10月30日周五。隔晚美股下跌，中港股市大插，成個watchlist跌多升少，感覺美國大選前市場氣氛悲觀。
睇睇大市走勢，港股市寬已經連日回落，50天線比率32.2，9月最低為29.04；150天線比率37.3，9月最低為35.1，觀察多幾日，睇呢次守唔守得住前低位。
投資組合方面，今日尾市以2.61元止蝕特步（1368），相較2.79元買入價，輸6.4%，雖然注碼細，但係都肉赤，無辦法，紀律為先。主要大市值股中，安踏（2020）及盈富（2800）都出了止訊號。體育品板塊一天有兩隻股份出止訊號，代表恒指的盈富也出止訊號，個市似乎有啲問題，暫時唔會再博。
特步失利，令我想睇一睇紡織品板塊的現況，經過近期下跌，大部分股份都得番兩格能量，之前炒寒冬概念的波司登（3998）急回，能量急減兩格，早排出突破訊號的裕元（551）累計跌6.24%，強勢程度似乎不如自己之前想像。唯獨有隻毫不起眼、6月已出突破訊號的德林控股（1709），突然飆升44.33%，出訊號至今升89.19%，原來發盈喜，以自己功力應搵唔到呢類股……唔知有冇師兄師姐咁勁捉到。
船長話若港股市寬再跌，風中勁草都頂唔順，小弟現階段唔會落場，但唔代表咩都唔做。船長叮囑要總結每周的最強板塊及ETF，以待市寬見底回升買當頭起股。要做咁多功課，投資一啲都唔容易。
既然逆風，就概覽下風中勁草中各個行業，希望得到啟示。睇一周升跌，兩隻A股ETF安碩A50（2823）及南方A50（2822）分別跌2.64%及2.72%。個人認為較值得留意的有運輸板塊，尤其是7月尾已出突破訊號的嘉里物流（636），周五大弱市之下竟能逆市上升，能量格數+3；其餘中遠海控（1919）升1.85%，中國外運（598）更升4.57%，至於海豐（1308）及圓通（6123）則跌。
另一個要睇的板塊是硬件及軟件服務，「漁民蛇羮」（1337）一周跌2.93%，另外ATM中的企鵝（700）、美團（3690）以至金山軟件（3888）一周計都錄得唔小升幅，但能量格數漸減，可能都難抗大市下跌。
汽車板塊則較參差，比亞迪（1211）、福耀玻璃（3606）一周分別勁升13.39%及18.17%，但長城（2333）、耐世特（1316）則急回。
總結而言，今次特步的買賣雖然最後虧損，但仍算是按計劃執行，也是小弟第一次以文字紀錄下來的成交，希望大市市寬止跌回升後，可帶來更多機會。由於小弟的Plan E未夠，所以這星期會睇實A股ETF可否趁跌吸納，以及留意運輸板塊尤其嘉里物流和軟硬件股的表現。
另外，有漁友認為小弟唔掂奶業股係帶有偏見，多謝意見，我都同意，希望有所改進，可能正如船長所講，就係未放低以往嗰套，所以成績都係麻麻。不過，買股都要坐得舒服自在，先至食到大浪，呢方面小弟都希望能調整下自己。
今日寫住咁多先。
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
