按揭中乜野叫做HIBOR RATE(答)

->>按此看問題     放棄絕世hibor plan既成本 如果你係2010年做落既hibor plan 應該係hibor+0.65%至hibor+0.9%之間,年息只1%左右,相信呢世你都做唔番呢個plan。至於prime plan現時要還實年息2.15%,好處係冇咁波動,唔會因為hibor升跌而令還款額大增(不過一般人借幾百萬每個月還多極都係一千幾百)。   用hibor plan每二百萬既還款分廿五先還,如果仲”hibor緊”,每月$3769(利息佔$1667),但如用prime plan月供$4312(利息佔$3583),你睇到還款金額只爭幾百$(4312-3769)=$543,但利息係月供金額所佔部份大增。由$1667加到$3583! 所以如果有agent同你講加息只係還多幾百蚊,樓市唔會跌,係大錯特錯。但如加得幾次累埋有1%的話,效力自然黎! 出面專業既投資者識計數,除非你個市可以炒到九七年咁癲,加得1-2%息已經令長線樓市投資者離場,樓市頓失支持。   講開又講,上四期四歐央行買債已等同歐洲開始怒印銀紙。美國方面,奧巴馬可能會夥同伯南克去盡,出埋QE3呢招選舉贏左先算。共和黨話如果贏左唔會行量化寬鬆同炒埋伯南克,本樣相信佢地都係老吹,根本唔再印銀紙美國冇得救。 過多金錢去追逐有限既資產,加上低息環境,商品同樓房難免上升。中國唔好以為冇印,中國同老美一樣唔會公佈貨幣M3供應量,近排仲有傳中國個600噸­黃金儲備有部份唔知去左邊,相反美國自二戰後成為黃金最大儲備國,吸盡英國佬D金換戰船糧食比佢。五十年後,美國佬掘完金又再掘油。   講返jessie,問題一唔識答,需請教法律意見,及與眾股東係公司會議改錄上作實為妥。問題三有見放棄hibor plan令利益支出大增,加上車位一般銀行只借五至六成,實在唔好因為個車位而支付千幾多蚊利息,應留番借貸力第時買多間樓,善用槓桿。千幾蚊可以係某區份已夠租車位。如果一定要買,比些少首期借錢算數。如在現有hibor plan top-up(加借)舊錢出黎比首期,以你同先生總入息應可應付,但經此全部借貸力用清,在此旺市加上生意人較大機會被call-loan下不鼓勵。 新借部份極少會用hibor個低息借比你,通常會開多條loan用prime plan計息。由於唔知佢地現金多少,建議一動不如一靜,盡量保留債貸力幾年後等樓市下行再出山。   乜野叫做HIBOR RATE? 再提一次,hibor即係Hongkong InterBank Offer Rate,中文銀行同業拆息。做hibor plan要留意有銀行用一個月hibor同你計,交通新offer兩個星期計既plan又有,或用隔夜hibor都有。問清問楚做好顧客本份為要,至於金管每日hibor報價在此留link,希望你有用: http://www.hkab.org.hk/hibor/listRates.do?lang=b5&Submit=Detail   因hibor比傳統prime plan更浮動。而家hibor plan近乎全部有封頂。例如你而家同的做hibor+1.8%兩星期計,實比息就係(0.15+1.8)%=1.95%年息每兩星期還款。(0.15%係上面條link可以自己實習check下,9月7日先係0.15%)注意一年有52個星期,用兩星期plan每年約比52/2=26次錢,係絕對還得快過每個月還款(一年12次),息會比少D既,心急人想快手清loan可用兩星期還。至於講返hibor封頂,就係如果hibor+1.8%大過假設封頂P-2.6%的話,至多用P-2.6%計。1997年試過hibor一夜抽升到300%,唔加封頂唔得掂!   按此like超筍樓盤 fansapge

Read more

後QE3買樓策略: 跌市買樓要咩準備 ?

