歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=============
本來，大市係轉好咗，好多股票都開始重展升勢，但Trump 一句說話，叫停刺激經濟方案，令市場立刻就由升轉跌。雖然，暫時我覺得，仍未必會美股再次轉入跌勢，但的確，正如之前一直都講，現時嘅投資風險已較早幾個月前高出好多，入市時要留意注碼，宜揸多啲按金。
往後，如有機會出現爆炸性嘅升幅，先再用Long Call 去博。
但點都好，都要跟進一吓上星期提及嘅ETF 走勢。先係太陽能ETF (Ticker: TAN)。
TAN 嘅走勢，繼續係好靚，已上車嘅朋友，適宜繼續揸住。現在，此ETF 嘅止蝕位為$54.23，距離現價相當遠，對於未入市嘅朋友而言，暫時並非理想嘅買貨時機，應等待ETF 出現整固後，企穩再上才買。
然後，網購股ETF (Ticker: IBUY)，走勢本來都重新轉強，未來幾日，如能再上，可繼續看好。相反，若股價轉為弱勢，就要小心。止蝕位為$82.00，跌穿位就要走。
ARK系嘅基因股ETF (Ticker: ARKG)，走勢都本來係增強中。同埋地，未來幾日，如能再升，則可以繼續睇好。相反，股價轉弱，又係要小心。止蝕位為$58.13，跌穿要走。
但就整體大市而言，例如係納指，就都仲係麻麻地。呢個，亦係我對大市抱有戒心嘅一個原因。其實，我自己，一直都係等待緊可以博Long Call 藍籌股嘅機會，但奈何啲大股，特別係幾隻科技巨企，都升得唔靚。
以往，喺牛市完結前，有好多次都係以大升勢作結，今次都有機會係咁。不過，喺個升勢未真係出現前，我就唔會提早博，會等有更明顯升勢出現時才博。
總結，現在，個別強勢板勢我仍然係睇好，但喺注碼上，我唔會太過進取，會留多少少現金。往後，我會繼續望實隻QQQ。如QQQ 發力向上，絕對係好事。但喺未有力之前，喺策略上，我都未必會太博。