你好諗sir，   本人為你收息101(DV69XX)的學生，阿sir幽默風趣，令我本來很抗拒讀書的人，都能清醒完成課程，現在想學以致用，向你請教。   早年因家父欠債，很早投身社會。現在從事電子行業生意，略有小成，更騰出時間讀返大學，完成心願。於2007年買了樓之後再買，資產收入如下:   個人收入90K(有證明的收入約35K)，太太閒工20K，有一子一女 年齡: 42 沙田三房1280萬，自住，已供滿 大圍三房1600萬，出租，欠下600萬 直債年息9.25%，投入26萬美金 英國樓劏房計劃，投入20萬鎊，收£600-700左右   希望有效產出被動收入，望諗sir明言   祝生意興隆 ANSWER: 沙田三房開始舊，可決定是否賣走換債。   進取 讀者如行進取可賣走沙田樓，將有1280萬返錢，拎300萬去做首期買1000萬樓，借比親戚住，而自己租樓。工作多年40-50k月租讀者有能力比得起，去九龍站住下無妨。再加些少錢可去紅磡海名軒，或跑馬地小別墅都可! 當然筆者只提出讀者有條件去嘆一下呢點，明白要同時尊重讀者生活模式。300萬首期間樓要供700/259*10000 ~ 27K，計現時1000萬估計租出收22K左右，現金流為負5K。剩餘700萬可分段投入收息101教授的債基收息，2020年用B餐40%加C餐60%較好，去到一月由於股幣都升，有人提出B餐升得比市慢。   大家留意買債就是升市時會跑輸，但B餐用美國國債為主，一進入跌市會提供很好防守力，槓桿後提供12%-15%年息回報。280萬投入收購$35000月息。至於420萬投C餐，投入C餐收10%-12%左右。C餐派息小一點但提供價位上升之可能。暫不提價升定跌，420萬派息36K-40K/月。B及C餐合共70K-75K左右，夠哂讀者津貼那5K多付的租或住更大的屋。   保守 行保守的不把自住樓賣，只將1280萬的樓其中六成錢加按，得768萬。讀者如工資不夠，可用買樓003的「借貸力由無變有之法」將人工重組。768萬其中一半投入B餐，唔好預賺價，380萬買B餐收息約$42000月，債基不保本但波幅低。至於另一半淨錢380萬可投入直債，直債是到期保本的。筆者早前在債市心電圖明言及於12月6日免費文章暗示提一隻直債:路勁，一開波IPO個陣都提過，寫文時最低$93，成個12月都約$100蚊報價，而家$107。用$100入貨計，買20萬美金的學生賺8%(2019年12月6日至今2020年1月中)，即賺左16000美金(成13萬港紙)，等於讀25次收息101學費，這個筆者樂於見到，亦唔駛佢請返我飲茶，這是精明又肯付出時間及金錢去學習者，應得之回報。未買既人可利用下圖幫手買債接貨。 12月6日文章 https://homebloggerhk.com/96718/   明白有些人唔會係93蚊最低價買，但如你是100蚊入個批，年尾賺唔少，派利是都起碼100蚊一封吧。   筆者發覺收息103群組提出的債，很多時提出後都獲一定升幅，故此在債市心電圖節目會更為慎言。而讀者將380萬投入直債收息5-7%左右，380萬都收19萬-26萬年息，月月都有約20K返。那768萬產出62K月息，有一半錢仲要保本，交易不俗。 當本文刊出之時，收息103同學在舊生群，應會看到新一集債市心電圖，會講一隻知名銀行的債券，派息5%，2023年會再變。若當時息口比而家高，派息會提。反而，派息會減。最令人留意的，是踏入2020年只15日，佢個價很走好(見上圖)。買入後如不賣走可獲到期保本之保證。   心電圖有上有落，但債市心電圖的債價經常只升不落，難怪咁多人鐘意睇。債基及直債由收息101課程開始研習。

