歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
======附件=======
======附件=======
美股，雖看似有回升跡象，有啲率先彈起嘅股票，我覺得都可以睇升。至於係咩股票，一陣再講。
但有一樣嘢，我認為大家要知道。美股，似係將會步入一個好波動嘅狀態，睇見啲期權引伸波幅急漲，就知嚟緊個市應該都唔會風平浪靜。所以，大家睇升又好，睇跌又好，首先要有畀個市chok 上chok 落嘅心理準備。然後，投放嘅注碼，真係唔好太大。若然識得點做期權的話，不妨改做一啲有限風險嘅策略。
開場白講完，入正題，講吓有啲咩可以博。
第一隻，係Fiverr (Ticker: FVRR)。
我鍾意FVRR 嘅原因，一來，係佢嘅business model 非常簡單。基本上，呢間公司就係一個平台，畀人網上去揾一啲freelancer 幫佢哋做嘢。然後，生意做成咗，佢就拆佣。
二來，佢做生意嘅手法，似乎正在一直進步中。FVRR 嘅增長動力，嚟自生意宗數嘅增加，以及開拓高單價生意嘅市場。前者，我會見到FVRR 喺市場上愈來愈有名，而佢開出嚟嘅服務範疇，都日漸增加。後者，則我見到有啲freelancer 幫人設計logo，收人幾萬蚊港紙，而仲係有人幫襯。呢樣嘢，印象中，兩年前呢個平台係未做到，依家開始做到。假如呢個市場能夠繼續開拓得到，FVRR 將會好有前途。
現時FVRR 嘅止蝕位為$115.73，唔跌穿可看好，但買入要控制好注碼，因呢隻股票上落幅度頗大。
另外，EPAM 都算係好強。個市之前下跌，佢都唔係跌太多，但當個市一回穩，佢起碼都做到兩支陽燭，顯示買盤都有一定強度。現價可買，唔跌穿$301.67 可繼續持有。
最後，AAPL 我覺得都可以博一博。雖然，佢之前嘅走勢好差，但過去一個星期，股價已能企穩，止蝕位為$103.10，博嘅話要嚴守止蝕，但我覺得都有一定值博率。
未來呢幾日，好關鍵。如星期三前，個市再度轉弱穿底，新入市嘅注碼都要走人，因後市有機會變得好差。但若市況持續好轉，我就會逐步增持好倉。星期三再講。