由於大家經歷旺市最少都有三到四年,加上伯南克狂印銀紙,相信實力較低之中產開始投降,焗住入市。而家庭收入有番五至六萬蚊樓上會似住手上較強現金流死守唔入市。諗樣今次會一連兩篇,為大家講述跌市買樓既準備同埋幾時會現入市良機。而冇樓係手又唔想買既人應該點做呢?   你唔想買樓,當然係要等! 咁究竟等咩呢? 係咪呢個入市訊號?   生果報2002/2/18最佳入市訊號: 「八萬五」政策遺害深遠,昨日又添一犧牲品。有二十年歷史的鴻運地產,昨日宣布即時結業,董事總經理田國強本人,亦隨時面臨破產命運。田國強直指董建華的「八萬五」政策,打殘樓市及令二手樓市場「冇得做」,現時樓市積重難返,樓價短期內難以企穩,會繼續下跌。   2002年樓市當然未見底,仲有一成有餘。但假設你真係2002年入面,有咩要面對呢?   當然係銀行唔肯借。到時唔使旨意做九成按揭上會咁易,因銀行已經成籮負資產。   生果報 2002 陳偉業表示不少負資產人士並未受惠:「我接觸負資產業主中,超過一半供樓利息仍然係 P(最優惠利率)以上,講極銀行都唔肯減,銀行真係好無良!」他再次要求政府放寬二手樓按揭至九成,又指金管局不應只照顧銀行利益。 負資產數字見圖。   你首先要準備心儀樓宇三成樓價做首期,仲要預備間樓估唔到價。例如你當時睇中二百五十萬既星河明居,銀行只估到九成,即2.25mil,而借七成比你,即2.25mil*70%=1.525mil,搞埋你要比成一百萬先買到呢2.5mil既樓….難!   買到千祈唔好覺得爽,你有能力keep住供間樓等到升市都唔容易。跌市買樓去得太盡,小心連攪破產既錢都冇。   生果報 2002/2/18 男子打劫為籌錢申請破產: 打金師傅辛勤工作二十年: 在金融風暴時自置物業與妻兒居住,未料買樓後半年被裁退,為供樓欠債纍纍,更不時被收數者騷擾,即使想申請破產,也無手續費,其妻萬念俱灰,欲一家三口燒炭同死,丈夫為籌申請破產手續費,遂企圖在銀行打劫數萬元,結果事敗被捕。   當然有危必有機,另一個入市訊號係有光怪陸離既事情發生。梗會有D野係狂升,爭在你黎唔切囤積。   生果報 2002/2/12「病毒性肺炎」: 被指有消毒作用的白醋供不應求,趕緊向香港入貨。港人亦擔心被感染,在人心惶惶下出現搶購白醋狂潮,一樽平日賣五元的白醋,竟被炒高到一百元。上水火車站更出現一桶桶白醋運返內地的奇景。   最慘係做上會決定前,思前想後諗緊自己份工會否不保。所以諗樣成日叫庸才最好快搵政府工係有道理,因為大跌市買樓仿佛是公務員福利。     生果報 2002/6/26 酒店房租減半搶客,酒店員工被迫放無薪假: 酒店業協會較早前公布的資料,本月初五星級酒店入住率低至一成,三、四星級酒店入住率只有兩至三成。    生果報 2002/7/21 月薪四千元大學生加入競逐: 失業率屢創新高,愈來愈多應屆大學畢業生已經「不顧身份」,與中五畢業生爭奪那些毋須經驗、月薪才五、六千元的工作。一間卡拉 OK的招聘會,竟吸引逾百名大學生應徵侍應等職位。人事顧問說,現在「搵工大過天」。大學生是「天之驕子」的說法早已成為封塵的歷史。   係經濟蕭條時,銀行唔會再多過米鋪。不過有樣產品銷量係會上升既,就係避孕套! 生果報 2002/7/10 銀行縮減規模: 本港銀行的分行數目,由1998年底的1511間,減至03年6月底的1294間,即減少217間或14%。   生果報 […]

Read more

樓市幾時先跌完?

你可以問諗樣係咪搞錯? 呢兩個星期業主叫價又再升5-10%,咩事係度講「幾時跌完」?其實升同跌只係相對,望一望上圖: 黃金原來先至係1978先到而家既嬴家,大升41倍,比恆生指數仲勁! 但係如果由1968年開始計,始終都係恆指高些少。仲有就係大部份黃金既升幅,都係2000年後開始。究竟2000年後發生咩事?   現時好多人開始問:「How much gold need to buy a unit of Real Estate?」 你會發現係呢十年,最顯而易見係大部份物品同黃金計,對有相對下跌既情況。如果用車既價錢同黃金比,個傾斜度肯定仲大,因為樓都有租收,仲可以同黃金比下。香港樓宇對黃金既價錢比可看下圖(借用卓百德先生之報告):   黃金原來先係自1978到現時之嬴家,大升41倍,比恆生指數仲犀利! 但如由1968年開始計,始終都係恆指高些少。還有大部份黃金之升幅,都是由2000年後開始。究竟2000年後發生何事?   放眼黃金,為何不問:「How much gold need to buy a unit of Real Estate?」即要用幾多黃金先可買入「一格」樓房呢?   你會發現係最近十年,顯而易見是大部份物品與黃金對比,均有相對價格下跌之趨勢。香港樓價和黃金價格對比,呈現下跌趨勢。往後你把持有的一「舊」金,可以換到更多樓房面積。如用車之價錢與黃金比,傾斜度肯定更大,因樓都叫有租收,價值上仲可以同黃金一比。希望本文字解圖說後,請不要對前幾年在港之樓價大升感嘩然,有此現象是物業為了追趕升得更狂的金價。而香港樓宇對黃金之價錢比可看下圖:   可見於1996年後黃金對樓價比開始跌多升少,而該個時間有一人物上場,就是幾年前「收山」的前聯儲局長: 格林斯潘。黃金於他上任之後,只是大漲小回。而聯儲局長之特點是: 不同於總統只可一次連任,呢個位冇話可做幾多次。格林斯潘五次,現時的伯南克,暫連任一次任期到2014。   你可能有諗為黃金是否無敵之投資場所? 那又未必。不過至少維持多幾年。早前已有很多文章指出金價同貨幣供應量是成正比,金價還比供應量「跑」得快些少。可惜金有近九成(12%)只作儲藏用途,比起其他實物如貴金屬或樓房在投資角度上總是差。長者在投資組合中放入黃金有幫助,而後生先用槓桿買樓看來更有著數。至於股票與金根本找不到任何關係(correlation),都係短炒當娛樂就算。   於貨幣脫離金本位後,如脫疆野馬不斷眨值。美國最終目的當然係利用貨幣貶值去減少債務,有別國睇唔過眼想同美國鬧番既,更可打場仗等美國有藉口「reset」過全部欠債。至於幾十年後美國有何招數,根本無謂去諗。在紙鈔被不斷印製下把人工換作實物更是王道。   另外亙聯網已成為日常生活一部份,網上購物越盛行有機會令樓價上升現阻滯,因公司租街鋪之意欲將減少,此乃亙聯網於廿年後或會給予樓市的衝擊。現在要令網上世界變得更有價值,先解決大眾對網上資訊之不信任。根據美國調查市民對電視及報紙上資料確信性達61%及66%,亙聯網只有41%,兩方面的距離有望逐漸拉近。但網上地域名有價有市已是不爭事實,到時或會成為另一個炒賣市場,到時真係虛則實之,實則虛之!   請到下方facebook logk like諗樣網表支持!

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室