課程編號：CC002
================================
暫別，但好快再見面
版務
埃汾平時看甚麼
暫別，但好快再見面
好，專欄最後一期，唔講市。大感謝祭。
回想呢個收費專欄，3月中出世，正係個市最差之時。有人話燈。但掉轉頭，我覺得股災下出世先係好事。如果係大牛市，2007年嘅，個個股神啦，日日搵隻beta最勁嘅得啦，個個都一個星期幾成回報，使鬼睇你啲文咩。
就係一片哀號時都可以唔驚，先顯得出實力嘛！當然你可以話，扯，3月之後個市係咁升，就益咗我呢啲幾時都話買嘅人—但你諗返，當時幾咁多人係咁話有排跌？
我敢講，呢個專欄，戰績算係唔錯嘅。今次唔會一一列出，因為之後你都會見我賣廣告講返威水史。咁當然只係揀好中嘅講，但真係好錯嘅，好似都冇乜。算係咁
咁當然有做得未係太好嘅地方，但天地良心，我覺得對得住讀者有餘了。但總會有可以改進嘅地方，都有讀者反映過，普遍都係有建議性嘅。嚟緊下一輪就會轉平台，會將呢啲問題一一處理。
有人問今次完咗後會點，可以答大家，只係暫別，呢個文字專欄唔會太耐就會重出江湖。點解停？亦真係冇特別原因。只係開頭講3個月，咪3個月。咁啱又差不多生日，仲順手放咗假，如果唔係因為肺炎直頭會外遊。
真的，我覺得咁耐以嚟，最難其實就係開頭。開咗個頭就自然順。仲有就係堅持落去，雖然有時會遲出稿，咁3個月以嚟，冇一次脫過稿，甚至紅日我都係照寫的。其實做好多嘢都係咁，最難就係開頭，同埋一路堅持。幾多人就係死在呢兩樣嘢度。當然唔得嘅唔好夾硬堅持，呢啲在其他文都提過。例如兩年前生日嘅一篇。
咁呢排點算好？係會有收費睇片嘅玩法，都係homeblogger，可以留意我嘅Facebook Page
版務
多謝大家3個月嘅支持。原來都好似幾多人有興趣繼續。之後點？暫時可以答嘅係，收費專欄應該會繼續，亦都應該唔會大加價，但有可能轉另一個平台。
另外，我同homeblogger之後會有另一啲嘅合作，好快會宣佈。
或者，如果想知道最新情況嘅，可以Facebook PM我，或者email我：ivankirsten@gmail，或者whatsapp我: 9809 8494。話我知你想再收到，咁我可以第一時間通知你。
埃汾平時看甚麼
好，今篇唔止感言的。有讀者叫我，做啲好書推介，話畀大家知我平時睇緊咩嘢。都係一件好事。我記得我後生（！）時睇蔡東豪 龔耀輝之類，佢地專欄告別時都做樣咁嘅嘢，無私公司自己到底在邊度搵題材。
原本我係有啲小人之心嘅：喂，畀讀者知道我邊度抄文，咪可能可以跳過我？但，後來覺得多餘。首先，我平時都貼埋圖貼埋link，大家大約都知。另外，嗰啲東西唔少都係要科水訂—即係其實我幫你科埋咁解。更重要係，時間。讀者未必有心機有時間睇咁多嘢，亦可能因為經驗同工作領域關係，冇我咁熟，睇咗你都未必完全明，或者好多疑問。所以由我幫你睇埋，消化埋，加埋我嘅見解評點。
其實一路呢個收費專欄就係做啲咁嘅事。
真的，you are what you read，埃汾每日花大量時間睇各種不同嘅東西。
先講中文紙媒，講過我係老派人，都仲係習慣睇印刷版報紙。感受的確係唔同。我每日睇嘅，明報，信報，經濟日報。你見排名都分先後。
明報算係綜合各樣嘢做得最好，但當然唔係專做財經新聞，不過佢地財經版都不錯。加上有埃汾嘅專欄，當然要睇。信報，其實就金融嚟講做得幾好，但的確近年退步（又有邊個唔係？），即時新聞都齊。至於經濟啦喎，可以批評嘅地方唔少，但仲有值得睇嘅地方，況且啲即時新聞的不錯。
有人問，蘋果呢？我有科水訂閱網上版，但其實唔多睇。講料其實幾齊，寫嘅人亦都勁，但你懂的，乜都政治行先，陰謀論行先。圍爐過癮，但睇得多對你冇乜益。咁你睇政治鍾意圍爐都算，好合理，政治本身就係圍爐。但金融嘢，另一回事。
英文紙媒呢？埃汾有（用公司錢）訂Financial Times，以前會儲埋一大堆坐飛機睇，但而家少咗出trip．印刷版的確幾貴，不如訂網上算。
