歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=============
過去兩日，美股開始有啲起色。如果個市繼續企穩向上，我會開始買返貨。而今日，我會集中用ETF角度，同大家講吓有咩板塊值得留意，同部署策略。
首先，網購股有回升跡象。網購股ETF，我個人主要睇兩隻。第一隻係IBUY，第二隻係CLIX。
IBUY，基本上自8月開始，表現都一直麻麻。相對於一眾科技股，升勢更早已經轉弱。然而，過去兩日，似乎有力再上。我認為，如果今晚美股市況可以繼續企穩，IBUY 可以買入，但要留意止蝕位$82.00，跌穿要走。
CLIX係除咗會買入網購股之外，仲會同時沽空一啲仍然主力依靠實體店零售嘅股票。相對於IBUY，呢隻ETF嘅走勢會比較反覆。但加埋佢都有轉勢跡象，會令我博網購股嘅信心較大一啲。CLIX，止蝕位係$79.10。
ARKK，繼續能夠靠穩。止蝕位係$81.33，唔跌穿可以繼續持有。
另外，想特別提及一隻之前一直挨打嘅ETF (Ticker: XLK)。
呢隻ETF，最大成份股為AAPL 同MSFT，各自佔約20%比重，之前股價比現當然受壓，但最近該兩隻股票有反彈跡象，呢隻ETF 我認為亦有力反彈。
另外，帶出XLK嘅另一個原因，係佢嘅期權開價好靚。
之前都講過，就算個市反彈，但投資美股嘅風險經已提高，我自己都唔太夠膽再買盡股票，否則一旦市況再度轉差，有機會都會造成頗大虧損。
咁唔買盡股票，見到個市升，可以點做？
我自己嘅選擇，係會以Long Call 代替。Long Call，只要控制好注碼，風險就唔會太高。而且，即使唔買得太大注，只要股價能夠大升，回報都可以好理想。XLK，會係我嚟緊做Long Call 嘅目標之一。
總括而言，美股有可能出現反彈，但博反彈，都要留意風險。如市況突然再轉差，跌穿位嘅股票或ETF，要嚴守止蝕。
但假如嚟緊嘅市可持續上升。之後，市場上將會有更多買入股票嘅機會，到時會再update大家。