上星期，令大市升勢減慢嘅最主要原因，我認為，係因為四個字「不確定性」。
大戶投資者，一向最唔鍾意嘅就係所謂嘅不確定性。簡單講，就係唔知往後點，想下
注，都唔知要點樣買。通常，一遇到呢的情況，我哋都會見到資金會首先短期抽走於
市場，到市況再變得明朗，就會再向下一個方向走。
而令到個市場又再變得不確定嘅原因，最主要係Biden 兒子嘅醜聞被發酵。
美國總統選舉漸近，本來，Biden 嘅支持度已遠遠拋離Trump，但當大家都認為前者能
夠贏出大選嘅機會好高，突然又出現變數，資金由升勢中煞制，就唔係太令人意外嘅
事。現時，Biden 嘅勝算雖然仍係較高，但相對於Trump 嘅優勢都減少咗一啲。往後，
市況點走，都好視乎大選形勢係點。但無論如何，距離大選，只有兩個幾星期時間，
相信呢種方向不明嘅市況，應該都唔會維持得太耐。
而根據以往牛市轉熊市前嘅特性，以及喺Biden 兒子醜聞傳出前嘅走勢去睇，我會認為
後市能再向上升嘅機會依然較大。但確實，現階段入市，係唔易玩，以下係我一啲策
略嘅部署。
第1， 懂得期權嘅朋友，可適量地運用Short Put，賺取時間值。Short Put嘅好處，
係即使我哋唔太能夠掌握到個市嘅走向，都會能夠有錢賺。但Short Put 嘅風
險，就係要喺低位接貨。所以，只要做到以下兩樣嘢，就唔會有大問題。
首先，係只玩有意買入嘅股票。其次，係要控制好注碼，要有接貨嘅能力
，並且分散去做。
第2， 當市況有力嘅時候，再博Long Call。最初買入量會較少，然後若市況愈升，
先愈加注。
再講個別股票走勢。
比較失望嘅，係幾隻科技巨企嘅走勢。
AAPL，睇住佢喺產品發佈會嘅過程中，股票不斷走弱，相信同市場對iPhone 12 缺乏賣
點，擔心銷情有關。但週末傳出，iPhone 12喺中國開賣嘅反應理想，或者會有利股票
發展。
至於做法，我哋要記住，消息本身唔係最重要，真正要關注嘅，係股價對消息嘅反應
。如果喺未來兩三日，AAPL 股價可以突破近日高位$125.39，我會再博Long Call。否則
，都係升唔起，之前入咗嘅貨我都會暫時離場。AAPL，止蝕位為$112.22。
其餘幾隻大股，例如係MSFT、AMZN，上週表現都一般，往後幾日，最好多係可以升
得起。
而事實上，就算係早前強勢嘅ETF，好似係ARKK、IBUY，上星期雖然唔使跌，但都係
無得點升。如果大市又好，呢兩隻ETF 又可以再升，我會覺得個市都仲可以博。然而
，若未來幾日個市都係升唔起，整體倉位我會減一減，等市況走勢明朗後再重新入市
客人，股價走勢好靚，現價可買，止蝕位為$93.33。
星期三，
每週初步測試 (20201019)