【莫家強】[期權短評] 有啲股票,大戶買緊

  有朋友問,股皇出完業績,雖然個價升咗,但點解啲價外Call 仲要跌價。 其實好簡單,可以咁理解。例如12月410 Call,價格反映既就係12月結算時,隻股既股價有幾大機會升到,甚至升過410蚊。愈大機會升過,價格就會愈高。 出咗業績,表面上係優於預期,但昨日已講,市場只係覺得OK,唔算特別好。業績後股價無再即時大升,少咗個契機,隻股要上試高位既機會自然少咗。 對恒指既影響,係都會限制咗升幅。但反而見一啲之前比較落後既股票,大戶又開始買返,我暫時又唔覺得個市太差。 大跌唔似,可以做Short Put,贏錢機會大。大升唔似,Long Call爭少少,無乜特別機會唔好做住。呢個就係期權班第一堂教既基礎,我講過,非常重要。基礎打得好,就會好易識揀策略,賺錢會容易好多。 啲12月Short Put,等多兩個星期左右,就會見到效果。就即管睇下個市會唔會有少少調整。到時,如果我出手買貨,會通知大家。 P.S. 有啲股票,啲大戶已經開始撈貨。唔係今日買,但要開留意住,一有機會出現,如果已經知道邊啲股票可以買,出手就會快好多。做功課,唔可以懶。 利申:並未持有銀娛(0027)權益。   ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) – –  

Read more

【莫家強】[期權短評] 潛在回報極高既博反彈方法 (2017/10/26)

alexMok

    昨晚夜期既表現都幾恐怖。今朝港股開市,低位暫時好似都有啲支持,我都仲估個市會升得返,但總之小心,唔好玩太大。28000點以上睇升,唔好訓身玩,都係果句Cash is king。     另外,今日想同大家分享多一個博反彈既玩法。     呢個方法,無論個市估得幾錯,任何情況下,都唔會輸大錢,但估得中方向,真係大升,回報都可以非常可觀。其實上堂都教過,但再用實際數字去講,會更容易明白,   附圖 係即月既恒指期權報價。當時期指價格大慨係28117點。28400點Call,價格為34點。買入一張大權,一點$50,成本就係$1700,呢個就係最多有可能輸既數。但贏呢?     下星期一到期,假如結算價可以升到去28500點,期權價格就會變為100點,賺194%。再升多100點,升到去28600點,期權價格就會變為200點,賺488%。愈升得高,愈賺得多,唔易賺,但潛在回報極高。     有朋友可能即刻會諗,就快到期既期權,時間值損秏會好快。係架。如果期指結算價升唔到去行使價以上,下星期一之後期權價格就會變零。但可以轉一轉個玩法,淨係博即市,唔過夜,早上買入揾位沽,值博率都相當唔錯。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) – –

Read more

【莫家強】[期權短評] 繼續睇反彈 (2017/10/25)

alexMok

    有朋友問:「點解先可以捕捉到昨日低位入市?」     無架,三分耐性,七分運氣。雖然話啲走勢經常都重覆,但點樣都會有少少差別。落到場,點都有運氣成分。不過,如果知道成個方法既理念,會有助我哋更有耐性咁去等待合適機會。     今次博反彈,重點係人哋睇淡,我睇好。昨日早上,個市曾經上升,呢啲位大家都唔係睇得咁淡,所以時機爭少少。但下午一跌,大家就睇到啲報紙、雜誌轉哂淡風,你就知呢個位博更好。當然,講完呢啲,又係運氣都好重要。     簡單總結,近日恒指既走勢同七月果陣似八成。我繼續睇反彈。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) – –

Read more

【莫家強】[期權短評] 陰濕、重複 (2017/10/23)

