歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
美國大選在即，大選前呢一兩日，個市點走，其實關係唔大。真正要留意嘅，係喺大選後，美股可否重現強勢。我自己，相信美股仍然有機會再展升勢，Nasdaq納指或仍可以再次破頂，但重點係要點樣做部署。今日，我會講一講重點。
首先，真正入市嘅時機，係等個市企穩升返上去嘅時間，而非跌緊落嚟嘅時間。原因有兩個。第一，你唔會知道啲股票會跌幾多，萬一跌得多過你預期，你就有機會被迫至喺低位止蝕。第二，通常喺跌轉升出現之前，都會先有一個好急勁嘅跌勢，你喺跌勢中撈底，但你又係咪可以肯定自己可以挨得過個跌勢，坐到返上嚟先。
例如係AAPL，我諗好多朋友都無諗到，佢會由約$140 高位，跌至$110以下，跌得咁深。而且，去到呢一刻，佢係咪已經見底？又或者，再跌仲會有幾大嘅下跌空間，全部都係未知之數。
喺跌市買貨，挨得到佢之後升返，當然無問題。但如果挨唔到，又或者之後升唔返，損失就可以好慘重。
我自己喺跌嘅過程入面，都減咗注碼，呢一刻大概半倉持貨。下一步嘅部署如下。
如果個市喺大選後好轉，有大升嘅可能，我會再入好倉。但目標係一啲大股票嘅Long Call。
Long Call 有兩個好處，首先係有槓桿可以倍大回報，其次係有限風險。做Long Call，注碼唔好做得太大，計好數先入市，風險就唔會太大。但博得中大升勢，回報可以賺好多倍。
然而，唔係依家買，係第一去到升嘅時間先買。Long Call，唔拖得，入完市最好要即刻升，否則會輸時間值。所以，要等升順先入市。最初，我會到今個星期尾先決定會否入市博。
博完，假如個市好快就無力，然後再跌穿底，呢個係好差嘅形態，到時第一注細細注嘅Long Call 會輸錢，而其餘股票我都會走人，後市會轉策略為逢高造淡。
如升都唔升繼續跌，就跟返個別股票嘅止蝕位，跌穿就走。但若然博得中，嚟緊牛市真係可以挾完先跌，呢吓將會係好好嘅賺錢機會。
暫時未知係咪會博。但星期三、星期五，我都會為大定update市況。如以上所講，市況表現理想的話，星期五可能會係入市嘅機會。不過，重點都係順勢而行，假如之後升都唔升吓，就唔會入市。星期三再講。