【莫家強】其實個市因咩而跌,好清楚

收到唔少message,問個市點睇,唔個別答喇,呢度一次過答。

首先,其實個市因咩而跌,好清楚,就係肺炎。根本上,從啲股票嘅表現,已經show哂出嚟。

5D%,係過去5個交易日,即係一個星期,隻股票嘅升跌幅。Ichimoku,1代表喺雲上,詳細唔講喇,大家可以想像係中線利好指標,0代表喺雲下,係中線利淡指標。

過去5日表現最好嘅股票,大部份都喺雲上;表現最差嘅股票,大部份都喺雲下。

雖然,過去兩日,有唔少股票都跌,但睇返啲強勢股,以5日計,都仲保留到唔少嘅升幅。抽頭三隻嚟講。

Quidel,做疾病檢測,有隻產品叫SARS-CoV-2,就係用嚟測試COVID-19。
Model N,係軟件公司,做revenue cloud solutions。
RingCentral,做cloud-based communications。

表現差嘅股票,又抽頭三隻嚟講。

Planet Fitness,做健身室。
WNS Holdings,做business process management,為企業提供營運協助。
Bright Horizons,做幼兒學校。

從呢啲公司嘅類型,我估,大家應該都睇到啲嘢。

好喇,再講個市。

美股試過好多次,大跌完好快就會企穩,無事,反彈。今次,唔知會唔會又係咁。但根據過往做嘅研究,如果今晚美股主要指數連少少都無得升,後市風險就會增加。

道指,衰開,我唔睇佢喇。但最低限度,納指要能夠微升。唔使升得多,只要微升好少,我都收貨。

如果你問點解,呢個係研究結果。

但總之,今晚收市如果一啲升幅都無,我會走好多貨,等個市好返先買過。然而,走咗貨,唔係無嘢做,我仍會一直留意住有邊啲股票係會喺跌市入面繼續表現強勢。仲係咪雞翼、瑜伽衫,就由個市去話畀我哋知。

今晚,ETF group 會開live做workshop,呢度未必會update。聽日再講。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室