^^【期權短評】莫家強期權短評 (2017/01/26)

  【 #期權短評】 幅圖講既嘢好簡單,價外或者等價期權,全數期權金都係時間值,會隨著日子過去而減值。   價內既期權,會有一部分係時間值,一部分係價內值。價內值果part,係唔會因時間過去而損秏。   愈價內既期權,價內值比例愈高,時間值損秏就愈唔關事。   但係,我想大家唔係淨係明幅圖,而係要知道幅圖講既嘢,同我哋做trade有咩關係。   Short Call、Short Put,可以賺時間值,好似好著數。不過,有一樣好緊要既嘢,就係你唔可以俾佢地「入價」,變成價內。一旦入咗價,就算你之前收咗幾耐時間值,最後都可能會功虧一簣。   Long Call、Long Put,要輸時間值,好似好唔著數,有人話唔好長揸。係,錯方向既時候,的確唔好長揸。但係睇中方向既話,就要夠膽一直揸落去,只要入到價,就唔使擔心時間值損秏。而且,咁樣先會賺到大錢。   最後,提一提大家,聽日得半日市,之後就係農曆新年假期。港股下星期三,2月1日復市。   預祝大家雞年大賺特賺,身體健康,萬事順利。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

^^【期權短評】莫家強期權短評 (2017/01/25)

  【 #期權短評】 有好多朋友都問過我呢個問題,四種基本策略當中,邊一種最好做?   當然,官方答案一定係無話邊一種最好,要視乎情況而定。但係我可以好肯定咁同大家講,我做得最多既係Short Put,做得最少既係Short Call。   對於初學期權既朋友,我都會推薦由Short Put開始玩,因為呢個策略長遠最容易賺錢。不過,有一啲重點大家一定要知道。   首先,我成日都講,識得玩既話,Short Put係賺「零用錢」最好既方法,贏面高之餘,又唔會好危險。相反,唔好諗住可以單靠Short Put發達。原因都係風險。   講多少少風險。有人話Short Put 係無限風險,呢點一定唔係,Short Put 係有限風險,細注玩就唔會好危險。   你或者會諗,Short Call細注玩都唔會好危險。但係如果你真係學識睇期權價格,甚至真係落場玩過,你就會明白「空頭Short Call」一啲都唔好做,難賺錢之餘,風險仲好高。   最能夠發揮Short Put優勢既玩法,係要做得好價外,好價外。上過堂,睇過實際操作既朋友,會好明白我既意思。   另外,要知道Short Put幾時唔應該做。例如,依家就唔係做Short Put既好時機。   最後,Short Put長遠贏輸既關鍵係「風險管理」。控制得到風險,長遠就會贏。總之,袋住一句說話,「小心駛得萬年船」,有耐性咁玩,慢慢你就會感受到Short Put 既好處。   聽日再講時間值損秏。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/24)

【 #期權短評】   今日,想同大家講一件好簡單,但係非常重要既事,就係波幅指數又再跌,最低見過12.80點,比上個星期既低位仲要低。   當然,呢個數多少都有啲受黎緊農曆新年假期既影響。但係,如果假期之後都仲係咁低,我地就要睇實大戶既手影。呢個可能係一個好大既機會,如果真係既話,大家千祈唔好手軟。   另外,上星期教過大家做既spread,最近都賺得唔錯。2月10日,舊生聚會,會再同大家跟進呢個策略既情況,希望到時可以再賺多啲。   做期權組合,有一樣嘢好緊要,就係要知道期權時間值損秏既快慢。呢樣嘢,會影響到我哋既組合究竟會愈擺愈賺,定係愈擺愈蝕,聽日再講。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/23)

  【 #期權短評】   有朋友問,睇淡既話,可以用邊種策略?   如果唔諗住過夜,玩即市,可以沽期指,set止蝕位。但係如果要過夜,我會用返debit spread,或者其他有限風險既策略。   期指既好處係靈活,適合用於短炒。例如,指數上落50點,對於好多工具,可能都未必夠水位可以賺到錢。但係期指,玩一張大期既話,買賣加埋一般都係2、3點使費。當佢3點,都仲有47點利潤,利潤為$2350。   做debit spread,只係估中50點方向,通常都未賺到錢。   不過,沽期指既最大問題,係理論上無限風險。無限風險策略既最大弊處,係睇錯市既時候,會給予我哋好大壓力。特別係過夜,壓力會更大。假如個市係挾完先落,而我地既心態又唔夠強,賺錢既機會就會大打折扣。   相反做debit spread,最大風險有數得計,壓力自然會細好多,賺錢都會容易啲。   做debit spread,我通常鍾意以小博大。附圖既例子,22600 LP、21600 SP,最多輸209點,最多贏791點。用大權玩,各一張,唔計使費最多輸$10450;最多賺$39550。   呢種玩法,最適合用於博大市中線轉向。     風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/20)

