現時有樓係手者，應耐心等待入市機會。如手頭真係太鬆動，可用一半購買力入貨。手上冇樓者，細細地都應買番間樓，對衡樓市上升風險。讀者問三年租錢可否抵銷未來預計之三成跌幅? 應該不可，香港租樓支出一般為樓價5%，三年支出只不過樓價15%，如佢睇樓價跌三年三成應該放心租樓。
諗樣建議讀者既方案，不是叫你賭單邊升或跌，而係利用眾多投資工具，去對衡棲市升或跌為你帶來之風險。施永青先生創立中原地市指數就係想將樓市升跌指數化，然後大眾就可以透過指數衍生出黎既投資工具，有效對沖樓市升跌。可惜要創立一個有公信力既指數去表達樓市談何容易? 至於創立指數既原因，諗樣只係節錄部份一提，剩餘留待施先生解釋。
若果諗樣是讀者，就會用之前賣出細單位賺左既錢作首期，買入新單位租出。當然比七成首期好過比五成，但如被銀行萬中無一咁發現你就要「補水」。你租間大屋自住而自己hold細屋租比人，樓市暴升風險已為你沖銷了一半或更多! 所以樓都可以對沖一半半的，當然overhead多些少同埋對沖效率冇股票咁高。請往後留意超筍樓盤更要bookmark支持，諗樣為你諗更多方法!
樓返樓市，近日睇樓既人多了，其實需求還在，想買樓既人大把，置安心都超額認購廿倍。政府一方面推出BSD抽走外地買家，另一方面又延長SSD減少香港二手樓之供應，未來一年係由一手市場主導之格局，一手賣得好，同區樓之價格可上揚，反之二手同附近新盤一齊沉淪。不過講需求，今年細價樓既需求會比大價樓需求大，原因係買大價樓既有錢人有兩類主要諗法: 香港人，佢地熟路自然識搵工廈投資，唔使煩你個SSD。外來人: 要自住就要打BSD，15%咁肉痛何不租番兩年樓再睇定D? 比租仲平過比稅! 要投資可以用公司股份轉讓繞過BSD，令交易「潛水」，報紙暫不會見到1.X億豪宅成交之新聞。
結論係細價樓仲會升，大價樓冇得再用報紙吹噓，可能行人止步。本年樓市進入微調。再往後看，確實要深思政治風險之上升會為樓市帶來幾大影響。現時香港營商環境不進反退。保護主義、福利主義亦被某些人濫用，成日用作鼓勵民眾上街之借口。現時各個大孖沙同中央關係仲良好，佢地照顧香港時在內地投資亦受照顧。可惜各位富二代未必咁諗，如果本地政府同大孖沙關係再冇改善，好則換過一批人上場(麗新、新世界….)，壞則可引致嚴重後果。到時香港內部一衰敗，港人更難出聲去保衛自己既言論自由。試問你後生個陣如個袋連些少錢都冇，點去反抗父母落既order呢? 離家出走? 更是雙輸之策。希望明日特首施政報告，在閱覽梁策之餘更要反思。