歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
睇完哂啲ETF 嘅表現之後，的確，美股嘅市場係出現咗一啲小警號，好多之前相當強勢，升得好靚嘅ETF都有「失速」嘅情況。雖然，個別都有啲股票，特別係嗰啲業績理想嘅股票，繼續能夠升得好靚，但整體大市嘅情況，卻係令人憂慮。
暫時，圍繞住美股嘅「不確定」主要係兩件事。第一，係民主、共和兩黨能否達成協議，推出新一輪刺激經濟措施。第二，係美國大選，究竟邊個會贏。但始終結果未定，所以資金嘅取態都係比較保守。至於係點，睇住圖表講最實際。
大陽能股ETF (Ticker: TAN)，表現繼續強勢，早前雖然曾試過有輕微整固，但昨日又能再升，出現上樓梯形態。此ETF 現價都可以買入，止蝕位為$72.00。
但其餘好多ETF，走勢都有所減弱。
長期強勢創新股ETF (Ticker: ARKK)，過去一週明顯都面對住非常重大嘅沽壓。雖然，距離止蝕位仲有一段距離，暫未要作出任何動作，但當此類強勢ETF 都有轉弱之勢時，你就要對大市抱有較大嘅戒心。
早前走勢更強嘅基因科技ETF (Ticker: ARKG)，更開始接近止蝕位。如往後股價下穿$71.00，我會建議首先離場，寧願等到再入升勢時追回。原因係，往後嘅跌幅，可以好大。
網購股ETF (Ticker: IBUY)，之前又係本來升得好好，上週喺市場傳出Biden醜聞後，升勢又停止咗。雖然，股價形態又未算太差，但都顯示市況暫時並唔係咁樂觀。
晶片股ETF (Ticker: SMH) 都有類似情況。本來又係升得好好，但過去一週又係無力再上。但算見個別股票如台積電(Ticker: TSM) 曾經有力上升，但最後都畀個市拉返落嚟，呢個都顯示到市場嘅沽壓都相當大。
至於納指ETF (Ticker: QQQ)，走勢就更差。
總括而言，現時美股走勢的確係有要擔心嘅地方。如未來一兩日，走勢都無改善，我就會開始減持倉位，去到大概半倉水平。如個別股票或ETF 跌穿止蝕位，就再減。
或者，可能要等到大選後，大市先會變得易玩一啲。