歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
美國大選結果塵埃落定，Biden 勝選總統，資金亦有跡象已重新流入股市。其中，以下類別嘅股票，我認為再上升嘅機會較高。
第一，係中概股。
Biden 當選會有利中概股向上，呢樣嘢，幾乎係市場上一概嘅共識。但其中，更為穩陣嘅，我認為係有電力商貿業務嘅股票。
PDD，近日股價升勢轉急，止蝕價為$85.56，有一段距離但仍不算非常遠，我認為可先小注買入，如之後待調整再上，可再加注。
JD，同樣升好靚，處理方法一樣，可先買入小注，其後待調整再上，可再加注。
如想分散風險，可留意電子商貿股ETF (Ticker: EMQQ)。止蝕位為$50.11，同樣現價可買入小注，調整後再升再買。
第二，係社交媒體股票。
比較大型嘅，可留意FB。現價可以買入，止蝕位為$257.34，不跌穿可續持有。
不怕股價波動嘅朋友，亦可選擇SNAP。
呢隻股，中前業績後大升，之後作小回調後，企穩再升。現價可博，留意住止蝕位$38.67，唔跌穿可繼續揸。
PINS，同樣可於現價買入，止蝕位為$56.31，唔跌穿可繼續持有。
其餘股票，雲端會計服務公司BlackLine (Ticker: BL) 都係我相當睇好股票。現價可買入，止蝕位為$89.98。
晶片股當中，TSM 都值得留意，現價可買入，止蝕位為$83.16，唔跌穿可繼續持有。
想穩陣啲嘅朋友，可考慮四十年長升股DHR。
此股現價可買入，止蝕位為$225.40。
而我自己，已部署咗Long Call倉位，博某啲強勢股票可以大升。做Long Call，有以下地方要注意。一，要控制好注碼，不宜大注。二，如買入後見股價繼續上升，要敢坐，博賺取更大回報。三，如有選擇，可揾引伸波幅較低嘅期權，潛在回報更大。
我自己，暫時主力做中概股ETF 嘅Long Call。當然，一啲科技藍籌股都可考慮。
總結，美股整體形勢已經好轉，甚至機會變演化成下一浪大升市。大家要順勢而行，如股票繼續升，就要放膽持有，跌先要走。