，中國軟件升10.63%。工業機械方面，金風科技升7.27%，中集升9.05%，力勁（558）升34.07%。開始有啲行業的三四線股出現在風中勁草名單，可見個板塊幾咁火旺。汽車則有個別繼續升，部分微升或持平，可能暫時抖一抖。風中勁草多咗5位新成員。
今日睇埋當頭起，由於設定唔同，在當頭起都會發現一些股份，係風中勁草冇顯示。其中一個板塊有出現的股份數目唔少，就係綜合金融服務，大部分都係內地證券商，除咗一隻港交所（388）之外。6隻裏面，有4隻有突破訊號，包括之前都曾見過的廣發証券（1776），而東方證券（3958）就剛發突破訊號，可能呢個板塊都值得留意。至於發訊號無耐的當頭起，仲包括舜宇（2382）及江銅（358）。
大市走勢唔使講，一個字，勁。50天線比率單日升4.0個百分點。
今日寫住咁多先。
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00