諗sir你好！本人已修畢收息101、收息103，並已報讀買樓001課程。   本人現年46歲，現為全職家庭主婦。過去努力工作和儲蓄，可恨並未有好好投資，白白浪費了黃金資產增長期。若現在不努力追趕，恐現金被迅速蠶食，生活質素將不斷倒退，故希望諗sir可以給我一些意見。   家庭狀況：丈夫49歲，育有兩名兒子分別17和15歲。夫婦二人向來財政獨立，從未過問先生財政狀況。離職後，家庭支出全部由先生負責，每月約四萬。先生收入每年120萬，不過他投資意識更薄弱。他的資產部份，暫且不作討論。   本人持有資產： -保險公司產品 渣打保誠理想人生/雋陞 $120萬 -渣打智富八年保險計劃 $100萬 -中人壽盈豐寶 $100萬 （由於投資傾向保守，以往保險顧問常說用時間換回報，所以不知不覺買落唔少長年期保險儲蓄產品⋯） -強積金$30萬 -債基B餐 $100萬 未摃 -債基E餐 $100萬 未摃 -JPM老竇之選人民幣 $80萬 未摃 （2019年11月於上完103後買） -現金$550萬 -九龍區三房市值$1,200萬，已供滿，我單獨名持有，丈夫已甩名 以往一直持有現金因為買股票蝕多賺少，個人膽小，另想於樓市回落時，再買物業。現在持有之物業是於2003年買入，因為係超低價買入，之後睇物業所有價錢都覺得貴，一次又一次錯過入市時機⋯絶對應驗左”what got you here won’t get you there”!     目標: 1)一生三宅；2)製造被動收入每年$70萬為兩孩子海外升學做準備   求教: -第二注債基，想再買$200萬，摃多$600萬。連原來持有的，扞摃比例約1.2x, B餐與E餐比例70:30。什麼時候為買入時機？計劃第三注再摃$500萬，建議什麼時候買入？ -應否買直債及個人推介 -打算按現有物業取首期，用先生名買第二、三個物業出租。因為年紀大，估計按揭年期未能做太長，故有點心急但又怕摸頂⋯想請教入貨時機。   感謝賜教 一位努力的媽媽上   answer: 香港人很多所謂「智慧」，例如「努力工作」、「最緊要有著數」，如理解只在字面上，很害人。   讀者錯在沙士用低價買入一間樓，之後或覺得幾時買都係貴，無著數，最終錯失資產膨漲潮，現時再返做效果只減半。留意這是想法同性格害左佢，而唔係讀書小害左佢。誠哥讀書，小過佢成堆員工。老闆難在，要先應承大家月底有糧出，自己才看看搵返黎條數多唔多過出糧。先付出，後得到，控制風險，唔先講著數。   所以，論投資:「平買、貴買、中平價買，平均而言仍是少平。」論財富:「做人、做事、留有餘地，次次唔會你最著數。」 […]

諗Sir,   您好！本人四十出頭，屋村妹冇父幹，從不理財，是高收入的月清族，僅靠幸運而非才智擁有現時的資產。但知幸運之神不會常在，且不想亦冇資格再過揮霍無度生活。希望現在開始好好學理財，多謝賜教！   月入150k + 約3個月bonus + share option (我的幸運快車） 2013年買九龍市區樓13.3mil自住，用自己名，現估價約18mil-20mil，剛轉按，outstanding 6mil，另draw多2mil睇下點投資。total outstanding 8 mil。每月還42k。 2018年用親人名持有full paid 7.5mil九龍市區新樓300 sq ft studio flat, 剛收樓，已出租每月13.5k 2019年自己名full paid GB290k mil買英國樓two suites出租, 每月收GB1350。如香港淪陷，當買個保險。 Exercised shares option 現市值5mil ，冇息收，應該冇再爆升空間 Cash 4mil (包括轉按2mil) MPF + Provident Fund市值大約2mil 剛開始月供股票基金10k，人買我買之類 冇personal loan, 冇持任何其他股票，冇private banking  已拎第二國藉 現在打算每月儲蓄約50k + all bonus and incentives。   […]

