11月20日周五。今日的市場焦點，不在股市，而在Bitcon！當Bitcoin突破18000美元之際，除咗又有人疾呼上望20000美元之外，亦有聲音話Bitcon將取代黃金這種old-style的財富儲存角色，正值呢個時候金礦股ETF如GDX就弱過藥煲，更加強咗呢種睇法。有漁友問GDX應否止蝕？以小弟對Plan ABCDE的理解，操作方法應該有別於個股，如Plan C的價值下跌，其實反而應該增持，以維持番20%比例才對，這才是資產配置的理念所在，唔知小弟咁諗有冇錯？至於Bitcoin會否取代黃金、應否加入資產配值作為Plan F，咁就要大家自行思考矣。
回顧各行業一周表現，風中勁草數目增至110隻，唔少股價表現突出，板塊中個別股份今日更急升。強中之強的運輸板塊，一周升近兩成的數不在少，例如中外運（0598）、海豐（1308）及中遠海控（1919），東方海外更拋物線式升48.34%，不過今日陰陽燭呈射擊之星，應該有唔少獲利者出貨，不宜高追。
不過，小弟見嘉里物流（0636）今日創新高後回落，尾市仍然忍唔住在17.68加多半注。點解唔等調整多啲先買呢？係因為見其他運輸股隻隻都急升，有啲怕執輸FOMO的心理。小弟同船長傾過，其實咁樣大有問題，因為要睇番股份的「個性」，有些股本身爆發力強，創新高才追係會繼續爆爆爆，但嘉里物流明顯不屬呢類，每次創新高後都橫行整固兩三個禮拜，先至會再升，每次高位距離50天線約20%反而會調整。換言之，今次加注的timing是錯誤的！小弟唔知之後結果係點，但起碼又學識一樣嘢，就係唔好未了解個別股份的「個性」，就下買賣決定！
搵開運輸板塊，小弟就睇睇有冇落後股，睇番市值200億以上的股份，個圖係比較靚似VCP、股價在成交密集區頂的，睇到有兩隻較落後的中資運輸股，可能值得留意。其中一隻係10月12日出破訊號的深圳國際（152），出破訊號曾殺番落12元止蝕水平，唔知係咪stop hunting，跟住又上番成交密集區頂13.4元，目前仍在12-13.5元上上落落，未升穿250天線，RS同OBV都未得，但50天線已微微彎向上，暫時擺住在watch list。另一隻招商局（144）雖然無破訊號，但走勢反而較佳，大成交升至成交密集區頂及250天水平小幅波動，成交慢慢收縮，OBV偏強，有少少似VCP。睇兩年圖，對上11.7元有另一個蟹貨區，與現價約有15%距離。
另一強板塊係金屬與採礦行業，以漁友所揀的五礦資產（1208）最勁，一周升26.34%，江銅也繼續造好；10月14日出咗破訊號的天工（0826）今日無喇喇一暴力拉升，之前又係調整成交縮，有啲VCP形態。漁友短炒一轉的俄鋁（0486）升緊最接近的成交密集區，高位整固中。
汽實行業亦係強板塊，好多相關股份在早幾日調整後回升，一周升10%以上。耐世特無懼「特式」禁買令，今日再升7%兼創新高。小弟之前見佢壞消息都唔係好跌，第二日已升番，都感覺應該強手控制，只係到最後都係無膽博。
製藥及醫療保健行業呢個禮拜好番少少，一周升一兩成者真係濕濕碎，從事主動脈覆膜支架的先健科技便急升了24.58%，藥明康德（2359）則在成交密集區上回穩。不過，有漁友覺得醫療板塊唔強，不如揀食品與飲料好過，的確有佢道理。講番轉頭，食品與飲料風中勁草無論一日以至一周上升的都升唔少，包括青島啤（0168）、華寶（0336）及旺旺（0151），剛出業績的旺旺繼續升。
今日寫住咁多先。剛開通了美股漁夫系統，一於體驗！
============
了解更多：股市漁夫系統 免費試用
漁夫選股系統 stockfisher.com.hk – 莊志雄博士｜最強突破股篩選系統
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
漁夫選股系統 stockfisher.com.hk – 莊志雄博士｜最強突破股篩選系統
（系統只接受信用卡付款）
收費：$ 7888（一年期）
– 一眼看清大市中短線方向
– 全天候資產配置例子教學
– 每週會員片總結宏觀觀察
– 股市掃描助手幫你省時找出潛在轉勢股份
– 股價提示功能
– 用戶教育短片示範
– 莊博將其貼市分析在系統內視頻發放
付款步驟:
2. 網站裏會看到【成爲用戶】的方框，選擇「訂閲」，然後填好資料後再按下「注冊賬戶」。
3. 利用年繳$7888選項用信用卡完成付款。
客戶服務：91010168（whatsapp）上午10：30 — 19：00