歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
美股大跌，暫時仍未知往後能否企穩，但有一件事我覺得更加重要嘅係，我哋要知道有啲咩策略嘅風險最高，要更早避開。
1) 無能力接貨嘅Short Put、借孖展買股票嘅部份，要盡早處理。
特別係前者，如果遇上大跌市，係會可以令我哋輸好多錢。所以，即使係未肯定個市會繼續大跌，我都會減持我嘅Short Put同孖展倉位。
2) Short Put都有高低風險之分。
無能力接貨嘅Short Put，風險最高。有能力接貨，但接完後就無錢，往後如果個市再跌，雖然未至於係無限風險，但都有機會令我哋輸好多錢。所以如果係呢兩種情況，都要減倉。
3) 仍要跟正股嘅止蝕位。
做Short Put，就算未使接貨，但如果隻股票跌穿止蝕位，我哋都要跟住走。但只要跟足哂啲風險管理守規，就算出現大跌市，都唔使太過擔心。
有問題，可以再喺fb 群組問我。下星期再講。