最低工資確實係心理上幫到一班低下層，開頭發覺多左兩千蚊用，拉動租金與消費物價上升。可惜半年開來，造成大學生走去做萬幾蚊保安既現象，而洗碗阿姐就冇人肯做，走哂去做舒服樓面。往後市場點就最低工資調節，還待觀察。已知既係最窮既人未改善生活，因出現入職要求跟工資向上調，而低技能工人未能如願向上移一格事實。總勞動人口縮減，因有限既餅要分多比每一人，唯有減人數，故低下層冇加人工之餘仲隨時被剔出勞動人口。
所加人工由次高人工者補貼
幫到既反而係學識比最低一群稍高既人，即原本搵九千餘完人仕，佢地只要技術勉強夠留係勞動人口，就可以加一至兩千蚊人工。至於佢地加左既人工其實多由次高技術者補貼，即係原本搵萬餘完人仕。但係原本人工萬五六蚊既就唔洗旨意加人工! 佢地既錢已流去低一層做補貼。
係一層拖一層下，入息位中位數兩萬棲下既人好模糊。 模糊到令而家係最低層既人(如看更、或冇經驗既大學生)睇唔到去路。咁既情況下十個有九個選擇唔行，致社會年青人不思上進，最尾沉淪。
上點有像拾星火節目之牙慧，惟本樣重點在於用人工層面與對工人既motivation方面分析，與彼不同。
香港平均住宅租金回報已跌至3.8%
最低工資實行後，就算唔係全部，但一定有影響租金(至少你屋企大條道理加管理費，商場一樣!)。現時香港平均住宅租金回報已跌至3.8%，比平時5.0%低一段。用1999年量度，2012年租金返回該年水平。樓價則由150點升至2012年200點附近，比1999年仲升約三成，拖動租金上升。又係老闆受害，最終錢係流番去地主度。最低工資幫到邊個，可以係關愛基金剛公佈既租金資助計劃，略知一二。