減息香港會否連金融中心遺址都做唔成?【諗SIR】#2976

因為人口減少緊而衰落的香港，點解2024年仲有人用錢投票成為上佳資金停泊所?

 

先講減息，直債市場已有反應，幾類唔同的直債見升。

直債可再有兩浸升幅，真正油水位係要將債再細分。第一浸在減息啟動時市場預期沖喜1個月至美總統大選。第二浸是是減息後十年期國債孳息率回順至3.8%，然後再逐漸跌至2.8%，令債價上升。

 

 

上看法建基於2022年3月初加息時的反應，當時十年期美國債由加息前半年低點約2021年8月的1.24%升至3.1%，上升1.85%。

 

2024年預期9月減息前的孳息後抽高見4.7%，預期9月18日美金減息後孳息減會由現時3.9%進一步下降至3.3%，然後後抽至3.8%，在25年復活節回調至2.8%-3.0%水平。

 

當然故事唔會同2022年一模一樣，只係反轉方向。不過2個大方向幾可確定

1. 總統大選前市場傾向利用減息製造繁榮，利好民主黨選情
2. 川普或錦麗那一當選都是有缺憾或威望不夠的新任總統，推動些新基建方便自己人入閣，川普某種形式上撤軍，到25年Q1，趁蜜月期將市場平穩發展可以預期。

 

香港係衰落的金融中心係咪? 看數字(下圖)銀行總定期存款金融又創新高，不過增長率係慢左既。同一年前相比，由23年7月85710億升至99117億。23年7月至今定期息率仲少左，說明呢年新入香港做定期的資金不是只因高息的，主因大眾睇淡大市想行穩而香港金融體系又能符合行穩心理，說明遺址都仲有唔少人真金白銀科水支持。

 

 

 

一旦息口減、當中梗有些少錢由定期走返出黎，香港一個月住宅成交約3000宗，當平均800萬一間樓成3000萬總成交額為240億，亦即只要99117億的定期當中1%放返出黎，991億已夠買哂近4個月成交的住宅單位。

 

由於市場唱淡文章易有點擊及留言，我地不如睇睇見英國的M3總量，6600萬人口之銀行體系撈到約3.5M英鎊，24年向下走錢。而因為人口減少緊而衰落的香港，700萬人(就無)卻撈到全世界18M港紙，當英鎊同港幣10算計，即英國M3等於35億港紙，香港一個小地方已圈到18M港紙返黎，等於英國一半，仲要24年d人唔驚減息同香港股樓又跌，好蠢咁拎錢入黎。

 

而銀行坐住呢18M點賺錢呢? 就好似香港有些銀行咁，你入到去分行見佢唔一定SELL野，不太進取。誠然佢老細識落一批有錢人，用3.8%定息拎有錢人既資本用銀行再去買美國國債收5%，坐住100億一年賺1.2億息差，每個月都夠出糧比成百人養起間銀行，咁前線咪唔使點跑數啦。香港暫時冇咩新增項目，但坐錢確實可堅守一段時間，同埋最緊要，出到你份亞洲區高水平低又交得少稅既糧。

 

又，今年開學，仔話佢多左唔少新同學喎，佢地全部講國語定唔係呢?

 

 

 

 

 

※只接受修畢「收息101 / 股樓債賺價課程」的學員報名，本課程不對外開放！※

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---