101＋金融潮語。上次寫Palantir（＊） 「直接上市」（https://fbook.cc/3GXq），你地反應幾好，多謝先。咁整多個下集，講埋另一種另類上市方法。呢篇文（Patreon全文啦，呢度貼導讀咋）搞咗我五六粒鐘！
美國都潮咗成年起碼，埃汾舊年都有提過。但香港慢啲，大家非行家又再慢啲。而家同人講都仲呃得下人嘅。你睇咩大數據AI STEM 講咗幾多年？
SPAC，Special-purpose acquisition company，就當然係一間company。應該話係一種company．但實務上，你可以當SPAC就係美股上市方法的一種。類似美國版嘅「借殼上市」（但唔完全一樣）。
正如香港人玩啤殼，大陸佬玩啤RO（係！RO都有得啤！），咁美國嘅有錢佬，就玩啤SPAC！真的，個個都啤幾隻，Richard Branson都啤（我知佢唔係美國人）
上次講Palantir之類，「直接上市」，繞過萬惡嘅投資銀行，講到咁巴閉華爾街已死，但兩年半得4間上，SPAC上市數量就多好多，今年應該超過70間！
請別將「直接上市」同SPAC混為一談，兩樣完全唔同嘅嘢，玩法，優劣，要求都完全唔同。冇話邊個方法「好啲」，但「直接上市」同SPAC有共通點：都係為咗繞過傳統IPO。就梗係因為係傳統IPO有缺點。唔一定係錢，仲有好多問題。
即係，啤隻殼啤間SPAC就應該大家都冇錢（你有嘅話我知！跟你搵食！），但至少聽人講都知係乜，就算唔吹得兩嘴都唔好畀人拋窒。見工/Networking扮嘢必備。
呢篇全文夠晒嘔心瀝血，搞咗我四五粒鐘（唔好忘記本人打字快出晒名），你見篇文係星期日朝早七點半出—即係我係冇訓過，打完文去食早餐。
全文請去睇Patreon（https://bityl.co/3nxv），就快600讀者。都係嗰句，月頭訂有著數，即訂即扣，但你可以睇返晒以前嘅文，唔係只買呢篇。嚟緊今個月仲有更多搞作，但放心，而家訂咗嘅，之後堆新嘢你都會自己有，當然不另收費。讀者方面我係唔貪新忘舊的。
（＊）一如所料，Palantir股價係連跌幾日，同未上市前私人估值比更加跌一截。正如上篇文講，係咁好嘅，就唔會兩年半得4間公司咁玩啦，你估投資銀行真係冇用，白賺你咩。不過Palantir本身就係一間相當反華爾街，亦都反主流科企嘅公司。正如Peter Thiel都係咁，反華爾街，反主流科企，反政治正確—其實佢係百壇齋主乜都反，同我一樣。所以佢係我偶像。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
