諗樣兄,
本人家住西貢, 在銅鑼灣上班, 現租新界西本人希望待明年樓價下調時入市, 現希望鎖定幾個屋苑為入市作準備. 希望諗樣兄可推介一些屋苑作參考. 謝
希望
1. budget within 3.8M
2. 可養狗
3. 交通方便: 方便回西貢及上班
4. 寧可舊點, 但希望空間大一些
ANSWER:
*本天第二篇貼文，請在下方按LIKE/LOGIN TO FACEBOOK去觀看全文
[facebooklike]
見到讀者解而精的來文，只令我想起「直角等於三角形」! 佢家住西貢, 在銅鑼灣上班, 現租新界西的格局，除了諗起佢會唔會鐘意成日走去大埔行下街，「拜」齊香港「四隻角」之外，腦海只浮現了香港上空出現了的一個鐵三角。有時推介可真的隨心，要再親身見面才能詳談需要，如果….要在本文作推介，那便將鐵三角加入人口加權，得出中間點在土瓜灣。
如果你有用開中原資料庫，你知網頁佈將近年不同的成交作出了分區。惟細心留意，土瓜灣是奇怪的。有「土瓜灣」及「土瓜灣東」。Well，你心諗旺角都有旺角東啦，你係咪搵野黎講? 如細心再按入，發覺土瓜灣泛指舊區如炮仗街、北帝街一帶樓房，最大最新翔龍灣、傲雲峰等。而土瓜灣東有農圃18、帝庭豪園，兩屋苑和舊區相隔馬頭涌道，一街之隔，呎價差異可近倍。咁係咪結論係土瓜灣東就係有錢人住，西就留比西人住呢? 好衰唔衰，佢個土瓜灣東又加入了欣榮花園，房協樓，正常理解住客不屬有錢人。原本欣榮是西的，中原又將佢放係東，攬到亂哂。
筆者所見，中原數據系統是供agent同業用的，可能不想客人用的。農圃18、帝庭豪園兩屋苑如果要同欣榮花園拉同類，只有在每個單位放售價上比較接近。前面兩屋苑是用料貴，單位呎價高。欣榮當然唔會靚料，房協亦是會中規中距。但由於該屋苑單位大，而實用率較高，最小單位為691呎兩房開則，所以平極都五百幾萬。由於價錢有番咁上下，就比中原upgrade左去「東面」啦! 當然欣榮升仲有原因，良好校網加上已選好的就近地鐵出口，催化屋苑一升再升，七百萬是平常交易價。但實地觀察會發現少許缺點，是內籠開積有點不規則，屋內有些地方好難用。另外樓望樓情況頗嚴重，屋苑樓屠高極唔過廿幾樓，令你就算買大單邊都會望到對面樓。另一個觀察顯然是富有香港特色的「隔條街、樓價唔同哂」特色! 農圃18望住對面既舊樓，真係天堂同地獄之分別。咁當然所謂之地獄舊樓，冇幾百萬都買唔起啦! 差異是在每呎價。
講返讀者，欣榮絕對不合預算，而北帝街行落去見到一大堆廿餘年的細屋苑，你一定會搵到心頭好。暫冇地鐵令狗狗夜晚行落街都唔會嚇親!~至於交通是一定方便，更有專線小巴直達灣仔。2015年地鐵通車後該區又是一個大變天，想再聽多d自己落區睇睇。
[/facebooklike]
—————————————————————————————
筆者正為五月舉辦交流會作準備。相信最實務是由買樓開始講起了。
當然會吸取此課堂之經驗，將來會試辦其他大家感與趣的課程。
由於是首辦所以課程長度只為兩講，收費亦因此調整了。但筆者保證內容是不會少掉的!
課題: 買樓心得交流課程
2013年5月7日及14日(星期二)
晚上7.30-9.00
尖沙咀金巴利道35號金巴利中心11樓
費用: 港幣$120
*有讀者問，特此說明是只用$120，就上哂兩堂了。全課程共兩堂
有意請電郵，未有足夠座位會先放進waiting list下次先行通知
homebloggerhk@gmail.com
詳情
http://www.homebloggerhk.com/?p=7194
