======附件======
======附件======
上星期三，美股出現了一次頗大嘅震盪，好多股票喺嗰日都大跌，有朋友嘅貨被震走咗一部份，問下次可以點做，先能夠免同樣情況出現。
首先，講講我嘅睇法。
喺震盪中有貨被震走，其實並非絕對壞事。相反，如果因為今次經驗，令到我哋將啲止蝕位搬遠，咁到下次真係有危機出現嘅時候，個風險管理嘅機制，就未必會帶來效果。
呢啲我叫做「誤鳴」嘅情況，事實上係好難完全避免，但要減少佢帶嚟嘅影響，都唔係無辦法。
- 分散投資。
的確，上星期係有啲股票撞中咗止賺、止蝕位，但亦有唔少股票係企得好穩，未有跌到位，如果能夠適當地分散投資，就算有股票出現誤鳴情況，影響都能夠減低。
- 以ETF 代替個股。
ETF 除咗有兩個好處。第一，可以令投資風險減低。第二，亦可以令我哋喺波動市況中，要處理去留決定嘅次數大幅減少，減低投資嘅難度。
例如好多強勢ETF，好似WCLD、IBUY、QQQ，當日嘅跌幅都唔算好大，玩呢啲ETF，走錯貨嘅機會就會減少。
- 善用期權
Short Put 配合股票呢個方法，適當運用的話，係會幫到好多手。用呢個方法去玩，第一，我每次股票嘅持股量都會減少，形成我面對嘅壓力同風險都會較低。第二，要處理呢啲波動市，好簡單，我只要將一啲已差不多賺完嘅Short Put合約平倉，就已經能夠減低風險。然後，待市況回穩，再開Short Put倉就可以。
呢個策略，唔難掌握，只要有少少實戰經驗，你就會明白佢點操作，同埋好處。如要協助，請電郵至 [email protected] 找我。
然後，講一講個市。
今個星期，投資風險唔低，強勢股仍可以揸，但建議點都要留返4成以上現金。如中美關係喺短期內繼續轉差，市況或會有大波動。
但都有啲股票值得留意。
兩隻評級機構股，走勢都唔差，當中SPGI比MCO走勢更靚。SPGI，現價已有投資價值，配合期權買入，贏面更高，止蝕價$290.08。
Wingstop (WING)，跟策略已離場，過去兩週雖無明顯跌幅，但升勢以減弱，如往後再上升動力，會再買入。
另一隻愛股Lululemon (LULU)，可繼續持入，但股票上升太多，未買入者要等適合時候才可加注。
Tyler Technology (TYL)，走勢好靚，隨著調整反彈後止蝕位上移，可作跟進，跌穿$343.00 離場。
Chegg (CHGG)，屬於跌穿止蝕嘅股票，加上止位後反彈力度不足，暫不會再跟進。至於持有此股的ETF IBUY，走勢仍佳，可繼續持有。
冒得起風嘅朋友，可考慮以下兩隻股票。第一隻，係下星期提及過嘅Kinsale Capital Group (KNSL)，止蝕位$127.14。
另一隻係軟件系統公司，Cadence Design Systems (CDNS)，走勢比前者更靚，止蝕位$81.95。兩隻股票，過去收入都一直快速增長，只要市況沒有急劇轉差，未來股價相信仍會有好大嘅上升空間。
最後，要留意中美關係發展，有危機，就要留意個別股票嘅止蝕位，跌穿要離場。