歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
過去三個星期提及過嘅股票，好多都升得好靚，希望大家都有斬獲。今日，再同大家講吓個市出現緊嘅一啲情況，以及強弱板塊。
先講弱勢。我建議，暫時大家要繼續避免沾手一啲大型科技股，直至佢哋再次轉強為止。
無論係AAPL又好，MSFT又好，都已經有幾個月時間，啲股價係無乜起色。無起色嘅股票，真係無必要去買佢哋。等佢哋嘅股價再度好轉，到時再買返都唔遲。
但有一樣嘢，大家要留意。雖然美股其餘類別有啲股票都升得好靚，而環球好多國家嘅MSCI 指數都係繼續破緊頂，但始終美國最大型嘅股票升唔起，我自己始終都係有啲戒心。簡單講，我會避開呢啲大股，但會繼續買強勢股票，只不過注碼會收細啲。
至於有咩板塊最強，我會首推semiconductor，即晶片股。
TSM 固然強勢，有貨嘅朋友，我建議唔好咁輕易就沽出股票，只要隻股一直上升，大家就要一直揸住股票，咁回報先會理想。現時，止蝕位為$86.70，離現價有啲遠，未有貨者可睇實，回調後企穩再上後，有機會出現下一個入市機會。
但其實強勢嘅晶片股，真係唔止TSM一隻。近排，情況係絕大部份只要個名semiconductor 呢個字，又或者同晶片業務相關嘅股票，都升得好靚。你只要睇吓係晶片股ETF (Ticker: SMH)嘅走勢，你就知呢個板塊有幾強。
唔知有咩股票買？教過大家，你可以喺SMH 嘅持貨名單中揾就得㗎喇。星期三講ETF 嘅時候再詳細講。
KNSL 又係繼續強勢。隻股，我仲係睇得好好，止蝕位係$207.67，唔跌穿就繼續揸。
KRNT，又希望可以為大家帶來唔錯嘅回報。呢隻股，距離止蝕位$66.27 已經好遠，暫時都無乜嘢做，又係繼續揸就可以。
仲有啲ARK系ETF，隻隻都升都上頂。但今日，就無乜新推介喇，因為之前推介嗰啲，都已經係好靚嘅股票。星期三，再同大家講更多唔同板塊嘅趨勢。