歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件===========
=========附件===========
有朋友最近問過我呢個問題。如果你都有呢個疑問，我可以答你：「有。」
但呢個泡沫，唔係以地域為界，而係以行業區分。若然我哋可以睇闊啲，觀察哂成個美國股市嘅情況，我哋就會睇到，其實大部份股票都係升唔起，特別係一啲舊經濟股，唔好話泡沫，根本佢哋啲股價要升返去疫情出現前嘅高位，都唔係咁易。
但一啲強勢科網股，的確升到癲哂。
再睇深入少少，喺呢啲科網股入面，除咗有美國本土嘅企業之外，仲有唔少係中概股，以及係中、美以外嘅企業。所以我話，呢個泡沫唔係睇地域，而係睇行業。
咁要點樣部署？
喺facebook 群組內，我會定期登出完整嘅爆升股票名單，以上，係以日均成交額排序嘅節錄，上面係市場內成交最活躍嘅爆升股。
TSLA，絕對近日嘅市場焦點，不但成交額係市場最大，而且升幅驚人，過去一個月股價上升咗$64.21。當然，一來，TSLA股價已經升咗咁多，而且價位好大，唔係咁容易買。如果大家想可以分散一啲風險，買ETF，都係一個唔錯嘅選擇。
喺有TSLA成份嘅股票當中，ARKQ、ARKK、ARKW都非常值得大家留意。星期三，再講多啲。
另外，大股當中，AMZN、AAPL、MSFT 都升得好靚，後兩者距離止蝕位唔遠，仲可以買，唔跌穿位就可以繼續睇好。
其餘股票，如果期權開價靚，係可以博Long Call。講少Long Call嘅策略重點。
做Long Call，初期注碼不宜過大，大家要預計，投放嘅本金會有機會全部輸盡。但呢種策略，最多可以輸嘅就係你擺出去嘅錢，換言之，只要注碼控制得好，風險就唔太高，識玩嘅，可以喺呢個名單上面揾啲股票去博。
另外，一個小貼士，如果做Long Call嘅時候，可以check 吓啲引伸波幅，低過30%的話，Long Call 升時嘅回報率會高好多。
另外，EMQQ、HERO、IBUY都仲繼續升。
EMQQ，止蝕位$45.85；
HERO，止蝕位$19.29，距離好遠；
IBUY，止蝕位$68.05；
三隻都係，如有持貨，唔跌穿止蝕位可以繼續揸。
暫時，我仲睇緊個市會唔會有更多板塊可以上升。初步睇，金價有突破跡象，啲金礦股上升動力開始增強。另外，太陽能股都轉入強勢，我暫時未行動，但我會密切留意住佢哋嘅走勢，如有行動，會通知大家。
有問題可以電郵至 [email protected] 畀我，亦可以喺facebook 群組問我。嚟緊喺facebook 群組，我會update更多有時限性嘅資料，敬請留意。星期三再講。