By [email protected]January 5, 2018個股評論, 基本分析, 技術分析, 投資心理, 最新市況, 港股, 潘家榮, 股票個案, 財技分析 唔好見到隻萬科升得多，就淨係顧住望住佢，其實今日好多股喺高位都有回調壓力，不過咁，大家又唔需要太過驚，只要跟返原先既策略，定好晒止賺位就可以，總括黎講，呢一刻我會以個股12月中既低位作為止賺止蝕位，遲啲先至會再調高，當然如果隻股票本身距離呢個位好遠既，即係代表佢升得好靚，幫你賺左唔少錢，咁點解仲要咁緊張要走呢？越好既野緊係越要留啦，但係如果你話俾我聽，你係好高位先買既，咁就要問返自己當初買果陣時，有無諗過同止蝕位相差幾遠？記住，買股票之前一定要定好止蝕位，再計值唔值搏先至去做，而唔係見到有冧把就亂衝架! 果隻股票咩位止蝕，係唔會因為你喺唔同位買而改變。 坐股票真係需要耐性同埋策略，好似隻868咁，今朝曾經好恐怖咁，一度跌超過4%，而家咪又將跌幅收窄晒，總之 relax。 筆者為證監會持牌人，其全權委託帳戶的客戶持有信義玻璃(868)、萬科(2202)
