個市變咗，點樣決定邊啲股票要留，邊啲股票要走？片內，我分享咗一啲方法。
1) 留意隻股票喺跌市出現之前，是否已有減弱跡象？
好多時候，如果一隻股票喺跌市出現前已經有走弱跡象嘅，後者走勢通常都唔會咁好。相反，除咗喺大跌市嘅日子之外，如其餘時間走勢都向好嘅股票，我會睇高一線。
2) 大市係根本，指數走勢不能太差
星期一出現跌市時，我都擔心過個市會繼續調整，如果係咁，就算有個別股票表現強勢，我都唔會買。但今次，好彩市況好快就能回穩，所以可以開始揾股票買。
3) 大市反彈，股票要能夠跟升
就算一隻股票，之前嘅走勢好好，但如果個市反彈嘅時候，佢唔能夠跟升，其實呢個係一個警號，有機會代表係大戶收割，隻股票後市嘅走勢可能轉弱。相反，一啲個市一反彈就即刻上升嘅股票，會可以看高一線。