PhotoAlexMok-0

      過去兩年,港股既走勢兩個特點,第一係「陰濕」,第二係經常重複。     例如,之前講過,依家恒生指數既形態,同7月初有啲相似。當時,港股又係經歷咗1日大跌市,令投資者以為市況會轉差,但之後好快就見底反彈,仲要再破埋頂。     但近年好多時候,之前出現過既形態,都會照辦煮碗地不斷重複。如果係咁,呢兩日就算出現整固,都唔好太特別睇淡個市。     今朝要趕做錄影,暫時講到呢度,下午再講多少少。       ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) – –

Read more

【莫家強】[期權短評] 睇升要識揀強勢股 (2017/10/19)

PhotoAlexMok-0

      呢個幾星期,大家捉住上升呢個大方向,應該多少都會有啲斬獲。   個市資金唔夠,升下停下,反而造就我哋走位既機會。總之,暫時大方向都仲係睇升,如果吼到一啲即市下跌既機會入市,效果會更好。   咁多樣方法,賺錢機會最高,而且對初學者又比較容易掌握既方法係Short Put。做過既朋友,就會明白點解。不過,當然大家一定要識得點樣控制風險,小心駛得萬年船,咁先可以長玩、長贏。   29000點,我估遲早會到。有朋友問可否Long Call,恒指我就未必建議咁做,但上堂成日講果兩隻大股,有值博率。最強既股票可以高追,普通強既股票較適宜低吸,總之睇升要識揀強勢股,未必贏梗,但值得博,潛在回報會大好多。   附圖係保險股既Heat Map,值得留意。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) – –

Read more

【莫家強】[期權短評] 繼續Short Put賺時間值 (2017/10/18)

PhotoAlexMok-0

    恒指窄幅上落,但下跌股票數目近期都係一直多過上升股票,派貨意味極濃。     有跟住做指數Short Put既朋友,睇住個期權價格每日縮減,倉位天天長大天天高,應該都會幾開心。     Short Put最驚係大跌市,暫時我覺得發生既機會好低。至於小跌,對我哋黎講根本完全唔使擔心,暫時個市既升勢好似有少少減弱,我覺得好正常,因為市場資金非常不低,所以要升下停下。但大方向仍然係升,呢一個睇法仍然未變。     我自己既策略,係暫時用Short Put賺住時間值先,到個市出現些少調整,就再入貨博大市反彈。不過,記住,做Short Put長遠贏輸既關鍵在於風險管理,學好咗,呢個係一個非常好用既策略。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) – –

Read more

【莫家強】[期權短評] 指數Short Put係唔錯選擇 (2017/10/17)

PhotoAlexMok-0

大市沒乜點,恒指大方向仍然係升,但資金唔夠,要升下抖下。     另外,昨晚上堂講過,港股短期內出現大跌既機會,我覺得唔高。其中一個原因,係低位有唔少上升裂口。     由9月尾計起,恒生指數就已經出現過3 個上升裂口。之前講過,裂口底部,通常都會有較強支持。幾個裂口重疊,形成27400點至28300點整個區間都會有唔錯既支持,變咗呢個區域,假如跌到,都會好容易有反彈出現。     之前幾個月,贏過錢既朋友,同大家傾過,真係點玩都得。總之,個市一升高,就可以走下位。只係造淡,我覺得未係時候。     新入場既朋友,心理上會輸蝕啲。呢一刻,可考慮做少量好倉先,等調整出現再加注。而指數Short Put,跟足上堂教過既方法做,都係唔錯既選擇。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) –

Read more

【莫家強】期權短評 – 方向仍是升 (2017/10/16)

