【期權短評】莫家強期權短評 (2017/05/12)

_201603190

【 #期權短評】 今個月,我覺得末日權有一定值博率。 末日權既好處係輸可以輸超少,但賺就贏超多。以附圖即月25600 Call為例,價格係52點,即係就算輸,最多都係輸52點。但假如月尾結算可以升到去26000點,張期權會變成400點,即係賺348點,回報率669%。再升多啲,賺既錢仲會更多。 雖然有啲難,但假如結算價可以去到26400點,張期權就會變做800點,即係賺748點,回報率1438%。 末日權既缺點係好難贏,放出去既錢,要有輸哂既準備。所以,上堂我都講過,呢種方法一定要係細細注開始玩。對注碼控制既掌握有問題,或者係初學期權既同學,落盤之前請再個別揾我。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。 【期權短評】莫家強期權短評 (2017/05/12)

Read more

【期權短評】莫家強期權短評 (2017/05/11)

_201603190

    【 #期權短評】 今日,點都要講吓隻瑞聲(2018)。 隻股跌返落黎,有朋友問做得Short Put未?等吓先啦。當日買爆窩輪既投資者暫時仲未出貨,例如,睇隻14028,佢地既買入價大慨係0.140 – 0.210。呢一刻,佢地應該已經要入肉。大家睇到,呢隻14028暫時買入價仲有0.164。但如果有人開始出貨,輪價好快就會大跌。 啲輪一止蝕,隻股仲會有得跌,大家撈底唔使心急。 Short Put唔使急,mon住啲窩輪,等佢地開始止蝕到咁上下先行動。但都需要同大家講,依家玩呢隻股票風險好高,初學者最好問咗意見先好玩。有問題個別打俾我。 利申:我並無持有瑞聲(2018)的任何權益。   【期權短評】莫家強期權短評 (2017/05/11)

Read more

【期權短評】莫家強期權短評 (2017/05/10)

PhotoAlexMok-0

    【 #期權短評】 「個市升到呢啲位,仲追唔追?」   我自己就無追喇,之前揸咗既國期都一路食緊糊,食完賺哂就算。不過,如果大家仲係覺得個市會升既話,想追既話,以下係一啲建議:   1) Long Call啦,唔使諗。你用其他方法,跌返落黎可能會輸好多錢。Long Call,買幾多,最多就輸幾多,自己預一預條數就可以。唔係太有信心就細細注開始玩先,愈升就繼續用技巧推大回報。 2) 退後一步,諗一諗你呢一刻入市,目標睇幾多先。如果只係睇到25500點,我勸你唔好追喇。但如果覺得可以升至去26500點以上,甚至更高,Long Call啦,細細注都可以賺好多錢。 3) 唔好做Short Put。有做Short Put既朋友,你睇返個倉,兩日升市你賺到幾多?引伸波幅極低,加上個市升到去呢啲位,做Short Put根本一啲都唔著數,回報又低,風險又高。唔好為咗少少錢而冒呢啲風險。   現在最差既策略,第一係SC,第二係SP,唔好彩既話,兩種都會輸死人。相反,我覺得LC贏面最大,但最有可能賺大錢既係LP。呢啲位做LP,呢個引伸波幅水平,一跌起上黎,一漲窩,回報會好勁。     【期權短評】莫家強期權短評 (2017/05/10)

Read more

【期權短評】莫家強期權短評 (2017/05/09)

PhotoAlexMok-0

    【 #期權短評】 期權既引伸波幅好低,期權金好平,有唔少朋友都問可唔可以做Long Call或者Long Put。   記住,引伸波幅係其中一樣嘢,但仲有其他嘢要考慮,何如係Long Call、Long Put既入市條件。簡單講,Long Call睇大升,Long Put睇大跌。不過呢個市,暫時兩樣嘢我都唔覺得會發生,就咁做Long Call、Long Put會白輸時間值,有啲蝕底。所以,大家一係就轉玩個股,一係就用方法去處理時間值損秏既問題。   另外,有啲朋友知我喺度試緊新招,亦有幾位願意一齊做白老鼠,多謝大家。我希望呢個方法最後可以成功。到時確定咗真係work,賺到大錢既時候,揾機會再教大家。   至於市況,短期內應該會繼續悶,維持窄幅波動。但引伸波幅有回落跡象,再跌低啲,個市會出現變化。     【期權短評】莫家強期權短評 (2017/05/09)

Read more

【期權短評】莫家強期權短評 (2017/05/08)

