今期劈價搵邊個屋苑落手 (港島篇) 【80後の投資俠侶】#2674

因應讀者要求, 今期從港島數據中抽取成交或動能雙位數的屋苑作分享。

 

 

康怡花園 (37-39年) 放盤 215個, 成交10宗, 動能 4.65%

 

大部份鑽石廳,小量兩房非鑽石廳, 分上下康。

下康樓齡較新及交通方便,但景觀較多樓景單位。 而上康樓齡較舊,冇咁方便, 但較開揚。

附近較多國際學校。

近太古站及享用太古城的配套,但開則不及太古城, 所以這屋苑只能被太古城牽住鼻子走。

 

帝后華庭 (19年) 放盤 29個, 成交3宗, 動能 10.34%

 

筆者認為這屋苑是港島西邊的滄海遺珠。

上環站附近的半新樓, 較吸引的為 $800萬內的兩房單位, $800萬兩房是荃灣西的價錢呢。

距離西營盤站5分鐘

靚校網,小學: 11, 中學: 中西區

鍾意半新樓及港島屋苑的要到這裡尋寶。

 

寶翠園(22年) 放盤 101個, 成交8宗, 動能 7.92%

 

這個屋苑係未夠雙位數成交及動能, 但筆者認為如果追求有質素的港島屋苑,一定要睇寶翠園。

這屋苑開則較大, 最細既兩房都有659′, 較配稱做豪宅。

1分鐘到香港大學站

靚校網 小學: 11 中學: 中西區

鑽石廳開則私隱度較高, 適合豪宅住客,客廳夠大所以不用擔心鑽石廳擺位問題。坊間多誤解鑽石廳一定唔好, 其實輕易處理後反而比日字廳優勝。

近期成交最平兩房都要$1438, 買家用真金白銀投鑽石廳一票,值得去這個屋苑探索一下。

 

太古城 (35年-46年) 放盤 548個, 成交14宗, 動能 2.55%

 

筆者上星期和客人睇的5個太古城單位, 其中2個已售出。

睇樓當日感覺太古城的價錢價錢跌得誇張, 真3房開價$950萬, 明明這是沙田濱景和荃灣麗城價錢等二線屋苑價錢。

筆者一位精打細算的朋友今年初一買的兩房單位才$10XX, 所以個人認為太古城跌突左。

眼利既你可能留意到樓齡只有35年, 冇錯部份座數的確較年輕。

11月成交宗數已上升73%, 但屋苑動能暫時仍低, 放盤仍有548個, 應該未有太多買家競爭。所以今期劈價屋苑必選太古城。

 

太古城成交:

11月- 26宗 (+73%)

10月- 15宗

9月 – 12宗

 

11月份普遍成交淡靜, 市場上劈價客實在太多, 但真正的劈價盤, 實在缺乏, 出到來其實都係要搶, 有時新聞上見到10台客搶一盤, 的確是事實。

 

聰明的讀者會問, 咁報紙上為何這麼多低價成交? 實情大部份係傾出來, 而傾價都要選對屋苑和經紀。

 

其實並非每一個屋苑都劈到, 尤其是樓王屋苑, 業主多是自用及有實力, 放盤少及長期都有用家等待放盤, 只要業主稍微減價已獲承接。試想為何業主要在隨手可得ready buyer 的情況下, 自劈100-數百萬出貨?

 

筆者認為如果有意在跌市搵平貨, 不應為一棵樹放棄一個森林, 否則錯過左這個20年一遇的跌浪, 因為空等樓王卻空手而回, 必定後悔莫及。(筆者08年嘗過這種苦味)

 

另外經紀要慎選, 否則一個不留神買左暗盤凶宅當劈價貨(海怡事件)咁買就大件事了。

雖然一般雙邊代理經紀多會幫助業主的(業主換樓開串燒單), 或部份敬業經紀的確係想幫買家的, 但經驗不足或欠缺充足的資訊在手而導致不幸事件發生。無論經紀真有意定假疏忽都好,買家要追討都有困難。所以坊間有專業的單邊代理服務, 以協助客戶搵盤及傾價, 買家不妨考慮。

 

筆名： 80後の投資俠侶

 

筆者簡介：

 

從小到大住勻港九新界。（包括青龍頭, 深井, 荃灣, 大圍, 石門, 九龍灣, 彩虹, 銅鑼灣, 西灣河）。由1000呎的私樓，500尺的居屋以至200呎的公屋也住過，所以不同區份同開則都有自己的睇法。

 

由2008年海潚開始睇樓,至今累積14年睇樓經驗, 2010年上車,買賣過兩次樓, 有多年以租養租經驗。

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

※只接受修畢「收息101 / 股樓債賺價課程」的學員報名，本課程不對外開放！※