諗Sir你好. 本人將會上12月收息101, 之前已經看了不少個案分享,驚覺走了不少 寃枉路, 希望撥亂反正. 本人正開始計劃收息之路, 感困惑, 希望諗Sir給點意見.   收入/支出: 本人40歲, 算是高管, 年薪150萬 (正職+part-time工作) , 但位置正職不穩, 可能一 至兩年後其中一份高薪正職沒有而只剩餘 part-time工作, 估計此時只餘年薪60萬 . 老公44歲, 也是高管,　年薪100萬, 正職穩定, 有1子1女, 四大長老健在, 每月支出共13萬, (約157萬一年).   支出明細: 1子1女學費12,000 X12 = 144k一年（香港學費）； 自住樓供款 = 42,000 x12 = 504k 一年 長老支援費 = 43,000×12 =516k 一年 (已包括長老生病，每月支付 25k ~30K醫藥費) 保險=14,500×12 = 173k 一年 其他支出：20,000×12 = […]

諗Sir你好. 本人剛上完收息101, 課後才驚覺走了不少寃枉路, 希望撥亂反正.期待12月收息103. 本人正開始計劃退休之路, 感困惑, 望諗Sir給點意見.   收入/支出: 本人48歲, 算是高管, 年薪156萬, 但位置不穩, 可能兩年後無人請而只剩 freelance, 估計年入只餘20萬 (此收入現時每年約10萬). 太太47歲, 文職年薪42萬, 因公司有股份10年8載內無被辭風險. 無子女, 四大長老健康, 每月支援費共4萬.   資產/負債: [1] 青衣3房自住樓, 市值1600萬, 欠450萬, 供款20K至2047年10月 [2] 青衣3房本人父母自住樓, 市值1200萬, 欠380萬, 供款15K至2047年10月 [3] 青衣2房A收租, 市值900萬, 欠120萬, 收租18K, 供款10K至2031年1月 [4] 青衣2房B收租, 市值900萬, 欠260萬, 收租19K, 供款10.5K至2047年8月 [5] 珀麗灣2房二收租, 市值700萬, 欠260萬, 收租16K, 供款10.5K至2047年8月 [6] 灣仔商業樓480呎, […]

諗sir 你好，   本人為收息103學生（batch DV41)，現因投資項目完成，將會有一筆現金不知如何運用，想請教一下你的意見。   本人夫婦2人同是35歲，有4歲及1歲子女，租住$25000新界3房，在香港沒有物業，分別與人合資開公司，本人年收約$240萬（人工及利潤，其中報稅收入佔$72萬）；太太年收約$120萬 （報稅收入$60萬），唯2人公司未能甩身，手停口停。另外兩人均在雙方父母的自住樓分別有名。   每月家庭開支：約12萬 （包括太太按揭支出）   資產： 日本樓9間，沒有現金流，只有資產增值（租客幫手供樓），總值1億6千萬日圓 (約1100萬HKD)   英國樓6間， – 2間劏房每月產出現金流合共$15000 HKD，有按揭，若套現可得現金約180萬HKD – 3間位於London的flip，價值合共1650萬HKD，無按揭，有意賣出(有兩間已有buyer offer將可獲約£113萬GBP cash，另一間如未賣出可按俾銀行取出約£380k) – 最後1間正在進行裝修，總額約200萬HKD，   債基，全B餐 – 持貨約350萬，本金150萬 – 每月產出8500現金流，回報只約6.8%   實金＋銀條約$400k   以上共約3320萬   負債： 外母自住樓按揭(老婆名)     300萬 日本樓按揭6500萬yen (約450萬HKD)，將於2029年全部供完。 英國樓按揭 70萬HKD, interest-only mortage 私人貸款/朋友/親人angel money 550萬   以上負債共約 1370萬   […]

前幾年經 homeblogger 介紹下於香港私人銀行開設戶口,  投入100萬美金收息略超10萬美元一年，已大大超出本人預期。謹此來信讚賞，現在香港人諗走資諗移民，又係時間搵諗sir你    本人為中上管理層，工作年薪港元144萬 還有500萬港元未動用，這幾年多買債少買股票，靠諗sir助我避了現時不明朗市況 住係九龍東三房，估值約1100萬，月供20k，還剩400幾萬 有間學生宿舍，月供13k收租近30k 太太為家庭主婦，仔女準備海外升學   請教: 應不應賣東九龍這層樓？應該用嚟盡按作投資買第二層及租出去？ 如何再提升個人現金流？ 將轉去外地私銀那處好? 想返英國置業作投資用。