理財A餐定B餐?#627案窮中產

諗Sir, 看到你的blog, 很有啟發性, 自問理財麻麻地, 希望可以買多一至兩個物業(其中一個是村屋作退休自住)及早日計劃一下退休生活, 希望諗Sir幫忙, 謝謝!

現況:

物業業主現況
居屋(已供完,但未補地價) 本人與家人同住
唐樓(沒有任何按揭) 媽媽放租 (收租$5,900)
唐樓(沒有任何按揭) 男友放租 (收租$4,500)

 

本人現況:
40歲, 銀行工, 月入約$38000, 另外現金 + 股票約$8 萬, 沒有太多流動現金 (因為剛完成碩士學位, 從英國回來, D錢用完了)! , 唐樓收租用來作家用, 月可儲$12,000人仔, 銀行福利的9成按揭未用

 

男友現況:
41歲, 政府工, 月入$2 萬多, 另外現金 + 股票約$20萬, 唐樓收租用來補貼租屋與家人自住

 

ANSWER:

幾件事要留意,一間供完既未補價居屋、可以住人、不過唔可以加按,大大影響之後部署。如將間居屋補價做價投入私人市場,咁不如買私樓。當然如閣下打工收入已近見頂、亦有些原因令資產不在自身名下,那用綠表買間居屋住大些少都係好。今次讀者間居屋可能是家中父母名下,暫且當讀者可有權打理。

 

另一件是係,40歲人從英國留學碩士後返回香港,現金及股票淨8萬。相比如果有另一個香港40,土炮大學加上150現金係手,今會想做邊個? 學歷係A餐而錢銀係B餐,筆者會選B餐的。可能不少人會話筆者過份市儈,可是在現今學歷大幅縮水、網上資訊爆澎之下、真係要付出全職時間及學費去搞個碩士博士返黎嗎? 當然如果尋覓知識、發掘道理是閣下興趣或志向,那請勿因錢財事而誤失時機,好應深化本身學問,造福人群。若進修是想增加收入,那不如省下時間,將心力去為自己累積財富,再入手資產去替自己加人工。好過讀完Master返黎又等老細發落,一句無位比你升你個master都唔知讀黎做乜。

 

係英國讀個碩士,全職可要兩年。再加上每年15000鎊學費,讀master之成本為15000*2*13 + (38000*24) = 912000 + 390000 = 1.3mil。如果慳返130萬收息當放係隻ETF咩都唔做收11%,月息為$11910。咁你就要計下,讀完書之後人工會唔會由38000加到$50000?

 

筆者自己都經營緊出版社,對知識、產權是十分重視。累積知識及培養文化更需時熏陶,對有識之仕更是敬佩。可是作家同發明家都唔係「讀出黎」,一個受歡迎既作家係無課程能讀完就成功產出的! 建議大家照顧好自己生活基本需要後才好搞藝術文化食B餐。可能你會問「咁落去咪無人出書做藝術!?」同意香港的社會環境根本不利文化發展,你睇下筆者本書大賣後只獲少得可憐的收入就知~所以筆者現時的工作,是要將香港文化界同金錢通道連接! 令有心創作的人獲得合理報酬。

 

搞好自己要A定B餐之後,要面對自己踏實理財。運用吸引力法則:「你係咩人就吸引到咩人埋身。」所以SOR哂RY都要講,其實讀者男友的現金都唔係VERY MUCH。所以都係個句:「面對自己吧!」由於讀者年紀近40,父母都係再早一代殷實供樓平民,淨低都係一間較舊既唐樓。其實你問筆者工路建議做法,真係一把火賣哂三間樓佢再換貨。

 

當然讀者情況唔係好差,返銀行工又成四萬蚊糧,男友又有鐵飯碗,睇落可有不少人羨慕。問題係兩人到不惑之年仍未有資產在手,無現金流。那如何應付第時冇野做的生活呢? 真係靠男友個一萬幾千長俸?(應無咁多)。先同男人合力買間樓,可是如用銀行借貸將其放租是無可能的,要買黎住。當強逼自己儲蓄。至於兩間唐樓,識搞應該賣左佢將套出既錢做首期,再買間新淨D既樓。假設賣唐樓得180萬,將其用於首期買間360萬的屋苑樓,自己及父母名上會。每月收租為$12000,而供樓分30年還借180萬月供$6653,正現金流為(12000-6653) = $5347

計落同之前阿媽收租個額無分別,但而家有間新淨樓在手! 男友間屋可同一做法! 請讀者考慮進食呢個B餐! 至於一生三宅理想,唔包括收5000零蚊租既唐樓。讀者暫未上流到此階段。

 











本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室