仲有，當然係Economist．中產知識份子嘛，其實好早已經訂。嫌貴？咁就訂埃汾收費專欄等我幫你消化吧。
更重要嘅係，Newsletter。你見埃汾日日都花兩三個鐘睇，坐車又睇，食飯又睇。
Financial Times同Economist 上面講過，中產知識份子中間偏右嘢，不再重覆。但我自己覺得，Financial Times嘅premium content有啲雞肋，我就冇額外再畀錢，只係畀最平嘅plan
仲有Bloomberg Newsletter，我覺得係抵訂的
Quartz News，我都係付費會員，就主打商業新聞。不過感覺上，好似賣盤畀日本仔後跌咗watt
但另外，推介你可以訂CNBC嘅Newsletter．最好嘅地方係：免費。不過佢地都開始越嚟越多嘢要畀錢了，正路，內容係有價的。
更加偏右，親商，亦都比較親侵侵嘅，Wall Street Journal．早十年八年我覺得麻麻地，但呢幾年好似幾好，唔知係咪我個人變咗。亦都平衡返，睇返啲冇咁反侵嘅媒體。另外，佢地個daily shot newsletter，一日幾十個圖，相當值得睇，亦好似其他人冇（仲未有人抄？）
咁光譜另一端，當然係Washington Post．其實麻麻地，免費年代反而好似比較多嘢睇。況且亦唔係專做金融嘅報紙。立場明確就係極之反侵。其實只係多啲了解美國嘢，我覺得唔係錢多時間多，可以唔睇。
仲有，New York Times．亦都唔係財經嘢主打。中間偏左知識份子，亦係平衡下。
Facebook Page方面，不幸地，真係唔掂嘅多，睇嚟睇去，冇幾多個睇得上眼。其實倒唔係因為寫嘅人冇料，但真有料嘅，亦未必要在Facebook Page益你（所以埃汾明顯係得閒得滯）．要靠Facebook Page嘅，好多時亦不能避免要嘩眾取寵，搶眼球，甚至政治行先。所以，中文Facebook Page 好嘅，真係冇幾多個。要我推介嘅，兩個
美股隊長 — 無人唔識啦。但講真，好嘢佢都未必在Facebook Page免費講了
規佬筆記 — 利申，作者當然我係識的。亦唔係只講投資，但寫文水準幾高。
其他，真係諗真冇乜。你諗到可以話我知。
Twitter是好東西—講真的，唔想圍爐嘅，開個twitter．Facebook 玩演算法，你睇連詩雅就畀埋衞詩雅你，你J得多衞詩就不停派畀你，係好自然令人圍爐局限。Twitter 冇呢個問題。
但講真的，唔使科勞埃汾 twitter，無聊嘢，搵交嗌多。但以下呢堆戶口，你可以科（亦係我科嘅）。不幸地，亦係英文多。但全部都免費，亦都唔會玩標題黨，真係十分好
@SoberLook — 正係WSJ Daily shot，唔想畀錢嘅，咪呢個。但當然唔會齊
@aguirrepujol —性質相似，圖多
@ISABELNET_SA — 同上
@RyanDetrick — 都係圖多，但多自己原創嘢
@charliebilello — 同上
@ECONdailycharts — Economist 嘅圖，免費嘢
書—睇書好重要。學以前嘅埃汾好了，唔好學而家埃汾。因為而家睇少咗好多書，一年兩三本。但勝在我年少時睇好多，大把貨賣，由今日開始一本書都唔睇，都多過好多人。
原來數埋都好多下，舊書多，因為都話近年少睇書，睇都係睇其他領域多。而我只會推介我真係完全睇完嘅書，唔會只係睇過少少就推介，更唔會人話好我又推。所以，以下只係我睇完晒嘅書。
排名應該不分先後的。大多數都有中文版，自己搵，link係英文，一般係紙版，Kindle版自己搵
Jeremy Siegel，Stock for the long run—其實真係勁，好簡單嘅嘢講足幾本書。就話你知，買股票係好東西。講完。
John Allen Paulo，A Mathematician Plays The Stock Market — 數學角度多，但唔算太深。係講故事，普通人都應該睇得明。
