========附件=========
========附件=========
先講原油ETF。
未有入市嘅朋友，暫時唔建議沾手。至於有貨嘅朋友，我亦有責任交待處理方法，但當中會用到另一種叫Debit Put Spread嘅期權策略，如講解後到實行需要幫助，請電郵至 [email protected] 聯絡我，我會再提供協助。
首先，影響住USO價格嘅因素，除咗油價下跌，仲有係期油嘅轉倉差價(Contango)問題愈來愈變得嚴重，呢一點係嚴重影響緊我哋嘅部署。雖然，油價跌到現水平，只要負面因素消退，長遠而言就能夠回升，但假如時間一拖長，USO不斷受累於Contango，股價不斷損耗，最後我們可能也要輸錢。以現時嘅情況，單靠時間值收入係唔能夠完全抵償跌幅，所以，我係加強倉位對沖。
我嘅做法係，利用以上提及過嘅一個有限風險策略，令倉位嘅Delta暫時變成負數，直至Contango收窄為止。
Delta Put Spread，例如可以選擇9月左右到期嘅期權，做一個行使價3.5元的Long Put，以及行使價3.0元的Short Put。
用Delta Put Spread嘅原因，係由於佢係有限風險嘅策略，就算油價反彈都唔怕被挾死。用佢嚟對沖倉位，減低Delta值，會係理想嘅做法。
如果之前入市嘅倉位唔大，現階段可以靠對沖與時間值收入逐步收復虧損，待油價走價回順後，就可以轉盈為虧。
再講股市。
整體嚟講，雖然指數上升，但事實好多股票都未能夠跟升，所以揀股要小心。
之前講過嘅Wingstop (WING)，走勢繼續唔錯。喺TOP 100列表上，佢亦係其中一隻排名不斷攀升嘅股票。已有持貨嘅朋友，可繼續持有。未有持貨的話，可等下次調整再上嘅機會吸納。
Lululemon (LULU)走勢同樣唔錯，處理方法一樣，有貨可繼續持有，未有貨可等下次調整再上嘅機會吸納。
另外，最近我留意緊Freshpet (FRPT)。呢間公司，係賣寵物食糧，近年營業額穩步上升，股價表現亦不俗，值得留意。
另外，亦附上過去5個交易日升破一年新高嘅股票名單。
可以睇到，破頂嘅股票比例，其實唔多。但呢啲能夠喺咁差嘅情況下仍能破頂嘅股票，絕對值得留意。
分數較低嘅股票，代表佢喺今年之前，升勢唔係咁平穩，但呢啲股票之中，可能有啲未來會愈升愈穩，我最主要會留意嘅，係佢哋未來嘅競爭優勢會唔會持續增強。
較大型嘅股票，例如係Amazon、Netflix，一個較穩健嘅做法，係等下一個調整出現再上嘅時候買入。
對於可以承受較高風險嘅朋友，可留意一啲市值同成交量較低嘅股票。Wingstop 之外，Inphi (IPHI)都喺我觀察名單入面嘅股票。呢間公司，亦係從事晶片生意，喺跌市期間，股價已有一定抗跌力，而喺市況回穩後，好快就能破頂，過去公司營業額亦整體維持上升，我認為亦係另一隻好有潛質嘅股票。
總括而言，成個市，其實真係能夠大部份收復失地嘅股票比例唔高。指數升，主要係因為幾隻最大權重股嘅表現唔錯，但我哋必須要明白，有好多公司受到今次疫情影響，往後都難以復原，呢啲股票係要避開。至於買股，可集中選擇一啲無咁受影響，而股價已可重新上升嘅股票。