歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=============
Pbd
Icln
整體大市，算係穩咗，但就唔算強。特別係，例如係五大科技巨企蘋果、微軟、Amazon、Alphabet 同Facebook，走勢都唔靚，變相令納指、標指兩大指數嘅表現都較為失色。但好彩，都已有一啲ETF 開始跑出，今日可以同大家分享一吓。
先係ARKK。
呢隻ETF，相信大家都唔會陌生。近日，除咗TSLA之外，你會見到好多隻ETF入嘅持股，走勢都有所好轉。鍾意呢隻ETF嘅朋友，可以買入，留意止蝕位$81.33，唔跌穿可以繼續持有。
大陽能ETF，又係好強勢。現價雖距離止蝕位稍遠，但我認為都可以分段買入。總之，留意止蝕位$47.98，唔跌穿就繼續揸。
如果除咗太陽能之外，想分散少少投資，都可以選擇一系列強勢嘅「潔淨能源」ETF。ICLN，走勢都唔錯，可留意止蝕位$15.33。
體育博彩行業，亦好強勢。BETZ，係一隻較新推出嘅ETF，入面嘅股票，好多都唔係喺美國上市，所以如果想投資喺美國以外嘅博彩股，佢都唔錯嘅選擇。但要留意，BETZ嘅波幅都唔細，要小心風險。止蝕係為$18.77。
然而，買貨之外，我都想大家知道，其實整體美股市況，並非真係太好。例如係IBUY，今年一直走勢都好靚，但近月都已經升唔起。往後如果佢重新有力再升，當然可以再買，但呢隻ETF嘅走勢轉弱，反映美股嘅整體情況，並非真係完全樂觀。
總括而言，強勢ETF，有止蝕位，當然仍可買入。但一嚟，注碼方面，大家唔好買到太盡。其次，如見呢啲ETF 都有轉弱跡象，就要有警覺性，穿位要嚴守止蝕。
市況再有轉變，會update 大家。