但英國樓已普遍貴。係咪索性買REIT好過? 另外加碼直債有何想法?   再一次感謝諗 sir 成立 homeblogger   ANSWER: 現時示威已蔓延至傳統豪宅區，參與人群結構複雜，如果某富豪的單位被查冊及起底，除時被毀於一旦。所以用公司名買樓、又或租樓有說不出的好處。既然再示威都不能為廣大人民爭取多點，倒不如退一步大家海闊天空，免得有心人混入為私謀利。再重申1500萬市值以上樓房睇淡，新一輪政策令資金加速逃亡。有錢人總是比別人想得快，只不過不露於形色而矣。500-1000萬市值樓不用太擔心，經濟差就好似現時，中上價餐廳少人而茶記生意仲好左! 當然最貴價的飯店一如以往，沒有影響。   香港的問題從Starbuck被爆加上NBA球隊被禁咀，鬧上國際。不少中國人在twitter留言”stand with Laden(拉登)”，還擊美國人。這樣會加快中國為香港問題作出決定，避免香港事情再發酵，究竟最尾開大定細? 確實是一念之差，筆者再提醒大家「估」可以，但要係做好準備之後。就如當年點解希特勒會係敦克爾克放十幾萬英國兵返老家，養下盟軍反抗之力，都係一念之差，至今仍是不解。   將資金分散別國是國際市民慣例，只不過港人過份享受穩定金融系統，早前忽略此事。讀者可將私人銀行服務選在新加坡或瑞士、就當時暫避一下也值得。直債是國際通認，不用將收緊10萬美金息的直債變現，就咁成條射倉去外國就可。至於直債派超10%年息，只不過用收息101之法買條5-6%息的債再槓桿就有此效果。然而此法一般入銀行佢都唔會幫你做，因客如穩定收了息，日後如何叫佢出入賺佣? 所以有人識都唔會教你咁做，始終自己份工要緊。你唔信呢個blog講既野，你自己落銀行/證券行試下就知。至於去匯豐/星展開個戶口打錢去外國呢d野，兩個月前已開始排長龍，你而家落去筆者唔知你駛唔駛排半年…   就知延期年金個5年回本plan一樣，去匯豐/星展開個戶口打錢走，只要一上主要報章，就等於條路封左。你想係艱難時間搭路，確實行難上難。尋日文章已講過，香港開立而新加坡總部的證券行，或者可以幫到你在港開戶，但筆者重申我地要comply with金管，唔可以叫人打錢走。   東九龍樓市值在安全區，筆者認為唔好賣更最好加按盡，將套出的港幣轉美金。一旦港幣對美金保唔住7.8，你揸美金一野可cover到是次危機對你之損失。即係你供樓如月月14k港幣，一旦美金可換9港元，你揸美金就相對賺。上年銀行同證券行盡sell你買股票，及後證明上年買股錯足九成。今時銀行唔想批你按揭，證明你利用銀行方便做相反方向，亦是可取的。至於如你手上保單賠港元的，長期單不應斷，短期單應結算。樓重申1000萬左右市值或更低的，唔駛賣，但最好按。 如果身家清白，點燒都燒唔到你，將錢買外國REITs可以。筆者的收息104主講用美金買REITs，如下圖派息15-22%年息，難怪在上月的課那麼人要黎。至於讀者除了直債，可把組合加入REITs(20.08%年息)或債基B餐(約15%年息)。若你有擔心，錢還是打去外地再提現金去買樓好，因為提了現金後很難查到置業點何在。所以記帳未完全電子化的房地產，比起全數碼的股票及房託更有好處。英國樓你看筆者舊生ada，佢實地同我講不少英國樓仍有5-10%收租回報，當然唔係一手樓或倫敦曼市個種。

諗sir您好，   修畢你的收息101, 103, 104 及買樓003, 獲益良多，而且課堂內容以實際執行為主，完全無廢話，非常值得。最近更報了英國二手樓班，期待上課學習。幾年前已接觸理財投資課程及現金流概念，也不吝花錢上課了解，可是大部份課都只把“窮爸爸、富爸爸” 概念重新包裝，完全無實際執行作用，更恐佈者上課要叫口號、又要分享，像邪教一樣，浪費了我們不少時間 (苦笑)!   很感謝你安排助教Gary及Pan 照顧我們及繼續跟進，已經和他們約見過。現有一些大方向問题想請教再實行。   我和丈夫同是48歲，無小孩，也是屋邨出身，努力讀書上大學及不斷在商界上打拼，現工作已有些成績，可是理财則要請教你們這些專家, 資產如下，請賜教!   