個市衝高之後又回落，仲有啲股開始倒跌添，要唔要走一走先呀？可能大家都會有呢個疑問，當然點樣做買賣決定係大家自己既選擇，而我亦都無可能100%保證一定有更高位出現，所以唔駛走等等，而我想講既係，無論升市定跌市，都唔會日日只升不跌，又或者只跌不升，中間一定會有反覆，而好多時當升到咁上下，又會回一回，好似無乜力，嚇到啲人拿拿臨走去食餬，如是者，當大家越介懷啲短線走勢，越係怕走唔到高位，越無可能坐到大浪。
要坐大浪，就要放開對股價既執著，我地唔係成日要望到實，驚死走唔到怕蝕底，而係定好止賺位，唔跌穿就由得佢，有陣時可能呢隻好啲，有陣時可以又輪到果隻跑返出黎，真係唔駛太過介懷，總之平常心啦，悶就悶啲，只要啲股仲係保持住升勢，佢地自己會按住佢地既步伐去行，唔駛太過緊張既，尋日唔升果啲，今日咪又係升返。