  【 #期權短評】 引伸波幅低,會令Short Put賺唔到錢,無得做。但係,有一啲策略,卻反而會變得更加好做。     其中一種係Debit Spread。呢個都係我既常用策略之一,識得用既話,非常好用。     Debit Spread,可以用黎睇好,亦都可以用黎睇淡。第一個特點,係風險有限。估錯方向都好,最大損失有數得計,屬於比較容易控制,風險較低既策略。   第二個特點,係回報都有限。但係,識得調校既話,回報都可以好可觀。譬如,我慣常會做既,係用一萬蚊風險,博三萬蚊回報。     而呢個策略,我最鍾意用黎逆市做。即係升得多,見有機會回落,就睇淡;跌得多,見有機會反彈,就睇好。由於風險有限,我地就可以無後顧之憂咁放膽去博,有呢種心態,贏面都會高一啲。     Debit Spread仲有一啲操作技巧,下星期再講。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權教室│視頻】莫家強一期一會 (2017/01/19)

  #晚間財經 #莫家強 #美股面對牛三? #聶sir #松景科技(1079) #有線寬頻(1097) Vivian Tsang 曾子晴 風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/19)

  【 #期權短評】   呢幾日都有朋友問,做唔做得Short Put?   我唔直接答大家,我用例子去答。   兩幅圖,一張係今日既期權報價,另一張係上年9月13日。兩個情況,啲期權都係仲有個幾月到期。   我想大家睇兩樣嘢。第一,係等價期權既引伸波幅。今日果張,大慨係13%;上年9月果張,大慨係17.7%。   第二,係如果做3000點價外既Short Put,一張大權可以賺幾多錢。今日果張,唔計使費,沽10點,可以賺$500;上年9月果張,沽46點,可以賺$2300。   點解爭咁遠? 我同大家講,引伸波幅相差5個%,做Short Put既效果已經係兩回事。我諗大家應該都睇到個分別。呢個亦係點解我成日都強調,做期權揀策略,一定要識睇引伸波幅。   上年9月,個市其實都無咩特別。反而,依家既引伸波幅係特別低,低得有啲過份。   不過都無乜所謂既,引伸低幅低,就做引伸波幅低應該做既方法。聽日再講。     風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/18)

  【 #期權短評】   呢邊係引伸波幅低既股票。好多都係大家覺得穩陣既好股,但係,就絕對唔適合做Short Put。因為,期權金超少。     好喇,恒生(0011)算唔算好股?     唔使講啦,長遠走勢靚到暈,今日仲要升破左52周新高,一定係好股。   呢一刻,恒生既股價係$152.4。   但係,如果大家睇吓期權報價,就算Short Put做到3月,行使價150蚊,期權金都只係收得$3.5左右。要等兩個幾月時間,按股價計,最多只可以賺2%多少少,回報少得可憐。   我成日都講,呢啲情況,你吼低買,反彈走,都已經賺咗。   總之,如果隻股票好,但係引伸波幅低,就一係玩正股,一係做Long Call。夾硬做Short Put、Short Call,唔單止賺唔到錢,仲會嘥咗隻股票。   期權又好,其他投資都好,要賺錢,就要知道唔同情況應該用乜嘢方法。不斷揀適合既方法黎做,長遠既贏面自然會高。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/17)

  【 #期權短評】 唔好意思,呢兩日早上較忙,遲咗出post。     有朋友想知道多啲股票期權既玩法。好,今日就由最簡單既Short Put策略講起。     長遠黎講,Short Put賺唔賺到錢,揀股係重點。而我最主要會睇兩樣嘢。第一,隻股票穩唔穩陣?第二,收既期權金多唔多?   附表係唔同既股票期權,按引伸波幅既排列。引伸波幅愈高,代表期權金愈多,即係做Short Put既利潤愈多。不過記住,唔好純綷因為引伸波幅高,就走去Short Put一啲唔好既股票。因為,咁樣往往會得不償失。   我慣常既做法,係會喺一啲期權金較高既股票期權入面,揀比較穩陣既選擇黎做。呢個方法,可以令長遠既贏面增加。   最後,Short Put既風險係,如果股價下跌就有機會要接貨。對於初學者,我會建議大家要計過數,接得起咁多貨先好做咁多Short Put。跟住呢個玩法,風險就唔會太高。   另外,識睇引伸波幅都好重要。聽日再講。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。

Read more

^^【期權短評】莫家強期權短評 (2017/01/16)

【 #期權短評】     今日,再跟進一下Long Straddle,講一講點走位。   首先,走位既話,我會先做入價果邊。因為,只有入咗價既期權,先會有果種敏感度比我地走位。   例如,行使價23000點Put,delta有0.70,代表期指升跌100點,會令期權價格變動70左右。有呢個幅度,走位先會有獲利空間。   相反,行使價23000點Call,delta只有0.30,代表期權升跌100點,只會令期權價格變動30點左右。咁樣,就算真係睇中方向,回報都唔會多。   所以,要走位,一定係做Long Put果邊。   而我一般都會先set定價,等大市急跌平倉。因為,有時候,大市會出現一啲短線既「overshoot」,幾分鐘之後就反彈,快黎快去。如果唔set定價,就好容易會錯失機會。   我鍾意做走位,因為如果好彩,估中幾次,回報就會增加。但係,就算走得唔好,估錯方向,風險最多都只係Long Call僅餘既時間值,唔會有好大問題。所以,我覺得好值得博。   個市繼續跌當然最好。但對於Long Straddle黎講,最不利既情況,係期指升返上23000點左右,繼續窄幅浮動。所以,如果個市又有跌唔落既跡象,我都會揾位先平Long Put,再定後向。   風險聲明:筆者為證監會持牌人。以上內容屬筆者個人意見,不構成投資建議,並不代表本網站意見。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室