薪金: 本人年薪約 2.8 – 3M; 丈夫1.2M 全部有報税。（丈夫其實職位高，能力好，可是入錯行做Trading 接美國客，行業不斷萎缩，薪金已是行內頂點 – 無奈)   房產: 1) 自住樓又一居複式聯名單位，2012年1600萬連車位買入，現值2600萬。欠按揭1100萬，由於想換樓, 暫不考慮轉按，而且硏究過各種方法也很難甩名。明白諗sir建議可租，但妹妹經歷租樓三年半搬五次(業主賣樓趕客), 有點怕怕。 2) 沙田富豪車位兩個無按揭，買了兩年。75萬一個買入，現價跌回80萬一個。月租1800一個 x 2 = 3600月入。 3) 石門新鴻基工商單位樓花，500呎600萬。由於每個單位有獨立去水厕所，潛力較高，已付兩成，明年收樓。 4) 英國曼徹斯特一手新樓，三年前130萬買入一房，今年五月已收樓，發展商保證頭兩年6厘回報，月租6500元。剛獲獅子銀行批七成按揭，息口3.75%。 5) 英國曼徹斯特一手新樓樓花，兩房連一車位，兩年半前買入约180萬，已付四成，明年初收樓。     其他: 1) 一百萬藍籌股票。 2) 15萬美金澳豐銀行保本外幣對沖基金，保本及guarantee 8%一年。 3) 老公有月供3000基金，供20年，只有30%回報，年輕時儲蓄買入，已供15年。 4）MPF […]

本人拜讀諗sir文章已有段時間，由於近日煩腦太多，希望向您賜教   本人42歲有盤飲食生意，每月收入約20萬，近月生意下滑，生意少之下更覺困身，故想賣走生意(贖身)   有些現金放在獅子尚玉戶，大概90萬美金。希望將此一戶口搬去新加坡，子女已高中快將成人，數年後或隨太太及子女到外國生活，每年放一半時間係外國   由於銀行產品複雜及有輸錢經驗，投資利用工廈及車位為主   自住樓連車位約2600萬而欠銀行1000萬，供樓3萬幾 工廈自用760萬已找清 工廈投資用500萬欠銀行210萬供只係數千 車位三個，當年一次比哂錢買入相鄰，買入價50萬幾，而家成140萬幾。敢講此已是本人最好投資，賺成3倍，早年買股票, 基金全無甜頭   如何利用上述資產令我可優悠生活，真係好似銀行成日講個隻咁? 再次感謝諗sir ，望抽空教     ANSWER: yes成日係銀行分行見到的優閒海報，最尾個客都不能達到，原因你明白的! 隨著樓房在海未來升值存疑，債變成一項易明又提供穩定收入，仲可四圍拎走跟你去外國的投資。當然筆者2012年至今不斷提出: 樓房提升之租金收入可隨通賬上升/跌，是部署退保的最好夥伴，連買債買股都做唔到。即係你買樓今日收租15K，廿年後如大通賬來臨，租金收入能升至25K去抵銷銀紙到時唔值洗的情況。今日人民幣都為了貿易戰，眨了近5%。所以銀行內含值從是虛幻，請緊記。   另一要點是香港人忽略的，就是資產的可攜性，這點反而內地人很重視。那你問為何內地人仲要買香港樓? 何不攜至外國? 要知香港為內地人成立公司較外國易，有了公司又有人幫佢整埋收入，何不問銀行借錢買港樓買個方便? 加上港樓用美金計，脫了人仔，已為內地大戶完成了兩任務之一。至於第二任務，當然到瑞士或英國澳洲開個當地戶，不少金融界人仕已從客中聽到厭: 「拎到去外國既錢，先至係自己既錢。」   拎去外國除了現金，買債或某些基金係方便的。例如你有條渣打債收緊7%年息，由於債是全球性，你下個月將債射去澳洲，收入就跟你去左澳洲了。至於債基亦有獨碼ISIN CODE，要做多個手續問問海外銀行有否代理，有才射去。債基的月月派息，比直債半年先派一次，各有相勝。有資產者應將分散資金到海外儲存中心為主任務、次才是求回報。   若讀者夠膽做大手術，可將自住樓變賣套返1600萬。畢竟市值高既樓近10年都升得慢，因按盡只五成，升左都唔易加按套錢出黎，及承貨者要成過千萬做首期，唔易搵。早年賣50萬的車位，估計都幾偏遠，建議止賺。筆者賣車朋友已講近月在28car想放走車都唔容易，由往時減到價即有人問，到而家偏門車款點賣廣告都冇人應。同一道理，準備跌市最後手上揸都要有大路貨，例如大屋苑兩至三房，例如渣打或大銀行出的直債，而唔好咁偏章買農地博升。   賣左車位同自住樓成2000萬，可將一半錢投入私行，筆者早前為103舊生攪過新加坡私銀聚會，不少人而家再問，但因為講者見香港情況唔想飛過黎，可能要再等一下先攪。一半即1000萬可考慮下方直債   保誠 6.5% @$114 渣打 7%@ $112 東亞 8.5% @$100.6 路勁 7.95% @$92   1000萬分散買上述四直債，唔槓桿，平均收都年7.5%。若私銀提升5成槓桿，買1000萬回報為(750000-100000) / 5000000 = 13%。這世界如你資金夠，係有保住本收十幾厘年息既投資。 […]

