月供股票買盈富適合剛開始供樓的90後? #2453

“諗sir、團隊們你地好, 我有少少理財問題想請教下，可以指點一下我。

平時有留意開你YouTube channel同Facebook page。早喺你買樓powerteam 成立前買左樓，宜家有少少迷惘同失方向。

 

本人今年29歲，月入45000。人工會再加，會接下part time，月入有時再多4000-10000。 單身。 2020年年中喺大西北買左第一層樓。

 

樓盤係天水圍新盤，工作地點都係附近，所以入手左一個兩房單位。 樓價580萬，付兩成首期。

 

雖然知道諗sir prefer新手買二手樓，同埋都講過有好多區份都好過天水圍。 不過基於工作地點、樓價。 最後入手自住。

 

比首期時，因為無擔保人，向家人借左35萬元。剛剛好過曬壓測買到，唔洗額外保費。

 

現時每月支出如下

家用6000

樓宇供款連管理費18000

還款比家人基本6000

基本洗費： 水電、日用、交通 約5000-6000

 

*家人容許慢慢還清借貸，不限每個月還款金額。

 

本人在26歲時開始有心想買樓，一心以儲蓄達標，中間曾投資股票，但永遠因太心急，見股價跌就走（因為想止蝕）。 現在回望，如果一直持有，全部都有升值。 自知自己性格應該不適合股票。 因此買樓後無再買過。

 

迷惘處係，本人深知只有一層樓唔夠。 加上欠家人債，想儘快還錢。惟現在儲蓄不多，知道應該儘快儲翻一筆本金。  

 

 想問諗sir, 我直家應該儲一舊本金投資，然後還款。 定係乖乖地每個月還款。還完之後先再諗下一步？ 但又怕浪費左時間。 宜家本金不多，有咩投資可以留意下？ 其實買左層樓後, 個人踏實左好多，買股票應該唔會好似以前咁，驚跌就放,因為每個月支出已訂。無以前成日驚股票蝕得多比唔起首期。月供股票如何？ 一手一手買又怕港股已死。  感謝指點！“

有空請回覆，謝謝～

——

碌卡消費，收到月結單發覺使大左？WeLend A.I. 私人貸款比信用卡更低息。
WeLend A.I大額貸款新組合，一筆過申請大額現金流旁身，再享彈性延長還款期，年利率低至1.88%！立即申請，盡賺高達$12,000現金獎！
即刻申請：https://bit.ly/3CTgJN9 。即日過數！
忠告：借錢梗要還，咪俾錢中介；查詢及投訴熱線：3590 6396；放債人牌照號碼：0970 / 2021

 

ANSWER:

談親情

親情同信義，確實比錢重要，加上只欠35萬肯定唔算多，先儲錢還比家人，然後再打算買下間樓吧。

 

談炒股損手

唔好講話年輕人，就當年達40的，都見唔少因個人貪念引致輸錢時失控或過怒令往後決策更差，輕則在市場輸錢，重則令自己精神欠佳。貪嗔二毒中得太深些，炒股只會令你心煩又輸錢。至於讀者年輕入股場更難控制自己情緒，年少輸一輸不用太介懷。

 

借力打力

亦有些人太過單打獨鬥，唔明白借力打力的原理，令自己苦果一生。其實力可以比你借到，相信你已滿足借出者所需條件。故批得到而你又還得起，唔怕借街外人既錢。見讀者工資係好但未到卓越一層，所以更要借銀行錢去買多間樓讓多一個租客幫手加快儲蓄。另外政府既力同資源係大得令你不能抵抗，所以要順住政府印銀紙既路行。未來幾十年，政府會照印銀行去解決問題是可預期的。因此你趁後生借落筆債慢慢還，就會免費咁讓時間貶去你既債務。呢句說話:「30 year Mortgage is the best investment instrument; Debt burden will be inflated away」係出自股神巴菲特的。

 

誠然當理解去到一個點，就見百川匯聚。所以股樓債根本同理，股神講樓亦得，諗sir明明講債又返去講恆大汽車個股價又得! 當然諗sir比不上股神，佢對後世既影響肯定大得多! 只不過想講股樓債不用分邊個好，在一般人而言先買樓、中年有錢儲用債，最後錦上添花用股，呢個係最合情理安排。至於後生更易因炒股而情緒起伏，買股試一試輸些少屬小事。而諗sir的工作，就是給個股樓債按揭融會貫通之平台。

 

月供股票

亦講講月供股票，供股最令人覺得賺到錢之原因，係因為佢機械式儲蓄的特點最能抑制大部份人買股會輸之原因: 過份貪婪 – 大致可解成有時太貪亦有時太驚。

 

股票持有人幾時貪同驚確實人人唔同，有些人股票升些少就賣，因為驚連現時連帳面賺個些少都無埋。有些人實在貪心，短時間賺一倍都未夠話要贏多間屋返黎。

 

如果人不能將上述心態克服，其實佢上n個投資班都無用。股票就是考驗你對於「貪」字的遊戲，六成人物質唔夠強，在貪字之前完全屈服。另外兩成人抵不過每日在贏同輸之間遊走的壓力，最後做錯一決定而全盤輸走。所以只有10-20%人可在股市贏住走。另外早去學習及執行令自己物質夠，就係對抗貪字同令自己往好贏多輸少的好方法。

 

所以有人話:「越窮越見鬼」或者「贏家通殺」諗sir相信是上兩段現象之反映。

 

講返月供，由於你每月都買(月供)而不讓個人貪念或恐懼參與投資，所以衰衰地點都叫儲到舊錢。尤其對於年輕人儲到錢就已屬「贏」，誠然此結果係唔關邊個老師教你供邊隻事。諗sir亦唔相信你睇幾份年報，就可對一盤生意瞭如指掌買親佢都贏。你知諗sir自己都係先由銀行打工再轉去做生意出身，其實我講生意經應該會精彩過講投資買樓咁。所以月供股票絕大部份人賺錢不在選股，而是做好月供。亦因此你做零存整付相信效果唔會同你月供盈富基金爭太遠。

 

本篇講完心態，明日續篇再談讀者如何處理個人投資組合。

—

生意上需要周轉，又嫌銀行報價慢？唔洗左等右等，30分鐘即有批核結果。
A.I. 業主私人貸款，實際年利率低至1.88%，貸款額最高可達150萬！
唔洗樓契唔洗律師費，只要你係業主就可以！
即批即過數，高達2萬元回贈等你拎走：https://bit.ly/3CWdsg8。受條款及細則約束。
忠告：借錢梗要還，咪俾錢中介；查詢及投訴熱線：3590 6396；放債人牌照號碼：0970 / 2021

※只接受修畢「收息101 / 股樓債賺價課程」的學員報名，本課程不對外開放！※

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---