_201603190

  【 #期權短評】 附圖係國企指數10隻比重最高既成分股,當中8隻係屬於中資金融類別。     股票類型太過集中,有好有唔好。唔好既係,風險分散唔到,如果個壞消息正正係打擊金融股,個指數係可以全無防守性可言。     好處係,咁樣先有機會比我哋執到平貨。呢啲國企股,長線盈利未必會有太大增長空間,但就無執笠風險,高追無著數,但低吸就相當穩陣。做埋對沖,無乜輸面。   上星期講過,國指市盈率不足9倍,息率接近4厘,現價已經有一定吸引力。呢一刻,我都開始做住對沖揸國期。指數跌,我會慢慢再加貨,總之坐得穩,愈跌得深先至反彈,賺既錢就會愈多。我既諗法好簡單,呢啲平價、息高、唔執笠既嘢,我最怕你唔跌。跌我就會買。總之,最重要係要計好自己條數,唔好俾人震走就可以。   至於恒指,價高又無條件長期上升,跌我都唔會考慮撈貨住。要撈,我都只會撈隻股皇騰訊。   【期權短評】莫家強期權短評 (2017/05/08)

Read more

【期權短評】莫家強期權短評 (2017/05/05)

_201603190

【 #期權短評】 恒指早前仲破緊頂,但係國指一直下跌,距離3月21日既高位,累計已經跌咗大慨7%。指數跌,會令息率抽高。以昨日收市點數計,國指既息率已經去到3.88厘,我覺得開始有吸引力。 3.88厘,即係你長揸一張細國期,10蚊一點,一年就可以賺到3千幾蚊股息。有啲朋友可能唔知,揸期指都可以賺到股息,只係「派發」形式不同,有機會再詳細解釋。 但係要收到呢個股息,最重要係可以承受得起期指既波幅,長揸張期指。首先,我哋要識得控制注碼;其次,做埋對沖就更好。 今個月既舊生分享會,我會再講呢個策略既玩法,同埋點樣先有機會賺到大錢。 *分享會日期改為5月26號晚(星期五),有興趣既同學可網上報名。 【期權短評】莫家強期權短評 (2017/05/05)

Read more

【期權短評】莫家強期權短評 (2017/05/04)

_201603190

【 #期權短評】 之前拍片講過瑞聲(2018),加上今朝有朋友問可唔可以撈底,所以做少少update。 呢隻股引伸波幅好高,如果真係鍾意隻股,只係覺得價高,低位唔介意接貨既話,可以做Short Put。6月期權,100蚊以下行使價都仲有水,接得起就做啦。 不過,大家要留意多一點,呢隻股之前有好多隻窩輪俾人買爆咗,一但有人止蝕,發行商拆對沖,連鎖反應可以令隻股於短時間內大跌。想做Short Put,又唔心急既,吼呢吓機會先做啲價會靚好多。 可以既話,除咗睇發行商既街貨量數據,仲要睇住啲輪,咁就唔怕數據滯後。 【期權短評】莫家強期權短評 (2017/05/04)

Read more

【期權短評】莫家強期權短評 (2017/05/02)

_201603190

  【 #期權短評】 呢個長假期,除咗帶個仔去玩之外,仲去咗睇樓。呢次最主要係想睇吓「小學31校網」既樓自己鍾唔鍾意,同埋最重要,價錢如何。之前都預咗會貴,但係點知一睇,真係貴到喊。如果要換樓,同依家一樣大細既單位,加埋啲使費,要補幾百萬以上。 早幾年做Short Put,期權金多好多,穩穩陣陣,每月賺幾萬蚊都唔成問題,本來可以幫到手。但係依家既期權金超少,除非肯冒風險,否則回報唔會太多。所以,我自己都將個重心放响有槓桿既策略度,希望等個市一跌,就可以賺一筆大錢。始終,今年到目前為止港股都未出現過似樣既調整,我認為博個市跌贏面會高啲。 再者,雖然恒指表現好似唔錯,仲破埋頂,但其實只係「表面風光」。附圖紅線係騰訊,藍線係恒指,綠線係國指。恒指過去一個月升1.67%,相反國指仲要跌0.81%,導致有呢個分別,主因係騰訊大升,帶起咗恒指,而國指成份股就唔包括騰訊。 買升的話,其實直接買騰訊仲好。至於整個指數,我自己既策略仍然維持中長線睇淡。星期四再講。

Read more

【期權教室】莫家強期權教室 (2017/04/29)

_201603190

  今日同幾位朋友講起一本書。對於其他初學投資既朋友,唔想學壞師,我都建議大家睇呢本書。作者係Alexander Elder,書名叫The New Trading for a Living。     唔同投資工具既簡介,少少技術分析既技巧,以至有關風險管理既重點,本書都有講。但我覺得Elder最強既係教投資嘅psychology,話俾大家聽乜嘢先為之好既投資心態,同一個贏家既思維應該係點。     再想進一步交流,可把握下星期講座:     莫家強【講座2017/05】OP16│期權初哥聚會 新生優先留座,以課程總監電郵回覆為準 時 間:2017-05-04(四)19:30-21:00(全一課) 費 用:全 免 地 址:尖沙咀金巴利道35號-金巴利中心1303室

Read more

【期權短評│視頻】莫家強期權教室 (2017/04/28)

_201603190

【期權教室】莫家強期權教室 (2017/04/28)

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。