Chanel與黃金
#慳妹空姐: 弊啦!弊啦! 一個星期啫，黃金跌穿咗USD 2000，仲曾經失守過USD1900 呀!🥺
#漁美人: 你幾時轉咗Channel由娛樂優閒台變咗財經台?
慳妹空姐: 又係你叫我襯no paid leave學做asset allocation，我都未趕得切做好 allocation，唯一嘅asset –黃金就跌。
漁美人: 雖然你只係買咗黃金相關嘅產品， 但你又唔好誤會自己唯一嘅asset係黃金。你仲有港紙、外幣、定期同埋公司份ORSO呀，只係你未積極處理佢哋啫。咁你啲黃金相關產品，佔總資產幾多%，計咗未啫?
慳妹空姐: 暫時1%係實金，其餘黃金同金礦股ETF就係跟Plan ABCDE，用嚟抗滯脹同惡性通脹，每款買咗1注喳，仲有2注未買! 聽你話船長教嘅!
漁美人: 聽教係乖嘅。不過你得嗰1%實金，同埋各1注嘅ETF，使唔使嗌晒救命咁呀! 當年你用成個月糧買咗人生第1個名牌包包—Chanel，都冇咁誇張啦。你仲記唔記得嗰時個袋幾錢？
慳妹空姐 : 嗰時一個月人工咪得嗰萬零蚊 …….2008年暑假時，1歐羅兌港元大約$12，個袋大約千幾歐羅，退埋稅，港紙1萬8千蚊有找。
漁美人：咁依家歐羅兌港元幾錢？
慳妹空姐: 依家歐羅得番$9左右喳，攪到我啲outport allowance變相縮晒水！😠
漁美人：好喇，咁同一個袋，因為匯率低咗，以家買係咪平啲囉？
慳妹空姐: 係喎！咁計咪一萬咪左右可以買到個Chanel？即刻要買多個啦! 𠵱？🤔 咪住先……冇可能！ 等我上網睇吓行情。 哇！香港官網話依家嘅建議零售價係４萬８千幾！😱 歐羅雖然平咗，但係我個袋個價錢反而triple咗！雖然用咗咁多年，但依家二手拎番出去賣，可能仲有得賺！
漁美人：哈哈哈！好彩你都傻唔晒！都知道以家萬幾蚊買個Chanel係冇可能。賣咗佢，你捨得咩？
慳妹空姐：😛😛😛 唔捨得呀！呢個袋除咗為咗满足我少少嘅虛榮心之外，另一方面係奬勵自己努力嘅成果。所以我點都唔會賣！
漁美人：係囉，我記得當時你同我講，你將來總會有機會出席一啲場合需要拎個Chanel出嚟見人。另外，你又相信Chanel只會不斷加價。因此即使當時幾肉痛都好，都決定買咗佢。今時今日睇番，買呢個袋你覺得值唔值丫？
慳妹空姐：梗係值啦！買咗十幾年，個款又唔會out嘅，陪展博出席公司活動時又唔會失禮佢。我當年買嘅價錢仲係以家嘅1/3 喳。簡直物超所值!😏
漁美人：係囉!你對Chanel 咁有信心點解反而對有貨幣價值嘅黃金就冇呢? 今年以嚟，你完全冇機會用過個袋，佢一直都只係喺衣櫃入面，不過你都唔會急住賣咗佢， 因為你相信不久將來喺某啲場合，Chanel會再有用武之地。用同一個邏輯去諗，假如你相信跟Guns and Gems會發生 ( which is依家發生緊），咁點解你會因為佢依家平咗，就慌失失？Chanel 減價到１萬時，你會想買多個。咁黃金呢？減價到幾多時你會想買多啲?
Goodbye and thank you all Fishers XX
Chanel logo: 網上圖片
============
了解更多：股市漁夫系統 免費試用
股市漁夫是一套高績效的選股系統，系統運用技術分析配合統計學製作出不同指標顯示短、中、長線的港股表現；較一般指數更能反映真實市況，對分析後市走勢有絕對的優勢。股市漁夫選股系統透過精密的方程式去找出股票強弱勢頭，全天侯自動分析個股走勢、突破股、大市評論及視頻等功能。莊博士獨家的運算方程用 「破勢」、「止賺」把機會向用戶展示。漁夫選股系統更有不同種類之篩選股票準則來提高勝算。
莊志雄博士為股市漁夫創辦人及香港大學專業進修學院客席講師，並在Now 財經台合作主持《名家給力場》。
股市漁夫是香港財經媒體，而股市漁夫選股系統由莊志雄博士及成家博客Homeblogger團隊共同研發，2018年 11 月11日正式推出，此前莊志雄博士曾任職《信報》研究部主管，並先後於和記黃埔、AXA安盛、永泰地產有限公司、永道管理顧問有限公司（Coopers & Lybrand）等不同類型企業及上市集團擔任管理顧問、財務及市場分析工作，涉及範疇包括資產管理、地產、電訊及電子商貿等。
