歡迎大家加入新開設「美股研究報告」會員專用 Facebook 群組
https://www.facebook.com/groups/386563215606501/
=========附件==========
==========附件==========
美國喺度講緊「第二波疫情」。例如，蘋果有一啲店鋪，喺重開後因為疫情再度關閉。
如果你問我，假如第二波疫情真係出現，會唔會影響到經濟？我嘅答案係，一定會。但影響，唔會係好全面。
同二、三月嘅時候好唔同。當時，我哋唔係對個病嘅認識好少，要點樣應對，又或者最壞情況可以變成點，我哋都唔知道。當時引發嘅恐慌，係令到幾乎所有股票，不論行都下跌。但事隔幾月，即使再有美國疫情轉差嘅消息出現，但明顯地，有啲股票已經唔係太受影響。
然而，我必須要講，近日升得最多嘅，並非喺excel表入面，過去幾年升得最穩嘅股票，而係一啲同e-commerce 有關嘅股票。
要知道有啲咩股票，其實參考返啲ETF就可以。我建議大家睇兩隻ETF，第一隻係HERO，第二隻係EMQQ。連結如下。
https://etfdb.com/etf/HERO/#holdings
https://etfdb.com/etf/EMQQ/#holdings
先講HERO嘅成份股。其實升得最靚嘅，係上星期三講過嘅BILI。但佢嘅升幅實在太勁，未追嘅現價好難追，今日暫時唔詳細講，到有機會買入時先講。
而另一隻我認為可買入嘅係Nvidia (NVDA)。
呢隻股票，以往大家對佢嘅印象，可能係造一啲顯示咭，但我認為佢嚟緊嘅盈利增長動力，係嚟自佢嘅雲端遊戲平台。
如果發展順利，Nvidia 除咗會能夠賺到更穩定嘅現金流之外，其遊戲週邊產品銷隻都將會受到帶動。呢隻股，現價已可買入，止蝕位為$348.13，唔跌穿可繼續睇好。
至於EMQQ，則係投資於全球新興市場嘅internet & e-commerce股票，而呢個板塊，我相信喺可見嘅將來，會繼續成為市場嘅焦點。
騰訊、美團唔使講，相信大家都好熟識，特別係後者，3月後升幅相當驚人。然而，有啲喺香港買唔到嘅中概股，例如係拼多多 (PDD)，升幅甚至更甚於美團。
唔少得亦要提吓隻SE，又係升到顛哂。
當然，現價追貨好似好貴，以下我想分享一個部署策略。
大家可以留意住呢隻EMQQ。現價約$45，我哋可以分注買入。美股有個好處，就係買股票，你可以一股一股咁買，即幾百蚊港紙已可入場。即係話，你分注投資嘅靈活度好高。
然後，望住止蝕位$38.78。唔跌穿，呢個行業我會繼續睇好，未夠貨嘅，可以吼住每個小回調再升時加注。當然，跌穿，我會全部貨沽清。但假如呢個趨勢真係繼續發展落去，EMQQ嘅股價可以喺未來一、兩年時間絕對有機會較現價倍升。
疫情，當然會對經濟做成影響，但同時，亦會令市場出現另外嘅一啲機會。E-commerce，有機會就係其中一個疫情製造出嚟，可以長升嘅投資機會。星期三再講。