歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
美股，大股就唔係咁靚㗎喇，但一啲強勢中價股，表現都算係唔錯。例如，上星期介紹過的KRNT，升勢相當強勁。
此公司從事成衣印刷，好多網上賣T-Shirt 嘅網店，都係揾佢印衫，近年佢嘅生意額一直上漲，長遠股價仍有很大嘅上漲空間。隨著上週股價上升，止蝕位現已稍遠，當然已買入股票嘅朋友可以繼續持有，止蝕位為$66.27。
另一隻之前介紹過嘅股票，係雲端會計服務股BL。上週，股價由低位再次反彈，走勢相當唔錯，已持股嘅朋友，亦應繼續揸住，止蝕位為$101.20。
對於可承受風險嘅投資者，PDD 亦係可以考慮嘅股票之一。
上週PDD 嘅股價由高位回調再反彈，止蝕位上調至$128.80，走勢亦繼續強勁，但要注意此股風險頗高，要小心注碼。
KNSL 亦係我好鍾意嘅股票之一，止蝕位為$207.67。
TSM，上週急升後雖股價有所回落，但只要喺現水平能夠出現反彈，將會再次係買入嘅機會。呢隻股票有基本因素支持，只要股價繼續維持強勢，唔跌穿止蝕位，可繼續持有。
TTD都係我好鍾意嘅股票之一，現價雖離止蝕位$697.36 有啲距離，但我認為都可以小注買入。
然而，一眾大型科技藍籌股，走勢就似乎麻麻。
AAPL，我個人幾睇好佢長線嘅盈利前景，奈何佢嘅股價仍然缺乏上升動力，暫時仍不宜沾手。
同樣情況，出現係MSFT 同AMZN。呢啲大型股票，盈利前景都無問題，但始終就係資金唔流入股市，導致走勢都唔好。往後，要留意住呢類股票嘅情況。如見股價走勢好轉，美股有機會迎來下一個升浪，但在此之前，對於美股嘅前景，我仍有一定戒心。