如何趁反彈加注？
以下唔知會唔會都係你揀股會面對嘅問題？
1) 隻股票係好靚，但升得太高，唔敢買。
2) 成日買入股票嘅時機都唔靚，唔知點樣改善。
3) 錯嘅時候，唔識止蝕，好擔心會輸大錢。
呢啲都係我一直經常會收到嘅問題。過去兩個星期，我做咗好多研究，希望可以令每週美股研究報告嘅內容，更直接可以幫大家解決呢啲問題。下星期一，TOP 100列表會有更新，呢度講一講點樣用。
一、 博反彈都要買處於上升勢頭嘅股票。
下跌股，好睇唔好食。上升股，你趁反彈買入，贏面先會較高。要從列表揾大勢向上股票，可以睇兩個數，第一個係score，愈高分代表過往升勢愈平穩，第二個係Ichi，1代表喺雲上，易升難跌。
二、 要有止蝕位
止蝕位會係上次反彈時嘅低位。列表中嘅Stop，就可以睇到。
三、 點樣揀股票？
揀一啲，短期回報都唔好太差，然後止蝕位又唔好太遠嘅股票。
5D%，即過去5個交易日嘅回報，最好都係正數。然後，Stop%，即現價距離止蝕位嘅百份比，唔好多於15%。
如果隻股我好鍾意，但止蝕位距離過遠，咁點算？
代表未係買入時機。你可以等隻股回調，再上，止蝕位就會更新，如條件符合，就可以入市。
仲有，小小心得，無必要一定要買某一隻股票，反而更重要係買當時最好嘅股票。
希望以上嘅改動，會令「每週美股研究報告」變得更有價值。有問題，請電郵至 [email protected]。星期一再見。