諗sir   從朋友介紹得知你，智慧及知識在我輩之間流傳，獲益非淺，想請教我倆夫婦如何製造被動收入，已讀8月份收息101班。夫婦都屬專業人士，42歲，月入共16萬/月，有子女三名。現住在和富中心市值1600萬單位，尚欠銀行400萬。享用當年H+0.65%的低息按揭PLAN。   三名子女在8-14歲不等，每月學費連興趣班共3萬元，全家支出約6萬，可儲約6萬/月。在香港主要存現金，有400萬，還有在上收息101課前試買了基金20萬收息6%，及後已知買錯將轉正。打算利用債基製造收入，亦考慮更多方案。   早年用太太名在葡萄牙買了物業，為取護照而買，要幾年後才可出售。買入價62萬歐羅（當時兑換率10.5)，現值80萬歐羅。一直放租現時租金每月1600歐羅。   期待你的指教，感謝!   ANSWER: 製造被動收入與移民經常連在一起，這也難怪。如不用為口奔馳其實長時期旅行都無乜所謂，當然入藉埋外國享教育福利及醫療福利就更好。葡萄牙是歐洲各國中出護照要求算叫易的，移民監較短。由於近日blog中已有不少移民資訊，故本文不談國外，主談點去構建被動收入。   讀者日常支出為月九萬元，想就咁靠手上400萬去年產(9×12)=108萬利息，近乎不可能，所以應將和富加按取更多現金。自住樓超1000萬只可按五成，故可按1600萬*50%-400萬 = 400萬。按後讀者現金增至800萬。   800萬一注買哂債基B債，收12-15%年息就等於九萬蚊被動收入攪定? 當然唔好。投資現除了分散風險，最好更分散地域，讓錢在不同的權力之間游走。800萬留100萬做現金打底，其餘三注錢可做直債(英鎊)、債基(美金)、學生宿舍(留港)。   直債用渣打的，要執大家攬炒，息有近7%。當然20萬美金一條的直債，個價都升至$112。即客要付約22萬美金去收呢7%年息，即14000美金一年，都叫值得。更何況將來減息，利好高評級之國債及企業債。留意渣打除了美金債、亦有英鎊計價的。如有小朋友打算去英國讀書，買定條英鎊渣打債打底有利無害。讀者投入約180萬港元，收息110K一年，即約9K/月。   學生宿舍勁在可將租金回報DOUBLE。今年內地學生來港少了，然而筆者其中一個學生在星期一，都租埋最後兩間房出，6千6及6千8成交，一野收哂租。至於佢早前的床位，由於地點靚，一間大房開的兩個床位各5千租出。咁一間三房將廳改埋，有兩間單人房，兩間雙人房，共6個人，收租: 6600+6800+5000*2*(兩間) = 33400。足足將租值只17-18K的新界三房DOUBLE。而由於呢類樓供只需17K，故正現金流就是33400-17000 ~ 16500。投入只需250萬首期，因樓價700-800萬。   最後用債基，一半放B餐一半放E餐吧。B餐美國國債類，今年利好。E餐美國企業債，評級優秀一些的，低槓桿佐息好。320萬投入平均收息12%，即月月有32K。在收息課更會教授如何槓桿才令CALL LOAN少去出現。及讀者自己都留意到: 自己落銀行買的、同筆者提及之債基，兩者是不同。另外明白筆者已提了多次債基，若你唔想用，轉隻派12%年息的Equity REITs比你: AGNC。下圖有解，但僅為副選，有不少更高息的在下星期開課的收息104再談原理及點買 那三者共行，各自持不同幣值本位(美金、港元、英鎊)投入HK$750萬，被動收入為9K+32K+16.5K = HK$57500，已解讀者不少洗費之難。另外，佢仲有1.6K歐羅收緊租呢…加埋近80K了!