PhotoAlexMok-0

    上星期六課堂前,早到既同學,我教咗大家點睇「四大天王」。下次有機會再講多啲。     但總括黎講,都係果句,恒指大方向係升。當然,最好係等調整先買貨啦。但如果大家手頭上一啲貨都無,買少少,起碼升市都有錢賺,個心會舒服好多。造淡,未係時候。     個市,唔知可以升到去邊。但重點係,如果內銀股轉強,上升既空間會大好多。課堂亦都同大家分享咗,咁多隻內銀股入面,邊隻最容易大升。但最簡單一個重點,大市資金長期不足,市可升,但影響係只有少部分股票可以跟升,所以,買就一定要買強勢股,咁先會贏到錢。     追落後,只有喺資金過多既市況先會有著數。我成日都用同一個例子,你估你買強勢股賺一成容易,定係買中移動(0941)賺一成容易。   今朝要做錄影,暫時講到呢度,下午再講多少少。   利申:本人並未持有中移動任何權益。     ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【莫家強】期權短評:短線走勢難估 (2017/10/12)

PhotoAlexMok-0

    港股大方向係升,但暫時以我所見,技術訊號同盤路都唔算清晰,短線走勢難估。     有時候會易估啲,有時候會難估啲。易估,計好數,就要放膽出擊。個方法得既話,長玩就會贏。例如早前50天線既機會,你信個方法,長用就會贏。但如果見市況難估,我就會選擇唔估市住。     記得有個財經專家前輩同我講過,如果你有機會上電視,人哋問一隻你唔識既股票都好,你點都要講幾句,唔可以口啞啞得個窿。好多年喇,呢句說話我仲好記得,因為我非常唔同意。     做trade,無把握個陣就要識得忍手,我成日都講,除非你真係睇到後市好好,但如果唔係,你又買到成手貨,他日個市真係跌咗落黎,你好自然就會諗止蝕。相反,高位肯忍手,到調整時,就大把平貨等你去買。     最強既市,可以高追;普通強既市,較適宜低吸。呢一刻,整體市況我認為唔差,較低位置有唔少支持位,但我會選舉等跌啲先買。或者,可以運用一下Short Put,賺住期權金先,不過,注碼實在不適合太大。否則,到個市真係出現調整既時候,買平貨就無你份。     P.S. Heat map分得好散,升跌股比例又差唔多,暫時真係無乜清晰既方向。有既時候,會再update大家。         ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問;以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。) 截圖:ViuTV節目 ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問;以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)

Read more

【莫家強】期權短評:睇指數要睇埋成份股 (2017/10/10)

PhotoAlexMok-0

    我講過,要睇恒指走勢睇得準,唔懶得,唔可以淨係睇一幅恒指圖,要睇埋啲恒指成份股既表現。懶既,睇頭4隻,總共已佔恒指37%比重;勤力少少,睇7隻,已佔超過50%比重;再勤力啲,睇10隻,乜都夠。     頭10隻股票,以中移動(0941)表現最差,最難大升。其餘都係處於上升趨勢之中,只不過,近日出現陰燭較多,反映阻力頗大。恒生指數既情況,大慨都係咁樣。     大方向,我仍然睇升,但好明顯現水平沽壓幾大,除非有特別既利好消息出現,否則個市應該都會係悶住悶住,短期表現唔會太好。     咁即係點?即係無得心急。隻隻股票都出陰燭,俾你買咗落去都無用。喺無特別機會既時候,識得忍手,都係投資裡面好重要既一環。     上次博50天線反彈,博得好過癮,其實我自已都等緊下一次機會。但大家要明白,如果呢一刻你唔忍手,買多咗,跌到低位,好自然就會諗止蝕;依家肯忍手,到時就可以放膽買貨。     當然,個市再有轉強跡象既話,我都會重新追貨。最簡單,睇大市成交啦,撇除咗係大跌既日子,假如可以上到千四億以上,後市我會睇到好好,到時會係另一次可以大追Long Call,賺大錢既時候。     1400億成交好多?無錢黎就多。呢幾年股票數目一直增加,但如果連1400億成交都上唔返,個市有幾乾水,可想而知。記住一句說話,「有錢就無沽壓」,到時個市要升幾多都得,諗返大時代升市果陣,大家就知。但無錢,就無得傾。     本人並無持有中移動(0941)任何權益。   ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問;以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)   截圖:ViuTV節目   ( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問;以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室