Steven D. Levitt，Freakonomics — 不用多講吧。仲有一大堆續作，但當然係跌watt 同食老本
Walter Block，Defending the Undefendable —中文版叫 百辯經濟學 ，我成日都講。大市場自由右翼必睇，顧名思義就係幫啲被認為「壞人」嘅辯護。例如扯皮條，勒索者，高利貸，全部都有其貢獻。
- W. Lewis，Why Flip a Coin?: The Art and Science of Good Decisions—中文版叫 理性賭局，亦係我成日講嘅書。簡單嘢，講統計同機率。
Russell Roberts，The Invisible Heart: An Economic Romance—亦係傳統自由派右翼飛機之作，經濟愛情小說，幾過癮的。中文版叫 愛上經濟
Burton G. Malkiel ，A Random Walk Down Wall Street — 老牌書了，其實都係教你買ETF
Michael J. Sandel，Justice: What’s the Right Thing to Do? 同埋 What Money Can’t Buy: The Moral Limits of Markets—亦係極之出名。左翼嘢。好睇的，都聽下其他人嘅觀點。左而不膠好難，成日諗市場，炒賣，投資發達，不妨聽下其他聲音。
Frank Partnoy ，Fiasco: The Inside Story of a Wall Street Trader—非常精彩，華爾街文化。
Eugene O’Kelly，Chasing Daylight: How My Forthcoming Death Transformed My Life
—寫過了，KPMG CEO，絶症得返三個月命寫嘅。反思人生。
Tim Harford ，Undercover economist —有啲似Freakonomics，講平時你見到嘅現象。例如點解凍飲加兩蚊之類
Michael Lewis，Moneyball: The Art of Winning an Unfair Game— 出名到戲都拍埋。如何將統計應用落運動度。
Michael Lewis，The Big Short: Inside the Doomsday Machine—同一作者，講2008金融海嘯，亦係戲都拍埋
Roger Lowenstein，When Genius Failed: The Rise and Fall of Long-Term Capital Management — 相當出色嘅一本書，講LTCM爆煲，諾貝爾獎嘅天才又如何？
Gerd Gigerenzer，Calculated Risks: How to Know When Numbers Deceive You—有啲似Why Flip a coin，都係講概率，同埋我地對風險嘅先天誤解
Barton Biggs，Hedgehogging— 唔係講刺猬，係講對沖基金
Andy Kessler，Wall Street Meat: My Narrow Escape from the Stock Market Grinder — 一代天才工程師轉做華爾街分析員嘅回憶錄
你話，中文呢？Er，又實在真係冇乜。
早期我會覺得東尼，林少陽，蔡東豪，龔耀輝或者黃國英寫嘅嘢可以一讀。但而家，都真係冇乜。
真係睇嘅，睇陶冬寫嘅幾本書，寫得相當好的。況且陶冬假假地都係Credit Suisse星級員工，得罪講句，同啲搵兩三皮嘢嘅十九寫文真係唔同。
另外，我推介德國股神科斯托蘭尼Andre Kostolany嘅幾本書，例如一個投機者的告白。相當奇怪地，好似係冇出英文版的，一係你睇德文。