地鐵站上蓋冇得輸??

香港有些屋苑已殘舊，35年樓之上的屋苑縱是大型，惟此刻接貨者的下一手買家，好大可能做唔盡30年按揭。變相供樓貴左，而令下一手買家降低出價。德福約37年樓，美孚最早個期已超40年，要買實在小心，要實用舊樓大把選擇。

 

德福與淘大同區，為何淘大佔先? 淘大分別於不同時期落成，第一期與最尾個期時差頗大，故拉平睇樓齡輕於德福。不過九龍灣三寶之升幅，總體而言與其他九龍區屋苑比較，仍是不俗。

 

屯門一向看好，由2012年至今都係。空置率低企加上新機建，但留意睇樓是單位間格行先，再到屋苑，然後先區份。所以淨係揸住個區份入屯門買買買! 好易中招。

 

太古城一向被人寄予厚望，其實佢就似股票界既籃籌匯豐銀行。屬名牌子但水份多。

 

大圍名城剛到7-8年樓，擺脫了不少新盤在3-6年齡遇上SSD解禁期，業主沽盤大增導致呎價升唔起之情況已消失。

 

將軍澳中心是在「彼岸」，14年樓即係不少一手業主已賣走，無SSD影響加上社區用十年建議已成熟，一盤呢類樓好租好放，初心投資人之選。惟揸到25年樓就要諗返美孚新村個件事。

 

九龍城區已爬升成全港未來第一大供應區域，將軍澳用左4年先甩到呢個「朵」。早年將軍澳樓不斷受壓，而家將中及康城先有些少睇頭。此刻譽港灣在該區仍有些少獨有性，但啟德盤入伙之後，連啟德一帶自己都「爭食」。你仲諗?

 

至於黃埔跑輸屬意料之內，黃埔花園用過去5年去計，同其他屋苑比較，升幅只係麻麻，只係近一年交到「功課」。其實買樓需注重稀有性，應選一區內欠之間隔、或很方便之地方。惟地鐵上蓋本身不是什麼稀有，所以「地鐵上蓋無得輸」呢件事只得啖笑。而跟港鐵公佈新建地鐵站之位置去買，其實已比一批內行人慢了幾拍。所以集中在好區份內選取稀有間格，比死跟地鐵買樓好。